သတင်း

မြန်မာ့ပို့ကုန် သစ်သီးကားများ စစ်ဆေးမှု တရုတ်ဘက် မှ ဖြေ‌လျှော့ပေး

မြန်မာ- တရုတ်နယ်စပ် မူဆယ် ကျင်စန်းကျော့ – မန့်မိုင်(ဝမ်တိန်)မှ တရုတ်ဘက်သို့ တင်ပို့နေသည့် သစ်သီးကားများအား စစ်ဆေးမှု ၄ နေရာထိ ဖြေလျှော့ပေးလိုက်ကြောင်း နယ်စပ်ကုန်သည် လုပ်ငန်းရှင်များမှ သိရသည်။

ယခင် ဖရဲ၊ သခွားသီးများကို စစ်ဆေးရာ နေရာ ၈ နေရာ၊ သရက်သီးကားများ စစ်ဆေးရာနေရာသည် ၁၀ နေရာထိ ရှိခဲ့သော်လည်း မေလ ၂၂ ရက်နေ့မှစကာ တရုတ်ပြည်ဘက်မှ ၄နေရာထိ လျော့ချပေးခဲ့ကြောင်း သိရသည်။

“ခု စစ်ဆေးတဲ့နေရာဖြေလျှော့ပေးလိုက်တာ ၄ နေရာပဲ ကျန်တော့တယ်” လို့ ကုန်သည် ၁ ဦးက ပြောပါတယ်။

ယခုလို သစ်သီးကားများစစ်ဆေးသည့် နေရာဖြေလျှော့ပေးလိုက်တဲ့ သစ်သီးများ ပို့ဆောင်ရာမှာ ယခင်ထက် ပိုမိုမြန်ဆန်လာနိုင်ကြောင်း ကုန်သည်များက ဆိုသည်။

ဒါ့အပြင် သစ်သီးကားများတွင် အသီးများမှလွှဲကာ ကျန်ပစ္စည်းတွေ သယ်ဆောင်ခွင့်ပိတ်ထားကြောင်း သိရသည်။

“အသီးကားမှာ တစ်ခြားကုန်တွေမတင်ရဘူး။ ပါလာရင် တရုတ်ဘက်စစ်ဆေးရေးအထပ်ထပ် နဲ့ စစ်ဆေးတယ်။ အခြားပစ္စည်းတွေပါရင် ကားကိုသွားခွင့်မပေးဘူး အဲကြောင့် မေလအတွင်းမှာ တရုတ်ကာစတန်က ဖရဲကား ၁ စီး ဖမ်းထားပြီး သရက်သီးကား ၁ စီး လည်း ထိန်းသိမ်းခံခဲ့ရပြီးပြီ” လို့ ကုန်သည်တစ်ဦးကပြောသည်။

မြန်မာဘက်က အသီးတင်ပို့မှုသည် စစ်ဆေးရေးဂိတ်များသည့်အတွက် အခက်အခဲတွေ ရှိလာသည့်အတွက် ယခုလို ပြန်လည် ဖြေလျှော့ ပေးလာခြင်းဖြစ်ကြောင်း သိရသည်။

Show More

Related Articles

Back to top button