,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

မိုင်းခေါင်ကျေးရွာအထွက် စစ်ကောင်စီတပ် မိုင်းခွဲတိုက်ခိုက်ခံရပြီး ထိခိုက်သေဆုံးမှုရှိ

KIA troop

မံစီ (Man Je) မြို့နယ် မိုင်းခေါင် ကျေးရွာအထွက်တွင် အင်အား ၁၀၀ ခန့်ပါသော စစ်ကောင်စီစစ်ကြောင်း ယနေ့ နံနက်ပိုင်းက မိုင်းခွဲခံရပြီး စစ်သား ၁ ဦးသေဆုံးကာ ၃ ဦး ထိခိုက်ခဲ့သည်ဟု သိရသည်။

ယနေ့ နံနက် ၆ နာရီ မိုင်းခေါင် (Mung Hkawng) စစ်တပ်စခန်းမှ မဂျီဂုန်(Maji Gung) စစ်တပ်ဗျူဟာကုန်းသို့ ချီတက်လာသော အဆိုပါ စစ်ကြောင်းကို ကချင်လွတ်လပ်ရေးတပ်မတော် KIA တပ်ရင်း ၂၇ အဖွဲ့က မိုင်းခွဲတိုက်ခိုက်ခဲ့ခြင်း ဖြစ်သည်ဟု မိုင်းခေါင်ဒေသခံတစ်ဦးထံမှ သိရသည်။

“ဗန်းမော်ဘက်က တက်လာတဲ့ စစ်ကြောင်းတွေ မိုင်းခေါင်းစစ်တပ်စခန်းမှာ ခဏနားပြီး ဒီမနက် အဲ့ထဲက စစ်အင်အားတစ်ချို့နဲ့ ပြန်ပူးပေါင်း ထွက်လာတဲ့ချိန် မိုင်းခေါင်ရွာ ရပ်ကွက် ၃ စာသင်ကျောင်းရှေ့ရောက်တော့ မိုင်းခွဲခံရတာဖြစ်တယ်။” ဟု မိုင်းခေါင်ဒေသခံတစ်ဦးက ပြောသည်။

မိုင်းခွဲခံရသော စစ်ကောင်စီ စစ်ကြောင်းမှ ဘေးပတ်ဝန်းကျင်ကို သေနတ်ရမ်းသမ်းပစ်ခတ်ခဲ့တာကြောင့် ကျေးရွာအတွင်း စစ်ရှောင်စခန်းရှေ့နှင့် လူနေအိမ်များတွင် ကျည်ဆံထိမှန်ခဲ့ကြောင်း သိရသည်။

ပြီးခဲ့သည့် ဖေဖော်ဝါရီလမှစပြီး စစ်ကောင်စီတပ်များသည် ဗန်းမော်မှ မဂျီဂုန် ဗျူဟာကုန်းသို့ စစ်အင်အား၊ လက်နက်အင်းအား နှင့် ရိက္ခာများကို ဆက်တိုက် ပို့ဆောင် လှုပ်ရှားနေကြောင်း သိရသည်။

ထို့ကြောင့် မိုင်းခေါင် နှင့် မဂျီဂုန်ကြားရှိသည့် KIA တပ်မဟာ ၃၊ တပ်ရင်း ၂၇ မှ ကြားဖြတ် တိုက်ခိုက်မှုများ ဆက်တိုက် ပြုလုပ်နေခဲ့ရာ ၂ လအတွင်း ၁၀ ကြိမ်ထက် မနည်း ရှိပြီ ဖြစ်ကြောင်း သိရသည်။

ထိုသို့ စစ်ကောင်စီတပ်၏ လှုပ်ရှားမှုများနှင့် တိုက်ပွဲများကြောင့် ဒေသခံများ၏ နေ့စဉ် အသက်မွေးဝမ်းကြောင်း လုပ်ငန်းများ ထိခိုက်နေကြောင်း ဒေသခံတစ်ဦး ပြောသည်။

“အခုလောလောဆယ်က မိုင်းခေါင်နဲ့ လိုင်ကာဇွပ်ဂျာကျေးရွာ ကြားမှာ စစ်ရေးကတော့ ဆက်တိုက်တင်းမာနေတာပေါ့။ ကျနော်တို့တွေလည်း အိမ်ပြန်ပြီး တိရစ္ဆာန်တွေကို အစာလည်း သွားမကြွေးနိုင်ဘူး။ တချို့ဆို ပျောက်သွား၊ ရှုံးသွားတာတွေရှိတယ်လေ။ ခုလောလောဆယ်က သွားလာလို့ လုံး၀ မရနေတာဖြစ်တယ်။” ဟု မိုင်းခေါင်စစ်ရှောင်ပြည်သူတစ်ဦးက ပြောသည်။

စစ်ကောင်စီတပ်များသည် ယခုနှစ်ဆန်းပိုင်းကစတင်ကာ ဧရာဝတီမြစ်ကြောင်းအတိုင်း ဗန်းမော် စစ်အင်အား ပို့ဆောင်နေပြီး ယခု ဗန်းမော်မှတဆင့် မံစီမြို့နယ် မဂျီဂုန် စစ်ဗျူဟာသို့ စစ်အင်အား  ပို့ဆောင်နေသလို၊ ဗန်းမော်မှ ကားလမ်းအတိုင်း KIO ဗဟို ဌာနချုပ်နယ်မြေ နမ်ဆန်ယန်ကျေးရွာအထိ စစ်အင်အား တိုးချဲ့မှုများကို ယခုလအတွင်းပြုလုပ်နေဆဲ ဖြစ်ကြောင်း ဒေသခံများထံမှ သိရပါသည်။

Read Previous

ကလေး PDF တပ်ရင်း ၃ စခန်း စီးနင်းခံရပြီး တပ်ဖွဲ့ဝင်တစ်ဦးကျဆုံး

Read Next

ဧရာဝတီ မြစ်ရေ ထပ်မံ မြင့်တက်လာနိုင်ကြောင်း ပြည်နယ်မိုးဇလ သတိပေးထား