,

Breaking News :

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

မန်ခိန် အ.ထ.က ကျောင်းတွင် ဆိုင်ကယ်ခိုးမှု မကြာခဏကြုံတွေ့နေရ

မြောင်တွင် စစ်ကောင်စီ နှင့် ပျူစောထီးအဖွဲ့များတိုက်ခိုက်ခံရပြီး ၂ဦး သေဆုံး

အင်းတော်တွင် ကလေးအပါအဝင် အရပ်သား ၁၀ ဦး စစ်ကောင်စီ က လူသားဒိုင်းအဖြစ် ဖမ်းဆီးခေါ်ဆောင်

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

မချမ်းဘောမြို့နယ်တွင် မုန်တိုင်းကြောင့် နေအိမ်အများအပြား ပျက်စီးသွား

လေမုန်တိုင်းတိုက်ခတ်မှုကြောင့် ပျက်စီးသွားသော လူနေအိမ်မြင်ကွင်း

ပူတာအိုခရိုင် မချမ်းဘောမြို့နယ် နမ့်ဘူယန်ကျေးရွာတွင် မေလ ၇ ရက်နေ့ ည ၁၁ နာရီ ဝန်းကျင်ခန့်တွင် ပြင်းထန်သော လေမုန်တိုင်း တိုက်ခိုက်ခံရသောကြောင့် ဒေသခံပြည်သူများ၏ လူနေအိမ်များ တစ်စစီ ပျက်စီးသွားသဖြင့် ကူညီထောက်ပံ့မှုများ လိုအပ်နေကြောင်း သိရသည်။

နမ့်ဘူယန် ကျေးရွာတွင် လေမုန်တိုင်းတိုက်ခတ်ခံရသဖြင့် လူနေအိမ် ၅ လုံး ထက်မနည်း နှင့် ဘုရားကျောင်းဆောင်တစ်ခု ထိခိုက်ပျက်စီးသွားပြီး သစ်ပင်ကြီးများ ပျက်ကျမှုကြောင့် သွားလာရေးလမ်းပိတ်ဆို့မှုများ ကြုံတွေ့ခဲ့ရကြောင်း နမ့်ဘူယန်ဒေခံ အမျိုးသားတစ်ဦးက KNG သတင်းဌာနကို ပြောဆိုခဲ့သည်။

“အိမ်တစ်လုံးက လုံးဝအပြောင်ပါသွားတယ်။ တစ်အိမ်ကတော့ အပင်ကျပြီး တော်တော်ထိသွားတယ်။ နောက် KBC ဘုရားကျောင်းဆောင်ရဲ့ ခေါင်မိုးတစ်ခြမ်းလည်းပါသွားတယ်။ ဆိုးဆိုးရွားရွာဖြစ်တာက ၅အိမ်လောက်ရှိမယ်ထင်တယ်။ တစ်ခြား နည်းနည်းစီထိတာလည်းရှိသေးတယ်။ ပြီးရင် သစ်ပင်အကြီး ၂ပင် ပျက်ကျလို့ လမ်းပိတ်သွားတာတွေလည်း ရှိတယ်” ဟု ပြောဆိုသည်။

ယခုလို ပြင်းထန်သော လေမုန်တိုင်းတိုက်ခတ်ခံရသည့် ဒဏ်ကိုကြုံတွေ့ခဲ့ရသော ဒေသခံပြည်သူများတစ်ချို့မှာ လက်ရှိတွင် လူနေအိမ်များကို ပြန်လည်ပြင်ဆင်ယူနိုင်ရန်အတွက် ကူညီထေက်ပံ့မှုများလိုအပ်နေကြောင်း သူက ဆက်လက်တောင်းဆိုထားပါသည်။

“အိမ်ပျက်စီးတဲ့ မိသားတွေက နေအိမ်ကို ပြန်ပြုပြင်ဖို့အတွက် အကူညီတွေလိုအပ်တယ်။ ဘာလို့လဲဆိုတော့ အမိုးသွပ်ပြားတစ်ခုက အရင်တုန်းကဆို ၅ ထောင်လောက်ပဲ ပေးဝယ်ရတယ်။ အခုဆို သောင်းဂဏန်းကျော်ရှိတယ်။ အဲ့ကြောင့် ကူညီပေးစေချင်ရင်တော့ သွပ်ပြားဖိုးတွေပေါ့။ ငွေကြေးကူညီပေးရင် ကျနော်တို့အတွက်ပိုပြီး အဆင်ပြေပါတယ်” ဟု ပြောဆိုသည်။

ပြင်းထန်သော လေမုန်တိုင်းတိုက်ခတ်မှုကြောင့် လူနေအိမ်များ ထိခိုက်ပျက်စီးသွားမှုများရှိခဲ့သော်လည်း ဒေသခံပြည်သူများ ထိခိုက်ဒဏ်ရာရရှိခဲ့သူမရှိခဲ့ကြောင်း ဆက်လက်သိရပါသည်။

အဆိုပါ နမ့်ဘူယန်ကျေးရွာတွင် ပြီးခဲ့သော ဆယ်စုနှစ်တစ်ခုတွင်လည်း ပြင်ထန်သော လေမုန်တိုင်း တိုက်ခတ်မှုကြောင့် လူနေအိမ်များ ထိခိုက်ပျက်စီးမှုများကြုံတွေ့ခဲ့ရပြီး ယခုအကြိမ်သည် ဒုတိယအကြိမ်ဖြစ်ကြောင်း ဒေသခံများ ပြောဆိုချက်မှ သိရပါသည်။

ပူတာအိုဒေသ မချမ်းဘော၊ နောင်မွန်နှင့်ခေါင်လံဖူး စသော နေရာဒေသဘက်တွင် ပြီးခဲ့သောအပတ် မေလ ၃ရက်နေ့အထိ မိုးသည်းထန်းစွာ ရွာသွန်းမှုများရှိခဲ့ကြောင်း သိရသည်။

ယခု မုန်တိုင်းကြုံရသော ဒေသများမှာ ဆက်သွယ်ရေး အင်တာလိုင်းများ မရရှိသောကြောင့် ရာသီဥတုနှင့်ပတ်သက်ပြီး မိုးလေဝသ ကြိုတင်ခန့်မှန်းချက်များကို သိရှိရန် ခက်ခဲသည်ဟု ဒေသခံများ ပြောပါသည်။

Read Previous

ဖားကန့်တွင် အမျိုးသားတစ်ဦး ဓာတ်ကြိုးကိုင်မိရာမှ ဓာတ်လိုက်သေဆုံး

Read Next

ကလေးမြို့ တောင်ပိုင်း စစ်ရှောင် ၅ သောင်းခန့်အတွက် စားနပ်ရိက္ခာနှင့် ဆေးဝါးအကူအညီတွေလိုအပ်နေ

Leave a Reply

Your email address will not be published.