,

Breaking News :

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

ထီးချိုင့် တိုက်ပွဲတွင် စစ်ကောင်စီဘက်မှ ဗိုလ်ကြီး ၁ ဦး အပါအဝင် ၉ ဦး သေဆုံး

လူမရှိသည့် နေအိမ်များကို မီးရှို့မည်ဟု ခြိမ်းခြောက်ကာ မိုးမောက်ဒေသခံများကို နေရပ်ပြန်ခေါ်ကာ အကာအကွယ်ယူနေ

ဖားကန့်တွင် ​မြေစာပုံပြိုကျပြီး ရေမဆေးသမား ၁ ဦးသေဆုံး၊ တစ်ဦးပြင်းထန်ဒဏ်ရာရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

စစ်ကောင်စီတပ်၏ ဥကရစ်ထစခန်းတိုက်ပွဲတွင် ကျဆုံးသွားသည့် တော်လှန်ရေးရဲဘော် (၁၅) ဦး နှင့် ဒဏ်ရာရရှိ ရဲဘော် (၃၅) ဦးအတွက် တစ်အိမ်ထောင်လျှင် ၃၀၀၀၀ ကျပ်ထောက်ပဲ့ရန် အမျိုးသားညီ ညွတ်ရေး အစိုးရ၊ ကာကွယ်ရေးဝန်ကြီးဌာန ညွန်ကြားထားသည်ဆိုသည့် ကြေငြာချက်အတု လူမှုစာမျက်နှာပေါ်တွင် ပျံ့ နှံ့နေသည်ကို တွေ့ရသည်။

အဆိုပါ ထုတ်ပြန်ချက်အတုကို ‘သူရအောင်’ ဆိုသူက ဇွန်လ ၂၉ ရက်နေ့ ညနေပိုင်းက ရေးသားဖြန့်ဝေခဲ့ပြီး ‘PDF. တကောင် ၃၀၀၀၀. ရမယ် သေရင် NUG. ချီးမြင့်တဲ့ သုံးသောင်းနော် သုံးသောင်းကျပ်’ ဟု ရေးသားထားသည်။ ထို့အပြင် ထုတ်ပြန်ချက်အတုတွင် ဖော်ပြထားသော ကာကွယ်ရေးဝန်ကြီးဌာန၏ အီးမေလ်း မှားယွင်းနေသည်ကို တွေ့ရသည်။

လေ့လာဆန်းစစ်ချက်အရ အဆိုပါ ထုတ်ပြန်ချက်မှာ အတု သာဖြစ်သည်။

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၏တရားဝင် ဖေ့ဘွတ်စ်ပေချ့်စာမျက်နှာ “Ministry of Defence-National Unity Government of Myanmar” အပြင် အခြား သမ္မတရုံး နှင့် အစိုးရရုံး စာမျက်နှာများတွင်လည်း ဇွန်လ ၂၉ ရက်နေ့က ထိုသို့ ထုတ်ပြန်ချက်ကို ဖော်ပြထားခြင်း မရှိပါ။

လက်ရှိ ကရင်ပြည်နယ် မြဝတီတောင်ဘက် ဝေါလေ-ဥကရစ်ထကျေးရွာတွင် စစ်ကောင်စီ တပ်နှင့် ကရင်အမျိုးသားကာကွယ်ရေး တပ်ဖွဲ့-KNDO ပူးပေါင်းတပ် တို့ကြား ၄ ရက်ကြာအထိ တိုက်ပွဲ ပြင်းထန်နေဆဲဖြစ်သည်။

ကရင်ပြည်နယ်အတွင်း သတင်းများကို တင်ဆက်နေသော Karen Information Center တွင်လည်း မတွေ့ရသလို တိုက်ပွဲနှင့် ဆက်စပ်သော အတည်မပြုနိုင်သောသတင်းများကို ဖြန့်ဝေခြင်းမပြုရန် တိုက်ပွဲဝင်သော KNDO ဘက်ကမှလည်း ဇွန်လ ၂၉ ရက်နေ့ ထုတ်ပြန်ထားပါသည်။

ယခုလို ကာလများတွင် တိုက်ပွဲသတင်းများ၊ ပြည်သူ့ကာကွယ်ရေးတပ် PDF နှင့် သက်ဆိုင်သော သတင်းတု၊ သတင်းမှား များကို စစ်ကောင်စီဘက်တော်သားများမှ ဝါဒဖြန့် ဖြန့်ချီမှုများရှိနေသည်ကို တွေ့ရသည်။

ထို့ကြောင့် ပြည်သူများအနေဖြင့် သတင်းများကိုဖတ်ရှုရာတွင် သက်ဆိုင်ရာဌာနများတွင် တရားဝင်ဖော်ပြထားခြင်းရှိ မရှိနှင့် ဒေသတွင်း မီဒီယာများ၏ တင်ပြမှုများမှတဆင့်လည်း ကြည့်ရှုစစ်ဆေးကာ ယုံကြည့်သင့်ပါသည်။

Read Previous

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

Read Next

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