,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

စစ်ကောင်စီတပ် အထိနာခဲ့သည့် ရွှေကူမြို့နယ် ဇင်းဘုံရွာတွင် စစ်ရေးတင်းမာနေဆဲ

Photo – Crd

ရွှေကူမြို့နယ် ဇင်းဘုံရွာအနီး စစ်ကောင်စီတပ် နှင့် KIA ၊ PDF ပူးပေါင်းတပ်တို့ ယမန်နေ့ည တိုက်ပွဲဖြစ်ပွားခဲ့သည့်အပြင် လက်ရှိအချိန်ထိလည်း နှစ်ဖက်စစ်ရေး တင်းမာလျှက် ရှိနေကြောင်း ဒေသခံများထံ မှ သိရသည်။

ယမန်နေ့ည ၈ နာရီဝန်းကျင် ရွှေကူ စင်းခန်းကျေးရွာ မှ ဇင်းဘုံကျေးရွာဘက်သို့ စစ်အင်အား ၁၀၀ ဝန်းကျင်ခန့်ဖြင့် တက်လာသည့်စစ်ကောင်စီတပ်ကို KIA နှင့် PDF ပူးပေါင်းတပ်တို့မှ ဇင်းဘုံရွာအနီး ပဒေသာမိုင်းဖြင့် နှစ်ကြိမ် စောင်ကြိုတိုက်ခိုက်ခဲ့ရာမှ လက်ရှိချိန်ထိ နှစ်ဖက်အပြန်အလှန် စစ်ရေးတင်းမာလျှက်ရှိကြောင်း သိရသည်။

“ခု စစ်ကောင်စီတပ်က ဇင်းဘုံရွာထဲမှာဘဲ ရှိနေသေးတယ် စစ်ကြောင်းက အဲရွာကနေ ထပ်တက်လာရင် တိုက်ပွဲအချိန်မရွေးဖြစ်နိုင်တယ်။ လောလောတော့ နှစ်ဖက်စောင့်ကြည့်အနေထားနဲ့ တင်းမာနေတုန်းဘဲ” လို့ အမည်မဖော်လိုသော ဒေသခံတစ်ဦးက ပြောသည်။

ယမန်နေ့ည တိုက်ခိုက်ခံရသည့် စစ်ကောင်စီတပ်သည် ထိခိုက်သေဆုံးမှုများစွာရှိခဲ့သည့်အတွက် စစ်ကောင်စီတပ်သည် ရဟတ်ယာဉ်သုံးကာ ထိခိုက်သေဆုံးသူများအား ဗန်းမော်စစ်ဆေးရုံသို့ ပို့ဆောင်လိုက်ကြောင်း သိရသည်။

ထို့ပြင် တိုက်ပွဲကြောင့် ယနေ့ ဗန်းမော်- ရွှေကူ ရေလမ်း၊ ကုန်းလမ်းများ ဖြတ်သန်းသွားလာခွင့်လည်း တားမြစ်ထားကြောင်း သိရသည်။

“သေတဲ့သူရော ဒဏ်ရာရတာရော များတယ်လို့ သိရတယ်။ ပြီးတော့ ဒီနေ့ညနေ ၂ နာရီထိတော့ ကားလမ်းတွေ ရေလမ်းတွေ ပိတ်ထားတယ်” ဟု ဒေသခံတစ်ဦးက ပြောသည်။

ထို့အပြင် တိုက်ပွဲဖြစ်ပွားသည့် ဇင်းဘုံရွာနှင့် အနီးပတ်ဝန်းကျင်ရွာမှ ဒေသခံပြည်သူများသည် လက်ရှိ ရွှေကူအမှတ် (၂) ဝါဆိုဘုန်းကြီးကျောင်းသို့ ထွက်ပြေးတိမ်းရှောင်နေကြရကြောင်း သိရသည်။

ဒေသခံများ၏ပြောဆိုချက်အရ စစ်ကောင်စီတပ်သည် လက်ရှိချိန်ထိ ဇင်းပုံကျေးရွာအနီး တပ်စွဲထားသည့်အပြင် ကျေးရွာပြင်ပဘက်သို့ လက်နက်ကြီးများဖြင့် ရမ်းသမ်းပစ်ခတ်နေကြောင်း သိရသည်။

“နေ့လည် ၂ နာရီလောက်ကတည်းက အိမ်မီးရှို့တာက မြို့ထဲပြန့်နေပေမယ့် မြေပြင်အခြေအနေက ဘယ်လိုလဲမသိသေးဘူး။ ရွာဘက် မီးခိုးတွေအူနေတာမြင်ရတယ်‌” လို့ ရွှေကူမြို့ခံ ဒေသခံတစ်ဦးကပြောသည်။

ယမန်နေ့ည ပစ်ခတ်ခံရသည့် စစ်ကောင်စီတပ်သည် တပ်မ ၆၀၁ တပ်ရင်းမှ ဖြစ်ပြီး ဩဂုတ်လ ‌၄ ရက်နေ့ ‌ ၆၀၁ တပ်ရင်းမှ အရာခံဗိုလ်နှင့် တပ်သား ၂ ဦး မော်တော်ပေါ်မှာ ဖမ်းခံရပြီးနောက် စစ်ကြောင်းထိုးတက်လာခဲ့ရာမှ တိုက်ပွဲဖြစ်လာခြင်းဖြစ်ကြောင်း သိရသည်။

ဇင်းဘုံရွာသည် အိမ်ခြေ ၂၀၀ ဝန်းကျင်ခန့်ရှိသည့် ကျေးရွာဖြစ်ပြီး ရွှေကူမြို့မှ ဆိုင်ကယ်ဖြင့် ၄၅ မိနစ်ဝန်းကျင်သွားရသည့် ကျေးရွာဖြစ်ပြီး ဒုတိယမြစ်ကျဉ်းအဝအနီးရှိသည့် ကျေးရွာဖြစ်သည်။

Read Previous

ပလန ရဲစခန်းပတ်ခတ်ခံရမှုတွင် ရဲတစ်ဦး ထိမှန်သေဆုံး

Read Next

ဆယ်ဇင်း စစ်ကောင်စီတပ်နှင့် ရှမ်းနီ စခန်း ၂ခု ကို KIA သိမ်းပိုက်