,

Breaking News :

စစ်ကောင်စီ၏ မြင်း ၉ကောင် သယ်ဆောင်လာသော ၁၂ ဘီးကားကို KIA မီးရှို့ ဖျက်ဆီး

ပြည်သူ့စစ်စခန်း KIA ပြန်တိုက်ခိုက်ပါက လူနေအိမ်များကို ငဲ့ညှာမည်မဟုတ်ကြောင်း မင်းဇင်သန့် ပြော

ဆယ်ဇင်းကျေးရွာ နေအိမ် ၄၀၀ ကျော်ကို KIA နှင့် PDF တို့ မီးရှို့ဖျက်ဆီးလိုက်သည်ဆိုသာ သတင်းအမှား

နောင်းမီတွင် KIA မိုင်းဆွဲတိုက်ခိုက်မှုကြောင့် စစ်ကောင်စီတပ်သား ၂ဦးထိခိုက်ဒဏ်ရာရရှိ

ကသာ ဒေသခံ ၃၀ ကျော်ကို စစ်ကြောင်းထိုးနေသည့် စစ်ကောင်စီတပ်က ဖမ်းခေါ်သွား

ဆယ်ဇင်းတွင် စစ်ကောင်စီ လက်နက်ကြီးပစ်ခတ်မှုကြောင့် ရွှေမှော်ကျေးရွာ ၂၀ မှ ပြည်သူများ ထွက်ပြေး တိမ်ရှောင်နေရ

ကသာနယ်အထက်ပိုင်းတွင် စစ်ကောင်စီတပ် ဂျက်လေယာဉ် ၂စီးဖြင့် ဗုံးကျဲတိုက်ခိုက်

ပေကုန်း ဇရပ်တွင်တပ်စွဲထားသော စစ်ကောင်စီတပ်ကို KIA နှင့် PDF ပူးပေါင်းတပ် သွားရောက်တိုက်ခိုက်

ပူတာအိုတွင် ကုန်စိမ်းနှင့် အသားစျေးနှုန်းများ အဆမတန် မြင့်တက်

ဆယ်ဇင်း KIA တပ်ကိုထပ်မံ တိုက်ခိုက်ရန် စစ်ကောင်စီ ရဟတ်ယာဉ်ဖြင့် အင်အား ပို့ဆောင်၊ ဒေသခံတစ်ချို့ ပိတ်ဆို့ခံထားရဆဲ

ပလန ရဲစခန်းပတ်ခတ်ခံရမှုတွင် ရဲတစ်ဦး ထိမှန်သေဆုံး

မြစ်ကြီးနား ပလနနယ်မြေ ၃ ရှိ နယ်မြေရဲစခန်း ယနေ့နံနက်ပိုင်း ၅နာရီဝန်းကျင် ပစ်ခတ်ခံရမှုတွင် ရဲတပ်သားတစ်ဦး ကျည်ထိမှန် သေဆုံးမှုရှိကြောင်း ဒေသခံများပြောဆိုချက်မှသိရသည်။

“ရဲစခန်းအတွင်းမှာက တစ်ယောက်သေတယ်လို့ပြောတယ်။ ဆေးရုံကားနဲ့လည်း လာသယ်သွားကြတယ်။ အထဲမှာ ဘယ်ထိဖြစ်တာလဲဆိုတာတော့ မသိရဘူး။ သေတယ်ဆိုတာကတော့ မှန်တယ်။ အနီးပတ်ဝန်းကျင်မှာလည်း ပြောဆိုနေကြတယ်”ဟု ရဲစခန်းအနီးရှိသည့် ဒေသခံတစ်ဦးက KNG ပြောဆိုသည်။

ပလန ရဲစခန်းဝင်းအတွင်းအထိ အမည်မသိအဖွဲ့အစည်းမှ လူငယ် ၂ဦးက ဆိုင်ကယ်ဖြင့် ရောက်လာပြီး လက်နက်ကြီး ၃ကြိမ်ထက်မနည်း ပစ်ခတ်ခဲ့သောကြောင့် အပြန်အလှန် ပစ်ခတ်မှု ဖြစ်ပွားခဲ့ခြင်းဖြစ်ပါသည်။

“လာပစ်တဲ့သူက ရဲဝတ်စုံနဲ့ လူ ၂ယောက် ဆိုင်ကယ်နဲ့ ဟုတ်တယ်။ ရဲစခန်းရှေ့ကနေကို လာပြီး ဗုံးပစ်လက်နက်နဲ့ လာပစ်တာ။ ဟိုကလည်း အတကုန်ပြန်ပစ်တော့ ရဲစခန်းဘေးက လမ်းကြားကနေ ပြေးမောင်းသွားတာ အနောက်က တစ်ယောက်တော့ ကျည်ထိမှန်သွားတာ တွေ့လိုက်တယ်။ လာပစ်တဲ့ ၂ယောက်က ရဲဝတ်စုံနဲ့မလို့ အံ့ဩနေတာ”ဟု ကဝါးခစျေးသည်တစ်ဦးက ယခုလိုပြောဆိုထားသည်။

ဆိုင်ကယ်ဖြင့် ရဲစခန်းဝင်းအတွင်းအထိ လာရောက်ပစ်ခတ်သွားသည့် လူငယ် ၂ဦးသည်လည်း ရဲစခန်းဘက်မှ တန်ပြန်ပစ်ခတ်မှုကြောင့် ထိခိုက်မှုရှိနိုင်ကြောင်း သိရသည်။

ယနေ့နံနက်ပိုင်း ပစ်ခတ်မှုဖြစ်ပွားခဲ့သည့်နောက်ပိုင်း ပလနရဲစခန်းရှေ့တွင် လမ်းများပိတ်ဆို့ကာ သွားသည့် ပြည်သူများကို စစ်ဆေးရေး ပိုမိုတင်းကြပ်နေကြောင်း ပြည်သူများထံမှသိရသည်။

ပလန နယ်မြေရဲစခန်း ပစ်ခတ်ခံရမှုသည် တတိယအကြိမ်ခန့်ဖြစ်ပြီး ရဲစခန်းအနီးတဝိုက်တွင် ပေါက်ကွဲမှုများ မကြာခဏဖြစ်ပွားလျက်ရှိပါသည်။

Read Previous

ပလနရဲစခန်းအနီး ပစ်ခတ်မှု ဖြစ်ပွားခဲ့

Read Next

စစ်ကောင်စီတပ် အထိနာခဲ့သည့် ရွှေကူမြို့နယ် ဇင်းဘုံရွာတွင် စစ်ရေးတင်းမာနေဆဲ

Leave a Reply

Your email address will not be published.