,

Breaking News :

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ယင်းမာပင်မြို့နယ် ပြည်သူ ၄ ဦးကို သတ်ဖြတ်ခံရပြီး လူနေအိမ် ၂၀ ကျော်လည်း မီးရှို့ခံရ

သတ်ဖြတ်ခံရသော ပြည်သူတစ်ဦး Photo – ယင်းမာသတင်းမှန်ပြန်ကြားရေး

စစ်ကိုင်းတိုင်း ယင်းမာပင်မြို့နယ် လည်ငေါက်ကျေးရွာ ပြည်သူလေးဦးကို စစ်ကောင်စီတပ်က သတ်ဖြတ်ခဲ့ပြီး လူနေအိမ် အလုံး ၂၀ ကျော်ကိုလည်း မီးတင်ရှို့ခဲ့ကြောင်း သိရသည်။

ယင်းမာပင်မြို့မှ စစ်ကောင်စီတပ် အင်အား ၁၀၀ ကျော်သည် မေလ ၂၇ ရက်နေ့မှ စတင်ကာ လည်ငေါက် ကျေးရွာအတွင်း တပ်စွဲနေထိုင်ခဲ့ပြီး ၃ ရက်အတွင်း ပြည်သူ လေးဦးကို သတ်ဖြတ်ခဲ့သည့်အပြင် လူနေအိမ်အလုံး ၂၀ ကျော်ကိုလည်း မီးတင်ရှို့ခဲ့ကြောင်း ယင်းမာပင်မြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက KNG သတင်းဌာနသို့ ပြောသည်။

“မီးရှို့ပြီး သတ်ခံရတာက သုံးယောက်ပါ။ နောက်တစ်ယောက်ကတော့ ဒီတိုင်းသတ်ခံရတာ အားလုံးပေါင်း လေးယောက် သတ်ခံရတာဗျ။ ဘယ်ကဆိုတာတော့ အတည်ပြုလို့မရသေးဘူးဗျ။ တစ်ယောက်ကတော့ ရေတွင်းတူးတဲ့လူဗျ။ ရေတွင်းတူးပြီးလို့ပြန်တဲ့အခါမှာ သတ်ခံရတာ။ သူကတော့မြောင်ကလိုလို မြိုင်ကလိုလိုဗျ အတည်ပြုနေဆဲပဲ။ နောက်သုံးယောက်ကိုတော့ နေအိမ်မီးရှို့တာနဲ့အတူတူရှို့သတ်ထားတယ်ဗျ။ ရုပ်လောင်း ကမီးရှို့ထားတာဆိုတော့ ဘယ်သူဘယ်ဝါမသိရဘူး” ဟု ၎င်းက ပြောသည်။

အဆိုပါ စစ်ကောင်စီတပ်သည် မေလ ၂၇ ရက်နေ့ မှ မေလ ၃၀ ရက်နေ့အထိ တပ်စွဲနေထိုင်ခဲ့ပြီး အဆိုပါ ကာလအတွင်း သုံးကြိမ်တိုင်တိုင် ကျေးရွာ နေအိမ် ၂၀ ကျော်ကို မီးရှို့ခဲ့သောကြောင့် ဒေသခံများမှာ လက်ရှိချိန်ထိ တိမ်းရှောင်နေရဆဲ ဖြစ်ကြောင်း သိရသည်။

“ပထမတစ်ကြိမ်ရှို့တာက ငါးအိမ်စရှိ့တာဗျ အခုကမီးဘေးသင့်က အိမ်ခြေ ၂၀ကျော် ဆိုပေမယ့် ရွာက တိတ်ဆိတ်နေတာဗျ အားလုံးက တိမ်းရှောင်နေကြတာ။ စစ်ကြောင်းပြန်ခေါက်သွားပေမယ့် ပြန်မကပ်နိုင် ကြသေးဘူး။ နီးစပ်ရာ ရွာတွေမှာတိန်းရှောင်နေကြတုန်း” ဟု ယင်းမာပင်မြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။

လည်ငေါက်ကျေးရွာသည် ယင်းမာပင်မြို့နှင့် သုံးမိုင်ခန့်သာဝေးပြီး စစ်ကြောင်းအချိန်မရွေး ရောက်လာနိုင်သည့် အတွက် ကျေးရွာနေပြည်သူများက ရပ်ရွာကို စွန့်ခွာနေကြကြောင်း သိရသည်။

အိမ်ခြေ သုံးရာခန့်ရှိသည့် လည်ငေါက်ကျေးရွာသည် လွန်ခဲ့သည့် ၄ လခန့်ကလည်း လူနေအိမ် ငါးလုံးခန့်မီးရှို့ ခံ ရပြီး ယခုတစ်ကြိမ်မှာ ဒုတတိယအကြိမ်မီးရှိုခံရခြင်းဖြစ်ကြောင်း သိရသည်။

ယင်းမာပင်မြို့နယ်တွင် စစ်ကောင်စီတပ်၏ မီးရှို့ဖျက်ဆီးခံရသည့် ကျေးရွာ ၁၀ ရွာကျော်ရှိပြီဖြစ်ပြီး ယင်းအနက် ပတီးကုန်းကျေးရွာသည် ရွာလုံးကျွတ်မီးရှို့ခံခဲ့ရပြီး အပြစ်မဲ့ပြည်သူ သတ်ဖြတ်ခံရမှု မှာ ၅၀ ဦးကျော်အထိရှိပြီ ဖြစ်ကြောင်း သိရှိရသည်။

Read Previous

မြင်းမူမြို့နယ်တွင် လူနေအိမ်မီးရှို့ခံရပြီး ပြည်သူ ၃၀ ဦးခန့် လူသားဒိုင်းအဖြစ် ဖမ်းဆီးခံထားရ

Read Next

ဖားကန့်တွင် လူငယ်လေးဦး လက်နောက်ပြန်ကြိုးသုတ်ပြီး ပစ်သတ်ခံရ