-
Jun- 2026 -13 Juneမြေယာနှင့် သဘာဝပတ်ဝန်းကျင်
မြစ်ဆုံရေကာတာစီမံကိန်း ထာဝရဖျက်သိမ်းပေးဖို့ လူငယ်များတောင်းဆို
မြစ်ဆုံဆည် အလိုမရှိကြောင်းနဲ့ မြစ်ဆုံရေကာတာစီမံကိန်းကို ထာဝရဖျက်သိမ်းပေးဖို့ တောင်းဆိုတဲ့ လှုပ်ရှားမှုတစ်ရပ်ကို မြစ်ကြီးနားဒေသခံ လူငယ်တွေက ဒီကနေ့မှာ ပြုလုပ်ခဲ့ကြတယ်လို့ သိရပါတယ်။ ဇွန် ၁၃ ရက် ဒီနေ့မနက်ပိုင်းမှာ မြစ်ဆုံရေကာတာစီမံကိန်း ထာဝရဖျက်သိမ်းပေးရန်၊ မြစ်ဆုံဆည်အလိုမရှိကြောင်းနဲ့ မြစ်ဆုံသည် ရောင်းကုန်မဟုတ်၊ ဧရာဝတီမြစ် ရှင်သန်ဖို့ မြစ်ဆုံကို ကာကွယ်ကြဖို့ တိုက်တွန်းတောင်းဆိုတဲ့ အစီအစဉ်ကို လုပ်ဆောင်ခဲ့တယ်လို့ မြစ်ကြီးနားဒေသခံ လူငယ်တွေဆီက သိရပါတယ်။…
Read More » -
12 Juneတိုက်ပွဲ
ပူတာအို–မြစ်ကြီးနားလမ်းပိုင်းမှာ စစ်ရေးတင်းမာနေ
ကချင်ပြည်နယ် ပူတာအို–မြစ်ကြီးနားကားလမ်းပိုင်းမှာ စစ်ကောင်စီတပ်ဘက်က စစ်ရေးလှုပ်ရှားမှုတွေ ရှိနေတဲ့အတွက် ဒီရက်ပိုင်းအတွင်း စစ်ရေးအခြေအနေ တင်းမာနေတယ်လို့ ကာကွယ်ရေးတပ်ဖွဲဲ့ဝင်တွေပြောပါတယ်။ မေလ လဆန်းပိုင်းကစပြီး ပူတာအိုမြို့တွင်း အထိုင်တပ်က စစ်ကောင်စီတပ်သားတွေနဲ့ လုံရှာယန်ကျေးရွာမှာ အထိုင်ချထားတဲ့ စစ်ကောင်စီပူးပေါင်းတပ်တွေဟာ ပူတာအိုဘက်ကနေ ဆွမ်ပီယန်နဲ့ ဆွမ်ပရာဘွမ်ဘက်ကို စစ်ကြောင်းထိုးလာတာကြောင့် နှစ်ဖက်ထိတွေ့တိုက်ပွဲတွေ ဖြစ်နေပြီး ဒီနေ့ထိစစ်ရေးတင်းမာနေဆဲဖြစ်တယ်လို့ သိရပါတယ်။ “ပြီးခဲ့တဲ့ နှစ်ရက်ကတော့ ဝဒတ်ရွာနားမှာ ထိတွေ့မှု ဖြစ်ပွားတယ်ဗျ။ ခုလောလောဆယ်တော့တင်းမာတဲ့အနေထားရှိနေတယ်။ စစ်ကောင်စီတပ်တွေလည်း ဒီရက်ပိုင်း လှုပ်ရှားနေတယ်” လို့ ခါကာဘို ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောပါတယ်။ အင်အား ၅၀ ဝန်းကျင်ရှိတဲ့ စစ်ကောင်စီစစ်ကြောင်းဟာ ပြီးခဲ့တဲ့ ဇွန်လ ၉ ရက်နေ့က လုံရှာယန်ကျေးရွာကနေ ဆွမ်ပီယန်ကျေးရွာဘက်ကို စစ်ကြောင်းထိုးလာခဲ့တာကြောင့် ဆွမ်ပီယန်နဲ့ လုံရှာယန်ကျေးရွာကြားရှိ ဝဒတ်ကျေးရွာအနီးမှာ နှစ်ဖက်တိုက်ပွဲ ဖြစ်ပွားခဲ့တယ်လို့ သူကဆက်ပြောပါတယ်။…
