,

Breaking News :

စစ်ကောင်စီ၏ ရွေးကောက်ပွဲကို ဝင်ရောက်ယှဥ်ပြိုင်ရန် NUG မှ လျှို့ဝှက် ကမ်းလှမ်း ဟူသော သတင်းအမှား

ကသာမြို့နယ်၊ မိုးတာလေးရွာကို KIA နှင့် PDF အဖွဲ့များ ဝင်ရောက် မီးရှို့ ဖျက်စီးလိုက်သည်ဆိုသော သတင်းအမှား

ထွက်ပြေးတိမ်းရှောင််သည့် ဒီပဲယင်း ဒေသခံ တစ်သောင်းကျော်အတွက် အရေးပေါ် အကူညီလိုအပ်နေ

မဇွပ်ယန်ကျေးရွာ အတွင်းရေးမှူး ဖမ်းဆီးခံရ

စစ်တပ်် ပစ်ခတ်လိုက်သည့် လက်နက်ကြီး‌ကြောင့် ကလေးငယ်တစ်ဦးသေဆုံးကာ တစ်ဦးဒဏ်ရာပြင်းထန်

အင်းတော်တွင် PDF နှင့် ဆက်သွယ်သည်ဟုဆိုကာ တစ်ပတ်အတွင်းပြည်သူ ၃ ဦးဖမ်းဆီးခံထားရ

ဖမ်းဆီးခံရသည့် ထီးချိုင့် ကာကွယ်ရေးတပ်ဖွဲ့ဝင်တစ်ဦးကို ကိုယ်ပေါ် မိုင်းတင်ဆင်ပေးပြီး စစ်ကြောင်းထဲ ခေါ်ဆောင်

စစ်ကိုင်းတိုင်းတွင် ရွေးကောက်ပွဲကော်မရှင်ရုံးနဲ့ လဝကရုံးဖောက်ခွဲခံရမူ တစ်လအတွင်း ၅ ကြိမ်ထိရှိလာ

ဒလန် တစ်ဦးဖမ်းဆီးခံရမှုကြောင့်  စစ်ကောင်စီတပ်က အရပ်သားပြည်သူ ၂ ဦးဖမ်းဆီး

မှော်ဆီစာ ရဲကင်းတိုက်ခိုက်ခံရပြီး‌နောက် စစ်ကောင်စီတပ်ဘက်မှ လက်ရှိချိန်ထိ သေနတ်များဖြင့် ရမ်းသမ်းပစ်ခတ်နေ

နန့်ယား ပြည်သူ့စစ်ခေါင်းဆောင် ပစ်သတ်ခံရ

Hpakant

ဖားကန့်အဝင်ဆိုင်းဘုတ်

ဖားကန့်မြို့နယ်  နန့်ယားကျေးရွာ၏ စစ်ကောင်စီလက်အောက်ခံ လက်ရှိပြည်သူ့စစ်ခေါင်းဆောင် ဦးထွန်းထွန်းဦး ယနေ့နံနက် ၇နာရီခွဲဝန်းကျင် ပစ်သတ်ခံလိုက်ရကြောင်း ဒေသခံများပြောဆိုချက်မှသိရသည်။

ဦးထွန်းထွန်းဦးသည် နန့်ယားစစ်တပ်ကုန်းမှ သူ၏ နေအိမ်သို့ ပြန်လာစဉ် အိမ်ခြံဝင်းအပေါက်ဝအရောက်တွင် ဆိုင်ကယ်ဖြင့် လူ ၂ဦး သေနတ်ပစ်သတ်သွားသည်ဟု နန့်ယားဒေသခံ အမျိုးသားတစ်ဦးက KNG သတင်းဌာနကို အတည်ပြုပြောဆိုသည်။

သူက ညဆို တပ်ထဲ အိပ်ပြီး မနက်ဆို အိမ်ပြန်လာတာဟုတ်တယ်။ ဒီမနက်လည်း တပ်ကပြန်လာတယ် သူ့အိမ်အဝမှာ လူ ၂ယောက်က ဆွဲလှဲလိုက်ပြီး ပစ်သတ်သွာတယ်။ အဲ့ချိန် သူ့မိန်းမက အိမ်ကနေ ထွက်လာတယ်လို့သိရတယ်။ ဘာကြောင့် ပစ်ခံရတယ်ဆိုတာက ကျနော်တို့လည်း မသိနိုင်ပါဘူးဟုပြောဆိုသည်။

ဆိုင်ကယ်ဖြင့် ဝင်ပစ်သတ်သွားသည့် လူ ၂ဦးသည် ပြည်သူ့စစ်ခေါင်းဆောင်ကို ပစ်သတ်သွားသည့်အပြင် သူ၏ ကိုယ်တွင်ပါရှိသော သေနတ်ပါ သိမ်းယူသွားကြောင်းသိရသည်။

လက်ရှိတွင် နန့်ယားပြည်သူ့စစ်ခေါင်းဆောင် ပစ်သတ်ခံရမှုကြောင့် နန့်ယားကျေးရွာတွင်း စစ်ကောင်စီတပ်ဖွဲ့က သေနတ်ဖောက် လိုက်လံစစ်ဆေးမှုများ ဆက်လက်လုပ်ဆောင်နေကြောင်းသိရသည်။

ထို့ပြင် KIA နှင့် PDF ရှိသည့် တောဘက်သို့ ဦးတည်ကာ နန့်ယားစစ်တပ်ကုန်းမှ လက်နက်ကြီးများ ပစ်ခတ်နေသည့်အပြင် စစ်ကောင်စီတပ်မှ သွားလာသည့် ခရီးသည် ကုန်တင်ကားများတစ်ချို့ကို စစ်ဆေးရေးတင်းကြပ် နေကြောင်းသိရသည်။

ပစ်သတ်ခံရသည့် ဦးထွန်းထွန်းဦးသည် ပြည်သူ့စစ်ခေါင်းဆောင် တာဝန်ထမ်းဆောင်နေသည်မှာ ၄နှစ်ခန့် ကြာမြင့်သည့်အတွင်း ပစ်သတ်ခံလိုက်ရခြင်းဖြစ်ပြီး ဦးထွန်းထွန်းဦး၏ အထက် ယခင် ပြည်သူ့စစ်ခေါင်းဆောင်လည်း ပစ်သတ်ခံခဲ့ရခြင်းဖြစ်ပါသည်။

Read Previous

အင်းတော်တွင် စစ်ကောင်စီ လက်နက်ကြီး ကြောင့် တစ်နှစ်ကျော်ကလေးနှင့် သက်ကြီးရွယ်အိုတစ်ဦး ထိမှန်

Read Next

ဆိပ်မူတွင် စစ်ကောင်စီယာဥ်တန်း ၂ကြိမ် မိုင်းဆွဲ တိုက်ခိုက်ခံရ