,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

ပူတာအိုတွင် ဓာတ်ဆီပြတ်လပ်လာသည့်အတွက် အကန့်အသတ်ဖြင့်သာ ရောင်းချနေ

ပုံဟောင်းအသုံးပြုထားသည်

ပူတာအိုဒေသတွင် ဓာတ်ဆီကားအဝင်မရှိသည့် တစ်ပတ်ခန့်ကြာမြင့်လာပြီးနောက် လက်ရှိတွင် အကန့်အသတ်​ဖြင့်သာရောင်းချပေးနေသောကြောင့် ဓာတ်ဆီဝယ်ယူရန် အခက်အခဲဖြစ်ပေါ်နေကြောင်း ဒေသခံများထံမှသိရသည်။

သြဂုတ်လ ၄ ရက်နေ့မှစတင်ပြီး မြစ်ကြီးနားဘက်မှ ဓာတ်ဆီတစ်မျိုးတ​ည်း ကားအဝင်မရှိတော့သည့်အတွက် ပူတာအိုမြို့ပေါ်ရှိ ဆီပန့်ဆိုင်များတွင် ဓာတ်ဆီပြတ်လပ်လာကြောင်း ဇေယျာမင်းစက်သုံးဆီအရောင်းဆိုင်မှ တာဝန်ရှိသူတစ်ဦး KNG ကိုပြောသည်။

“ဓာတ်ဆီကား မဝင်တာ ၃ရက် ၄ ရက်လောက်ရှိပြီ။ အခုက မောင်းဆီသီးသန့်ပဲရောင်းပေးနေရတယ်။ ပုံးနဲ့လာဝယ်ရင်တော့မရတော့ဘူး။ ဂါလံနဲ့ဆိုရင်တော့ ရောင်းပေးတယ်။ ဒီဇယ်ကတော့လိုသလောက်ရတယ်”ဟုပြောဆိုသည်။

ပူတာအိုမြို့ပေါ်ရှိ ဆီပန့်ဆိုင်များတွင် ဒီဇင်တစ်ခုတည်းသာ ရောင်းချပေးနေသည့်အတွက် ဒေသခံအချို့အခက်အခဲဖြစ်နေကြောင်းသိရသည်။

“ဒီမနက် ခြံမှာ မြက်ရိတ်ဖို့ဆိုပြီး နှစ်ဂါလံလောက်သွားဝယ်တာမရခဲ့ဘူး။ မြစ်ကြီးနားဘက်ကနေ ကားမဝင်လို့တဲ့ ဆိုင်ကယ်မှာမောင်းဖို့လောက် တော့ရောင်းပေးတယ်။ ပုံနဲ့ကတော့တစ်ဂါလံတောင်မရနိုင်ဘူးတဲ့။ ခုချိန်က ပေါင်းရှင်းမြက်ရှင်းလုပ်ရမယ့်ချိန်ဒီဘက်ကလူတွေအများစုခြံလုပ်ငန်းတွေလုပ်ကြတာ။ ခုလိုလုပ်ငန်းသုံးဖို့အတွက် ဆီမရနိုင်တော့ ခက်ခဲဖြစ်တာပေါ့ဗျာ”ဟုလေယာဉ်ကွင်းရပ်ကွက် ဒေသခံတစ်ဦးက ပြောဆိုထားသည်။

လတ်တလောပူတာအိုတွင် အပြင်ပုလင်း ချိန်ရောင်းသည့်ဆိုင်များ၌ ဓာတ်ဆီတစ်ပုလင်းလျှင် ကျပ် ၂၅၀၀မှ ကျပ် ၃၀၀၀ အထိရှိပြီး ဆီပန့်ဆိုင်များတွင် 92 တစ်လီတာ ၂၆၀၀၊95 တစ်လီတာ ၂၆၈၀ အထိရှိပြီး ပရီမီယမ်ဒီဇယ် တစ်လီတာ ၂၈၅၀ ကျပ်၊ ရိုးရိုးဒီဇယ်တစ်လီတာ ၂၈၂၀ အထိရှိကြောင်းသိရသည်။

ထိုနည်းတူ ဗန်းမော်ဘက်တွင်လည်း ဓာတ်ဆီများ ပြတ်လပ်နေကြောင်း ဒေသခံများပြောဆိုချက်မှသိရသည်။

ကချင်ပြည်နယ်အတွင်းသို့ စက်သုံးဆီများကို ရန်ကုန်နှင့်မန္တလေးဘက်မှ တင်သွင်းလျက်ရှိပြီး လက်ရှိအချိန်တွင် ရန်ကုန်၊ မန္တလေးဘက်၌ ဓာတ်ဆီဝယ်ယူရန် ခက်ခဲနေသောကြောင့် ပူတာအိုတွင် ဆီကားမရောက်ရခြင်းဖြစ်ကြောင်းသိရသည်။

Read Previous

စစ်ကောင်စီတပ်ရှိနေသော နမ္မတီးမြို့ အထက်တန်းကျောင်း ဖေါက်ခွဲခံရ

Read Next

ဒီပဲယင်းနယ် စစ်ဘေးရှောင်ပြည်သူ ၅၀၀၀ ဝန်းကျင်အတွက် စားနပ်ရိက္ခာများ အရေးပေါ်လိုအပ်နေ