Read More » -
12 Juneသတင်း
မြေယာတွေ မတရားသိမ်းခံနေရတဲ့အပေါ် အမြန်ဖြေရှင်းပေးဖို့ တောင်းဆို
ရှမ်းမြောက်၊မူဆယ်ခရိုင် ၊ မုံးပေါ်မြို့နယ်၊ နမ့်တောင်းကျေးရွာမှာ ဒေသခံတွေရဲ့ မြေယာစိုက်ခင်းဖျက်ဆီးလိုက်မှု အမြန်ဆုံး ဖြေရှင်းပေးဖို့ မြေပိုင်ရှင်တွေ တောင်းဆိုနေပါတယ်။
Read More » -
12 Juneသတင်း
ယူမာကူးတို့ဆိပ်မှာ ယာဉ်ကြောပိတ်ဆို့တဲ့ အခက်အခဲဖြေရှင်းပေးဖို့ပြည်သူတွေတောင်းဆို
ဖားကန့်မြို့နယ်၊ ဆိုင်းတောင်ကျေးရွာအုပ်စု၊ ယူမာကျေးရွာ ကူးတို့ဆိပ်ကမ်းမှာ ယာဉ်ကြီး၊ ယာဉ်ငယ်ကားပိတ်ဆို့ ကျန့်ကြာမှုတွေကြောင့် ဖားကန့် ပြည်သူတွေ ခရီးသွားလာဖို့ အခက်အခဲကြုံတွေ့နေရတယ်လို့ သိရပါတယ်။ ယူမာကျေးရွာကနေ ဖားကန့်၊ ဆိုင်းတောင် ဘက်ကိုအဓိက သွားလာတဲ့ လမ်းကူးတံတားကြီးဟာ ဥရုချောင်းနေမြင့်တက်လာတဲ့အတွက် ပြီးခဲ့တဲ့ ဇွန်လ ၆ ရက်နေ့မှာ ရုတ်သိမ်းလိုက်တယ်လို့ ဖားကန့်ပြည်သူတွေပြောပါတယ်။ တံတားရုတ်သိမ်းလိုက်ပြီးနောက် အဲ့ဒီနေရာမှာ ကူးတို့ဆိပ်ပြန်လည်ထားရှိပြီးနောက် စက်လှေခနှုန်းထားစျေးကြီးသလို တစ်ဖက်ကမ်းကို ကူးနိုင်ဖို့ အနည်းဆုံး ၂ နဲ့ ၃ နာရီကြား ခရီးကျန့်ကြာမှုတွေဖြစ်ပေါ်နေတယ်လို့ ဖားကန့် ပြည်သူတစ်ဦးက KNG ကိုပြောပါတယ်။ “အခုကျနော်တို့ စပေါ့ကနေ ကူးရင်တောင် ၂ နာရီ၊ ၃ နာရီကြာတယ်။ မြောင်းလည်းကျဉ်းတော့ အများကြီးတန်းစီလို့လည်းမရဘူး။ အခုက စက်လှေက ၂ စင်းထဲနဲ့ အသွားအပြန်ဆိုတော့ ပိုပြီးကြာသွားပြီလေ။ အရေးတကြီးနဲ့ ဖားကန့်ကို သွားဖို့ လာဖို့ဆိုရင် အခုချိန်ဆို အရမ်းခက်ခဲနေပါတယ်”လို့ပြောပါတယ်။…
Read More » -
11 Juneမြေယာနှင့် သဘာဝပတ်ဝန်းကျင်
နယ်စပ်မြစ်များ အဆိပ်သင့်မှုကို ဝိုင်းဝန်းဖြေရှင်းရန် တောင်းဆို
