,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ဆော့လော်တိုက်ပွဲမှာ စစ်ကောင်စီဘက် ထိခိုက်ကျဆုံးမှု ရှိသဖြင့် ဒေသခံများ၏ ဖုန်း နဲ့ စကားပြောစက် သိမ်းဆည်း

ဆဒုံးဒေသတွင် တွေ့ရသော စစ်ကောင်စီတပ်သားတစ်ဦး (၂၀၁၆)

ကချင်လွတ်လပ်ရေးတပ်မတော် KIA တပ်မဟာ ၇၊ ဆော့လော်မြို့နယ်မှာ ပြီးခဲ့တဲ့ ရက်ပိုင်း တိုက်ပွဲအတွင်း စစ်ကောင်စီဘက် ထိခိုက်သေဆုံးမှုရှိခဲ့ပြီးနောက် ဒေသခံတွေရဲ့ ဖုန်းနဲ့ ဆက်သွယ်ရေးပစ္စည်းများကို စစ်တပ်က သိမ်းဆည်းနေတယ်လို့ သိရပါတယ်။

ဧပြီလ ၂၇ ရက်နေ့ ဆော့လော်မြို့နယ် မျောဂျောင်ကျေးရွာအနီး KIA ၊ PDF ပူးပေါင်းတပ် နဲ့ စစ်ကောင်စီ၊ ပြည်သူစစ် ပူးပေါင်းတပ်တို့ကြား တိုက်ပွဲမှာ စစ်ကောင်စီဘက်က ၃ ဦးသေဆုံးပြီး ထိခိုက်သူများပြားခဲ့ပြီးနောက် မေလ ၃ ရက်နေ့ ဒေသခံတွေရဲ့ ဖုန်းတွေကို လိုက်လံ သိမ်းဆည်းနေကြောင်း ဆော့လော် ဒေသခံတစ်ဦး က KNG သတင်းဌာနကို ပြောပါတယ်။

“ဆော့လော် ဒေသခံတွေကို ဖုန်းအကုန်သိမ်းလိုက်တယ်။ သူတို့ သတင်းစီးဆင်းမှုကို ထိန်းချုပ် ချင်လို့ ထင်တယ်။ ဒီဘက်သုံးတဲ့ ဖုန်းတွေက အင်တာနက်သုံးလို့ မရတဲ့ ဖုန်းတွေ ဟုတ်တယ်။ ဒေသခံတွေက talkie walkie အသေးစားတွေလည်း သုံးတယ်။ အဲဒီစက်တွေအကုန်လုံးကို သိမ်းလိုက်တယ်။”

ဖုန်းအသိမ်းခံရတဲ့ ကျေးရွာတွေဟာ မျောဂျောင်၊ မန်ပျော့၊ အောက်ဆော့လော်အပြင် အနီးတစ်ဝိုက်က ကျေးရွာအများအပြား ပါဝင်ပါတယ်။ စစ်ကောင်စီတပ်ဟာ အုပ်ချုပ်ရေးမှူးတွေကတဆင့် သိမ်းဆည်းခိုင်းနေခြင်း ဖြစ်ပြီး CDMA ဖုန်းအမျိုးအစား နဲ့ စကားပြောစက် ဝေါ်ကီတော်ကီ အသေးစားတွေအကုန် ပါဝင်တယ်လို့ ဆိုပါတယ်။

ဆော့လော်မြို့နယ် ကချင်လွတ်လပ်ရေးတပ်မတော် KIA တပ်မဟာ ၇ အောက် တပ်ရင်း ၄၆ နယ်မြေမှာ ပြီးခဲ့တဲ့ ဧပြီလ ၁၂ ရက်နေ့က ပြည်သူ့စစ်တပ်တွေကို KIA နဲ့ PDF ပူးပေါင်းတပ်ဘက်က တိုက်ခိုက်တဲ့အတွက် ပြည်သူ့စစ်ဘက်က သေဆုံးသူနဲ့ ဖမ်းဆီးခံရသူရှိခဲ့ပြီး လက်နက်အများအပြားလည်း KIA ဘက်က သိမ်းဆည်း ရမိခဲ့ပါတယ်။

ပြီးခဲ့တဲ့ ဧပြီလက ဆော့လော်မြို့နယ်မှာ စစ်ကောင်စီတပ်၊ ပြည်သူ့စစ် နဲ့ နယ်ခြားစောင့်တပ် တို့ စုစုပေါင်း အင်အား ၂၅၀ ခန့်သာရှိပေမယ့် တိုက်ပွဲ အပြီး ဝိုင်းမော်ဘက်က စစ်ကောင်စီအင်အား နောက်ထပ် ၂၀၀ ခန့် ထပ်မံ တိုးချဲ့လာတဲ့အတွက် လက်ရှိ ဆော့လော်မြို့အနီး စစ်ရေး ပိုမိုတင်းမာနေကြောင်း ဒေသခံတွေက ပြောပါတယ်။

KIA တပ်ရင်း ၄၆ နယ်မြေ ဖြစ်တဲ့ ချီဖွေ-ဆော့လော်မြို့နယ်မှာ ၂၀၂၀ နောက်ပိုင်း နှစ်ဖက်စစ်ရေးတင်းမာလာခဲ့ပြီး အခုနှစ် ဧပြီလက ပထမအကြိမ် တိုက်ပွဲဖြစ်ပွားပြီး၊ ဧပြီလ ၂၇ ရက်နေ့မှာ ဒုတိယအကြိမ် တိုက်ပွဲဖြစ်ပွားခဲ့တာ ဖြစ်ပါတယ်။

ဒါ့အပြင် မေလ ၅ ရက်နေ့ကလည်း ချီဖွေ မှ ဆော့လော်သွားတဲ့လမ်းမှာ နှစ်ဖက်တပ်ကြား ထိတွေ့မှုတစ်ချို့ရှိခဲ့ကြောင်း ပြောဆိုပေမယ့် အသေးစိတ်ကို စုံစမ်းနေဆဲဖြစ်ပါတယ်။

ပြီးခဲ့တဲ့ ၂၀၂၀ ခုနှစ်ကလည်း ချီဖွေအနီးမှာရှိတဲ့ KIA တပ်စခန်း ၂ ခုကို ဖယ်ရှားပေးဖို့ စစ်ကောင်စီတပ်တွေဟာ ကချင်ငြိမ်းချမ်းရေးအကျိုးဆောင်အဖွဲ့ PCG မှ တဆင့် KIA ကို သတိပေးခဲ့တာရှိပါတယ်။

Read Previous

ဖားကန့်တွင် ကျောက်ယမ်းခွဲရာမှ မြေပြိုမှု ဖြစ် အမျိုးသားနှစ်ဦးသေဆုံးပြီးလေးဦး ဒဏ်ရာရ

Read Next

ခင်ဦးတွင် စစ်ကောင်စီစစ်ကြောင်း မိုင်းဆွဲခံရ၍ ၁၉ ဦးသေဆုံး