,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

စစ်တိုင်းဒေသ မြို့နယ် ၂ခုကြားတွင် တိုက်ပွဲဖြစ်ပွားမှုကြောင့် စစ်ကောင်စီဘက် ၁၇ဦးထက်မနည်း သေဆုံးဟုဆို

စစ်ကိုင်းဒေသ Zero ပြောက်ကျားအဖွဲ့

စစ်ကိုင်းတိုင်းဒေသ မြင်းမူမြို့နယ်နှင့် အရာတော်အစပ် ကံဖျားနှင့်ရသာ ကျေးရွာ ၂ခုမှ ပြည်သူပိုင် ပစ္စည်းများ သိမ်းယူသွားသည့် စစ်ကောင်စီတပ်ဖွဲ့ကို နယ်မြေခံ ဒေသကာကွယ်ရေးတပ်များ ကြားဖြတ်ဝင်ရောက်တိုက်ခိုက်ခဲ့ရာတွင် စစ်ကောင်စီဘက်က ၁၇ဦးထက်မနည်း ထိခိုက်သေဆုံးခဲ့ကြောင်း Zero ပြောက်ကျားတပ်ဖွဲ့ထံမှသိရသည်။

စစ်အင်အား ၆၀ ဝန်းကျင်ခန့်ပါရှိသော စစ်ကောင်စီတပ်ဖွဲ့သည် ယမန်နေ့ နံနက်ပိုင်း ၁၀နာရီဝန်းကျင်တွင် ကံဖျာနှင့်ရသာတို့ဘက်မှ မင်းရွာနှင့်သလဲဘာရွာ ကျေးရွာရှိသည့်ဘက်သို့ ဦးတည်ကာ ထွက်လာခဲ့ရာ PDF အဖွဲ့က နောက်ယောင်ခံလိုက်လာခဲ့ကြပြီး ရွာသာနှင့် မင်းရွာ ကျေးရွာ ၂ခုကြားတွင် ခိုတိုက်ခိုက်ခဲ့သည်ဟု Zero ပြောက်ကျားအဖွဲ့မှ တာဝန်ရှိသူတစ်ဦး KNG သတင်းဌာနုကို ယခုလိုပြောဆိုသည်။

“သူတို့က ကံဖျားနဲ့ရသာဘက်ကနေ ပြည်သူတွေရဲ့ ပစ္စည်းသယ်ပြီး မင်ရွာနဲ့ သလဲဘာရွာဘက်ကို ပြန်ထွက်လာကြတယ်။ သူတို့ရဲ့နောက်ကို ကျနော်တို့အဖွဲ့တွေက နောက်ယောင်ခံပြီး လိုက်သွားတယ်။ အဲ့မှာ ရွာသာနဲ့ မင်းရွာကြားမှာ ခြုံခိုတိုက်ခိုက်ခဲ့တယ်။ စစ်ကောင်စီဘက်က တိုက်ခိုက်ခဲ့တဲ့နေရာမှာ ၁၇ယောက်လောက်ကျသွားတယ်”ဟုပြောဆိုသည်။

အဆိုပါ တိုက်ပွဲတွင် စစ်ကောင်စီဘက်မှ ကျဆုံးခဲ့သည့် အလောင်းများကို လက်ရှိအချိန်အထိ အလောင်းလာရောက်ကောက်ယူခြင်းမရှိသေးဘဲ အနီးတဝိုက်ရှိသော ကျေးရွာများ၏ လူနေအိမ်များကို ဝင်ရောက်မီးရှို့ဖျက်ဆီးမှုများ ဆက်လက်လုပ်ဆောင်နေသည်ဟု သူက ဆက်ဆိုသည်။

“သူတို့ဘက်က ကျဆုံးခဲ့တဲ့ အလောင်းတွေကို အခုအထိ လာကောက်တာမျိုးမရှိသေးဘူး။ ဒီတိုင်းပစ်ထားခဲ့တယ်။ သူတို့ဘက်က ထိခိုက်တာရှိတော့ ကျနော်တို့ကို တုန့်ပြန်တဲ့အနေနဲ့ထင်တယ် အရာတော်မှာရှိတဲ့ မင်းရွာ ကျေးရွာတွေမှာ မီးဝင်ရှို့နေတယ်လို့တော့သိရပါတယ်”ဟုပြောဆိုသည်။

စစ်ကောင်စီတပ်နှင့် နယ်မြေခံတပ်ဖွဲ့တို့ မိနစ် ၂၀ ခန့်အကြာ အပြန်အလှန် တိုက်ခိုက်ခဲ့ပြီးနောက် စစ်ကောင်စီဘက်မှ လေကြောင်းလိုင်းဖြင့် ပြန်လည်တိုက်ခိုက်ခဲ့သော်လည်း နယ်မြေခံတပ်ဘက် ထိခိုက်မှုတစ်စုံတစ်ရာ မရှိခဲ့ကြောင်း ဆက်လက်သိရသည်။

လက်ရှိ တိုက်ပွဲဖြစ်ပွားခဲ့သည့် နေရာသည် မင်းရွာနှင့်ရွာသာကြားတွင်ဖြစ်ပြီး မင်းရွာကျေးရွာမှာ အရာတော်မြို့နယ်တွင်ပါဝင်ပြီး ရွာသာကျေးရွာသည် မြင်းမူဘက်ခြမ်းတွင်တည်ရှိသည်။

Read Previous

ရှဒူးဇွပ်ဒေသ ပြည်သူ့စစ်တပ်စခန်းတစ်ခု ထပ်တိုးကာ ၃နေရာ ငွေကြေးကောက်ခံနေ

Read Next

ထီးချိုင့်မြို့လယ် ဘောလုံးကွင်းအတွင်း ပစ်ခတ်မှုဖြစ်ပွားခဲ့ပြီး စစ်ကောင်စီဘက် ၂ဦးသေဆုံး၊ ၅ဦး ထိခိုက်ဒဏ်ရာရရှိ