KIO ဌာနချုပ် နယ်မြေသို့ အာဏာသိမ်းစစ်တပ်က လက်နက်ကြီး ပစ်ခတ်
အာဏာသိမ်းစစ်တပ်က ကချင်လွတ်လပ်ရေးတပ်မတော် KIO ဗဟိုဌာနချုပ်နယ်မြေသို့ ဧပြီလ ၈ ရက်ညက လက်နက်ကြီးများဖြင့် ပစ်ခတ်ခဲ့ကြောင်း သိရသည်။
“၈နာရီလောက်မှာ ဒေါ့ဖုန်းယန် Hkang Kai Bum က စစ်တပ်ကလည်းပစ်တယ်။ နောက်ပြီး Hpun Pyen Bum ကသူတွေလည်း ပစ်တယ်။ နေရာအလိုက်ဆိုင်ရင် ၁၀နေရာလောက်မှာ လက်နက်ကြီးတွေ ပစ်တယ်လို့ ပြောလို့ရတယ်”ဟု KIO ပြန်ကြားရေးတာဝန်ခံ ဗိုလ်မှူးကြီး ဦးနော်ဘူက ပြောဆိုသည်။
ယမန်နေ့ည ပစ်ခတ်မှုမှာ လိုင်ဇာမြို့အထိ ကြားနေရကြောင်း ဒေသခံများပြောသည်။
ထို့အပြင် KIO ဌာနချုပ်နယ်မြေသို့ အာဏာသိမ်းစစ်တပ်က အင်အားတိုးချဲ့လာနေကြောင်း သိရသည်။
