,

Breaking News :

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

လိုင်ဇာမှာ ၅ နှစ် မှ ၁၂ နှစ်ကြား ကလေးများကို ကိုဗစ်-၁၉ ကာကွယ်ဆေး ဆက်လက်ထိုးနှံပေးနေ

Photo – Kachinnet

ကချင် လွတ်လပ်ရေးအဖွဲ့ KIO ဌာနချုပ် လိုင်ဇာမြို့ရှိ အသက် ၅ နှစ် မှ ၁၂ နှစ် ကြား အရွယ်ကလေး ၄၄၀ ဦးမှာ SINOPHARM ကိုဗစ်-၁၉ ကာကွယ်ဆေး ထိုးနှံပြီးစီးကြောင့် လိုင်ဇာ ကိုဗစ်ကာကွယ်ရေး ကော်မတီမှ သိရသည်။

လိုင်ဇာမြို့နေ ပြည်သူများအား ကိုဗစ်ရောဂါလက္ခဏာ ရှိမရှိ ပုံမှန်စစ်ဆေးမှု ပြုလုပ်ပြီးနောက် အသက် ၅ နှစ်ပြည့်ပြီး ကျန်းမာရေးကောင်းမွန်သည့် ကလေးများကိုသာ ကိုဗစ်-၁၉ ကာကွယ်ဆေးထိုးပေးပြီး ဖြစ်ကြောင်း ကိုဗစ်-၁၉ ကာကွယ်ရေး ဗဟိုအတွင်းရေးမှူး ဗိုလ်မှူးကြီးဟိန်းဝမ် က KNG ကို ပြောသည်။

“ကျနော်တို့ ဈေးရောင်းတဲ့ ဈေးသည်တွေကိုဆို ပုံမှန် swab စစ်တယ်။ ကာကွယ်ဆေးထိုးမယ်ဆိုလည်း ကျန်းမာရေးကောင်းလား အရင်စစ်ကြည့်တယ်။ ကျန်းမာရေးကောင်းတယ်ဆိုမှ ကာကွယ်ဆေးထိုးပေးတယ်။ ဆေးထိုးပေးနေတာတော့ အရင်လကတည်းကပဲ။ ကျနော်တို့ ဆေးက SINOPHARM ကိုဗစ်-၁၉ ကာကွယ်ဆေးကို ထိုးပေးတယ်။ လောလောဆယ်တော့ ၁၀ တန်း စာမေးပွဲတွေရှိလို့ ကာကွယ်ဆေးထိုးပေးတာတွေ ခဏ ရပ်ထားတယ်” ဟု ဆိုသည်။

ကိုဗစ်ကာကွယ်ဆေးကို လတ်တလော အဆုတ်တီဗီဆေးသောက်နေသူ ၊ နာတာရှည်ရောဂါရှိသူ ၊ မွေးရာပါနှလုံးရောဂါရှိသူ ၊ HIV ပိုးရှိသူ နှင့် ရာသီတုတ်ကွေး နှာစီးချောင်းဆုံးဖြစ်နေသူများမှအပ ကျန်းမာရေးကောင်းမွန်သူများကိုသာ ကာကွယ်ဆေးထိုးပေးခြင်း ဖြစ်သည်။

“ကိုဗစ်ကာကွယ်ဆေးကတော့ ဘယ်အသက်မရွယ်ပဲ ထိုးထိုး ကျနော်တို့ သတ်မှတ်ချက်တစ်ခုထဲပဲ။ နှလုံးမကောင်းတဲ့သူတွေကို မထိုးဘူး။ HIV ကူးစက်ခံရသူတွေကိုလည်း မထိုးဘူး။ ရာသီတုတ်ကွေး နှာစီးချောင်းဆိုး ဖြစ်နေတဲ့သူတွေကို မထိုးဘူး။ အဆုတ်တီဗီ ဖြစ်နေတဲ့သူတွေ နာတာရှည်ရောဂါဖြစ်နေတဲ့သူ ဆေးစားနေတဲ့သူတွေကို မထိုးပေးဘူး။” ဟု ကိုဗစ်-၁၉ ကာကွယ်ရေး ဗဟိုအတွင်းရေးမှူး ဗိုလ်မှူးကြီးဟိန်းဝမ် က ဆိုထားသည်။

လက်ရှိ လိုင်ဇာ ၊ ဒွမ်ဘုမ်း ၊ ဖာလပ် ၊ ပါဂျောင် ၎င်းနေရာများရှိ အသက် ၅ နှစ်ပြည့်ကလေးများကို တရုတ်နိုင်ငံထုတ် SINOPHARM ကိုဗစ်ကာကွယ်ဆေး ထိုးနှံပြီးသူ ကျား (၄၂၄) ဦး နှင့် မ (၄၄၀) ဦး စုစုပေါင်း ၈၆၄ ဦးရှိပြီ ဖြစ်ပြီး အကြိမ်ပြည့် ထိုးပြီးသူ လူဦးရေ ၂ သောင်း ဝန်းကျင်ခန့်ရှိပြီ ဖြစ်သည်။

ကချင်လွတ်လပ်ရေးအဖွဲ့ KIO ဌာနချုပ်ရှိရာ လိုင်ဇာမြို့တွင် အိုမီခရွန် – Omicron အမျိုးအစား covid-19 ပိုး ကူးစက်ခံရသူများ စုစုပေါင်း ၅ ဦး ဝန်းကျင်ရှိနေသော်လည်း အရှေ့ပိုင်းတိုင်းစစ်ဌာနချုပ် မိုင်ဂျာယန်မြို့တွင် ပိုးတွေ့လူနာထပ်တိုးခြင်း မရှိကြောင်း သိရသည်။

Read Previous

ရဲတပ်ဖွဲ့ မှ CDM များ NUG အစိုးရထံ ဆက်သွယ်ရန် ထုတ်ပြန်

Read Next

တနိုင်းမြို့နယ် ကျေးရွာအချို့မှာ ဓာတ်ဆီတစ်ဂါလံ ကျပ် ၂၀၀၀၀ နီးပါးအထိ စျေးတက်