,

Breaking News :

စစ်ကောင်စီ၏ မြင်း ၉ကောင် သယ်ဆောင်လာသော ၁၂ ဘီးကားကို KIA မီးရှို့ ဖျက်ဆီး

ပြည်သူ့စစ်စခန်း KIA ပြန်တိုက်ခိုက်ပါက လူနေအိမ်များကို ငဲ့ညှာမည်မဟုတ်ကြောင်း မင်းဇင်သန့် ပြော

ဆယ်ဇင်းကျေးရွာ နေအိမ် ၄၀၀ ကျော်ကို KIA နှင့် PDF တို့ မီးရှို့ဖျက်ဆီးလိုက်သည်ဆိုသာ သတင်းအမှား

နောင်းမီတွင် KIA မိုင်းဆွဲတိုက်ခိုက်မှုကြောင့် စစ်ကောင်စီတပ်သား ၂ဦးထိခိုက်ဒဏ်ရာရရှိ

ကသာ ဒေသခံ ၃၀ ကျော်ကို စစ်ကြောင်းထိုးနေသည့် စစ်ကောင်စီတပ်က ဖမ်းခေါ်သွား

ဆယ်ဇင်းတွင် စစ်ကောင်စီ လက်နက်ကြီးပစ်ခတ်မှုကြောင့် ရွှေမှော်ကျေးရွာ ၂၀ မှ ပြည်သူများ ထွက်ပြေး တိမ်ရှောင်နေရ

ကသာနယ်အထက်ပိုင်းတွင် စစ်ကောင်စီတပ် ဂျက်လေယာဉ် ၂စီးဖြင့် ဗုံးကျဲတိုက်ခိုက်

ပေကုန်း ဇရပ်တွင်တပ်စွဲထားသော စစ်ကောင်စီတပ်ကို KIA နှင့် PDF ပူးပေါင်းတပ် သွားရောက်တိုက်ခိုက်

ပူတာအိုတွင် ကုန်စိမ်းနှင့် အသားစျေးနှုန်းများ အဆမတန် မြင့်တက်

ဆယ်ဇင်း KIA တပ်ကိုထပ်မံ တိုက်ခိုက်ရန် စစ်ကောင်စီ ရဟတ်ယာဉ်ဖြင့် အင်အား ပို့ဆောင်၊ ဒေသခံတစ်ချို့ ပိတ်ဆို့ခံထားရဆဲ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ကသာနယ် မိုးတားကျေးရွာအနီး တိုက်ခိုက်ခံရသော စစ်သင်္ဘော

ကသာမြို့နယ် မိုးတားလေးရွာအနီး စစ်ကောင်စီ သင်္ဘောတိုက်ခိုက်ခံရမှုတွင် အထိနာခဲ့သော စစ်ကောင်စီတပ်သည် မိုးတားလေး ဒေသခံပြည်သူများကို ဖမ်းဆီး စစ်ဆေးမေးမြန်မှုများ‌ပြုလုပ်ခဲ့ကြောင်း ဒေသခံများထံ မှ သိရသည်။

စစ်အင်အား ၅၀ ခန့်ပါဝင်သည့် စစ်ကောင်စီစစ်ကြောင်းသည် ယနေ့ နံနက် ၁၀ နာရီဝန်းကျင်ခန့်တွင် ကသာ မင်းလယ်ရွာမှ သံခွန်ရေမော်တော်ယာဉ်တစ်စီးဖြင့် မိုးတား‌လေးရွာဘက်သို့ ဆန်တက်လာခဲ့ရာ မိုးတားလေးရွာအနီးတွင် KIA နှင့် ကသာပြည်သူ့ကာကွယ်ရေးအဖွဲ့များ ပူးပေါင်းကာ စောင့်ကြိုတိုက်ခိုက်မှုတွင် စစ်ကောင်စီဘက်က အထိနာခဲ့သဖြင့် မိုးတား‌လေးကျေးရွာသို့ ဝင်ရောက်၍ ကလေး မိခင်များ အပါအဝင် ရွာသား ၃၀ ဦးခန့်ကို ဖမ်းဆီးစစ်ဆေးနေကြောင်း ကသာမြို့နယ် ပြည်သူ့ကာကွယ်ရေးအဖွဲ့ တာဝန်ရှိသူတစ်ဦးက KNG သို့ ပြောသည်။

“မိုးတား‌လေးရွာ နားမှာ ပစ်ခတ်ခဲ့တာပါ။ အဲ့မှာအတော်လေးထိတယ်လို့သိရတယ်။ အဲ့ကြောင့် မော်တော်က အထက်ဆန်နေရာကနေ အောက်ပြန်စုန်လှည့်ပြီးတော့ ရွာနားမှာ သံခွန်‌‌မော်တော်ယာဉ်ကပ်ထားပြီ ရွာထဲဝင်ပြီး မွှေနောက်တယ်။ ရွာသား ၃၀ ယောက်ကို ဖမ်းဆီးထားတယ်လို့သိရတယ်။ အဲ့ထဲမှာ အမျိုးသား/သမီးတွေပါတယ်။ ကလေးမိခင်တွေရော ကလေးရင်ခွင်ပိုက်တွေပါ ပါသွားတယ်။ ဘယ်အဖွဲ့ကပစ်တာလည်း အင်အားဘယ်လောက်ရှိလဲအဲ့တာတွေ မေးနေတယ်တဲ့”ဟုပြောဆိုသည်။

ထိုသို့ စောင့်ကြို တိုက်ခိုက်ခံရမှုကြောင့် စစ်ကောင်စီဘက်မှ ထိခိုက်သူ များပြားနိုင်ကြောင်း သိရပြီး ထိခိုက်မှုစာရင်း အတိအကျကို စုံစမ်းနေဆဲ ဖြစ်ကြောင်းလည်း သူကဆက်ဆိုထားသည်။

“လက်နက်ကြီး လက်နက်ငယ်တွေနှင့် သံခွန်ကိုလှမ်းပစ်တယ်။ အတော်လည်းထိမှန်ထားတော့ သူတို့ဘက်က အထိခိုက်ကျဆုံးတော့ရှိနိုင်တယ်။ ဘယ်လောက်ဆိုတာတော့ အတိအကျမသိနိုင်သေးဘူး”ဟုပြောဆိုသည်။

မိုးတား‌လေးရွာမှ ဒေသခံ ၃၀ ကျော်ကို လက်ရှိ ကျေးရွာတွင်းတွင် ဖမ်းဆီးချုပ်နှောင်ထားပြီး ကျေးရွာနေပြည်သူအများစုက ဘေးလွတ်ရာထွက်ပြေးတိမ်းရှောင်‌ နေရကြောင်းဒေသခံများပြောဆိုချက်မှသိရသည်။

စစ်ကောင်စီတပ်သည် ကသာနယ်တွင် ဧပြီလနောက်ပိုင်းမှစတင်၍ ရေကြောင်းနှင့် ကုန်းကြောင်းဖြင့် စစ်ကြောင်းထိုးဝင်ရောက်နေပြီး KIA၊ PDF တပ်ဖွဲ့တို့နှင့် ထိတွေ့တိုက်ပွဲမကြာခဏဖြစ်ပွားလျက်ရှိ‌ နေဆဲဖြစ်ပါသည်။

Read Previous

ဗန်းမော်တွင် ရဲသား ၂ ဦးပစ်ခံရပြီးနောက် ပြည်သူ ၆ ဦးဖမ်းဆီးခံရ

Read Next

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

Leave a Reply

Your email address will not be published.