,

Breaking News :

အင်းတော်ရဲစခန်းမှ ပစ်ခတ်သော လက်နက်ကြီးကြောင့် နတ်မဟုတ်ကြီး သားအမိ ၄ ဦး ထိမှန်ပြီး သုံးဦး အခြေနေစိုးရိမ်ရ

ထီးချိုင့် ၉ ရက်တာတိုက်ပွဲအတွင်း စစ်ကောင်စီဘက် က ၃၀ ကျော်ကျဆုံး၊ စစ်ကောင်စီက ရွာ ၅ ရွာ ကို မီးရှို့

ဖားကန့်တွင် စစ်ကောင်စီအဖွဲ့ ကားလိုင်စင်များဖမ်းဆီးနေ

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

မူဆယ်မှာ အုတ်တံတိုင်းပြိုကျမူကြောင့် ကြံခုတ် လုပ်သား ၄ ဦးသေဆုံး

မူဆယ်မှာ အုတ်တံတိုင်းပြိုကျမူကြောင့် ကြံခုတ် လုပ်သား ၄ ဦးသေဆုံး

ရှမ်းပြည်နယ်မြောက်ပိုင်း၊ မူဆယ်မြို့နယ် ဆိုင်းခေါင် ဘက်တွင် ယခုရက်ပိုင်း မိုး အဆက်မပြတ် ရွာသွန်းမှုကြောင့် ချောင်းနံဘေး ကာထားသည့် အုတ်တံတိုင်းပြိုကျပြီး ကြံခုတ်လုပ်သား ၄ ဦး အုတ်တံတိုင်းပိကာ သေဆုံးသွားကြောင်း သိရသည်။

ဖြစ်စဉ်မှာ ယနေ့နံနက် ၁၁ နာရီဝန်းကျင်ခန့်ချိန်တွင် ရေချောင်းအစပ်တဲထိုးကာ‌ နေထိုင်ကြသည့် ကြံခုတ်လုပ်သားများ၏ တဲပေါ်သို့ အုတ်နံရံပြိုသည့်အတွက် အုတ်တံတားပိကာ သေဆုံးခြင်းဖြစ်ကြောင်း ရွာခံတစ်ဦး ယခုလိုပြောဆိုသည်။

“တဲမှာက အမျိုးသား ( ၅) ယောက် ကျန်ခဲ့တယ်။ ကြံခုတ်ဖို့ဆိုပြီး သွားတဲ့လူတွေရွာတောင် မကျော်သေးဘူး အုတ်နံရံက ပြိုကျတော့တာဘဲ​။ ၅ ယောက်ထဲမှာ တယောက်က မပြိုခင်က အချက်ပေးတဲ့တဲ့ မြေစတွေ တဖျောင်းဖျောင်းနဲ့ ၃ ခါလောက်တဲကိုလာကျတော့ သူကဘာဖြစ်တာလဲဆိုပြီး ထွက်ကြည့်တာကံကောင်းသွားတယ်။ သူလဲထွက်ရော ဝုန်းခနဲဆိုပီးပြိုလဲကျတော့တာဘဲ တဲထဲက ၄ ယောက် ပိမိပီး သေဆုံးကြကုန်ရောဗျာ” ဟု ရွာခံ တစ် ဦးက ပြောသည်။

သေဆုံးသူ ၄ ဦးသည် ချောက်၊ ရေနံချောင်းဘက်ဖြစ်ပြီး ဆိုင်းခေါင်အုပ်စု၊ ဖတ်မာန်ရွာဘက်ခြမ်း ရေချောင်းစပ်နား တဲထိုးနေထိုင်ကြသူများ ဖြစ်ကြောင်း သိရသည်။

“ပိမိတဲ့လူတွေကသေနေပြီ ၂ ယောက်က အပေါ်ယံလေးဆိုတော့မြင်ရတယ်။ ကျန်တဲ့၂ ယောက်က အများက တံတရွင်း၊ တူ၊ ဂေါ်ပြား၊ ပေါက်ပြား၊ ပေါက်ချွင်း တွေနဲ့ ဝိုင်းတူရင်းဝိုင်းရှာပေးကြရတယ်။ လူကြီးတွေက သကြားစက်ရုံက မြေတူးစက်ကားကိုခေါ်တယ် လာတယ် ကားက မဝင်ရဲဘူး။ မြေပျော့လို့ဆိုပြီး ပြန်လှည့်သွားတယ်။” ဟု ကူညီပေးသူ ၁ ဦးက ရှင်းပြသည်။

သေဆုံးသွားသူများကို မေလ ၁၄ ရက်နေ့ သဂြိုလ်မည်ဖြစ်ကြောင်း သိရသည်။

မေလ ၁၂ ရက်နေ့ ညနေ  ၆ နာရီ ၃၀ မိနစ် အချိန်မှ နောက် ၂၄ နာရီအတွင်း မူဆယ်မြို့၊ မုံးကိုးမြို့၊ မန့်ဟီရိုးမြို့ (မန်ဟျှိုး)၊ ပန်ဆိုင်းမြို့(ကြူကုတ်)၊ နမ့်ခမ်းမြို့၊ ကွတ်ခိုင်မြို့၊ တာမိုးညဲမြို့ စတဲ့ ဒေသတွေမှာ မိုးကြီးကာ ရေလျှံနိုင်ကြောင်း မိုးလေဝသဌာနမှလည်း သတင်းထုတ်ပြန်ထားသည်။

Read Previous

ရွှေဖောင်များ ၂၄ နာရီအတွင်း ထွက်ခွာကြရန် မြို့လှ PDF သတိပေး

Read Next

မီတာကြေး မပေးလျှင် မီတာဘောက်ပြန်သိမ်းခြင်းနှင့် တရားစွဲဆိုမှုများ ပြုလုပ်သွားမည်ဟု EPC ခြိမ်းခြောက်