မြန်မာနိုင်ငံထဲမှာတော့ ကချင်ပြည်နယ်တင်မကဘဲ ရှမ်းပြည်နယ်ဘက်မှာလည်း သတ္တုတူးဖော်မှုတွေ တဖြည်းဖြည်း ပိုကျယ်ပြန့်လာနေတယ်လို့ ပြောရပါတယ်။ အခုလက်ရှိမှာ ထိုင်း–မြန်မာနယ်စပ်တစ်လျှောက်က သတ္တုတူးဖော်တဲ့နေရာတွေကြောင့် မြစ်ရေညစ်ညမ်းမှုနဲ့ အဆိပ်သင့်မှုတွေ ဖြစ်နေတဲ့အပေါ် လူထုဘက်က ဝိုင်းဝန်းဖြေရှင်းပေးဖို့ တောင်းဆိုနေကြပါတယ်။ အဲဒီအပြင် အင်အားကြီးနိုင်ငံတွေရဲ့ ဝယ်လိုအားကြောင့် မြန်မာမှာ သတ္တုတူးဖော်မှုတွေက တစ်စတစ်စ ပိုများလာနိုင်ပြီး နယ်စပ်ဖြတ်ကျော် မြစ်ရေညစ်ညမ်းမှုတွေကလည်း ဆက်ဖြစ်လာနိုင်တယ်လို့ သဘာဝပတ်ဝန်းကျင်အရေး လေ့လာသူတွေက ထောက်ပြထားပါတယ်။ သဘာဝပတ်ဝန်းကျင်သုတေသနလုပ်နေသူ ဦးဇုန်းတိန့်ကတော့ “မြေရှားတူးဖော်မှုတွေက မြန်မာပြည်ထဲမှာ တဖြည်းဖြည်း များလာနေတယ်။ ကချင်မှာတင်မကဘဲ ရှမ်းပြည်မှာလည်း ကျယ်ပြန့်လာတယ်။ ၀ဒေသမှာလည်း တူးဖော်မှုတွေ တိုးလာနေတယ်။ ဒီလိုဆက်သွားရင် ဝယ်လိုအားကြောင့် နယ်စပ်ဖြတ်ကျော် မြစ်ရေညစ်ညမ်းမှုတွေ ဆက်ဖြစ်လာမယ်” လို့ ပြောပါတယ်။…
Read More » -
11 Juneစစ်ရေး
ရွှေကူမြို့ခံများ မြို့စွန့်ခွာဖို့ အခက်အခဲရှိနေ
ကချင်လွတ်လပ်ရေးတပ်မတော် (KIA) ဘက်က မြို့စွန့်ခွာဖို့ သတိပေးထုတ်ပြန်ထားတဲ့ တစ်ဖက်မှာ စစ်တပ်ဘက်ကတော့ ရွှေကူမြို့အတွင်းမှာပဲ ဆက်လက်နေထိုင်ကြဖို့ အရပ်သားတွေကို တိုက်တွန်းနေတယ်လို့ ရွှေကူမြို့ခံတွေနဲ့ သတင်းရင်းမြစ်တွေက ပြောပါတယ်။
Read More » -
10 Juneသတင်း
ရွှေတူးဖော်မှုကိစ္စ KIA–SSPP အငြင်းပွားမှု ပြေလည်
ရှမ်းမြောက်၊ နမ့်ဖတ်ကာမြို့အနီး နမ့်အွမ်ကျေးရွာ ရွှေတူးဖော်မှုကိစ္စနဲ့ ပတ်သက်ပြီး SSPP/SSA နဲ့ KIA ကြားအငြင်းပွားမှု ပြေလည်စွာ ဖြေရှင်းပြီးစီးသွားပြီလို့ ဒေသခံသတင်းရင်းမြစ်တွေက ပြောပါတယ်။ ဇွန်လ ၉ ရက်နေ့ နမ့်အွမ်ကျေးရွာ၊ နမ့်မွေချောင်းမှာ ကချင်လွတ်လပ်ရေးအဖွဲ့ KIA အမှုထမ်းတွေနဲ့ ရှမ်း SSPP/SSA တပ်ဖွဲ့တို့ဟာ ရွှေတူးဖော်မှုကိစ္စနဲ့ပတ်သက်ပြီး အငြင်းပွားမှုဖြစ်ခဲ့ပေမယ့် ပြန်လည်ဖြေရှင်းပြီးစီးသွားပြီဖြစ်ကြောင်း ဒေသခံအမျိုးသမီးတစ်ဦး ခုလိုပြောပါတယ်။ “SSPP တွေက ရွှေလာတူးတယ်၊ ဆိုတော့ KIA ဘက်ကိုလည်း ဘာမှအသိပေးခြင်းမရှိတော့ အဲမှာရွှေတူးနေတဲ့ သူတို့ လူ ၃ ဦးကို KIA ကခေါ်သွားတော့ အဲသတင်းကြားတာနဲ့ SSPP တွေက လိုက်ပြီး လမ်းထက်ဝက်နေ ပိတ်ဆို့ပြီး စကားများ အငြင်းပွားမှု ဖြစ်ပွားခဲ့ကြတာဟုတ်တယ်။ ပြဿနာကို မနေ့က KIO တိုက်နယ်ရုံးမှာပဲ အားလုံးပြောဆို ပြေလည်ပြီးကြပါပြီ။” လို့ နမ့်အွမ်ဒေသခံ အမျိုးသမီးတစ်ဦးက ပြောပါတယ်။ ဒေသခံတွေပြောပြချက်အရ ဒီလဆန်းပိုင်းမှာပဲ နမ့်အွမ်ကျေးရွာ အနောက်ဘက်ရှိ နမ့်မွေချောင်းမှာ အကြောင်းကြား၊ အသိပေးခြင်းမရှိပဲ SSPP/SSA လက်နက်ကိုင်တပ်ဖွဲ့တွေ ရွှေတူးဖော်ဝင်ရောက်နေတာလို့ ဆိုပါတယ်။…
Read More » -
10 Juneသတင်း
ထောက်ပို့မသွားနိုင်တဲ့ အိမ်တွေကို ဆန်တစ်ပုံးနဲ့ ငွေ ၅ သောင်း ကောက်ခံနေဟုဆို
ပူတာအို၊ နောင်မွန်နဲ့ ခေါင်လန်ဖူးဒေသတွေမှ ရှေ့တန်းစစ်မျက်ပြင်အတွက် ထောက်ပို့မလိုက်နိုင်တဲ့ အိမ်ထောင်စုတွေကို ဆန်တစ်ပုံးနဲ့ ငွေကျပ် ၅ သောင်း ကောက်ခံနေတယ်လို့ ဒေသခံတွေပြောပါတယ်။
Read More » -
10 Juneစစ်ရေး
ရွှေကူမြို့ကို စစ်ကြောင်း ၃ ခုနဲ့ ထိုးစစ်ဆင်နေတယ်လို့ KIA ပြော
ကချင်ပြည်နယ်၊ ရွှေကူ–ငအိုးဒေသတစ်ဝှိုက်နဲ့ ရွှေကူမြို့နယ်အတွင်း စစ်ရေးတင်းမာနေဆဲဖြစ်ပြီး စစ်ကောင်စီတပ်ဘက်က စစ်ကြောင်း ၃ ကြောင်းနဲ့ ထိုးစစ်ဆင်နေတယ်လို့ KIA ဘက်ကပြောပါတယ်။ KIA ရဲ့ ပြောရေးဆိုခွင့်ရှိသူ ဗိုလ်မှူးကြီး နော်ဘူက စစ်ကောင်စီတပ်ဘက်က ထီးချိုင့်–ငအိုးဘက်ကနေ စစ်ကြောင်း ၃ ကြောင်းခွဲပြီး အင်အားများစွာနဲ့ ရွှေကူဘက်ကို ထိုးစစ်ဆင်နေတာဖြစ်တယ်လို့ ပြောပါတယ်။ “အင်အား ၄၀၀၊ ၅၀၀ လောက်နဲ့ စစ်ကြောင်းထိုးတာရှိတယ်။ ငအိုးကနေတက်လာပြီး ရွှေကူဘက်ကို ဦးတည်နေတာဖြစ်တယ်။ ရွှေကူကိုတော့ မရောက်သေးဘူး။ တခြားလမ်းကြောင်းတွေမှာလည်း စစ်ဆင်ရေးလုပ်နေတယ်။ စစ်ကြောင်း ၃ ခုနဲ့ လှုပ်ရှားနေတာပါ”လို့ ဗိုလ်မှူးကြီး နော်ဘူက ပြောပါတယ်။…
Read More » -
10 Juneစစ်ပြေးဒုက္ခသည်များ
ကချင်ဒေသ စစ်ရှောင်အရေး အကူအညီနှင့်ကာကွယ်မှု တိုးမြှင့်ရန် တောင်းဆို
ကချင်ဒေသက စစ်ဘေးသင့်ပြည်သူတွေကို ကာကွယ်စောင့်ရှောက်မှုနဲ့ အကူအညီတွေ တိုးမြှင့်ပေးဖို့ အရပ်ဘက်အဖွဲ့အစည်း ၁၂၉ ဖွဲ့က ဇွန်လ ၉ ရက်နေ့မှာ တောင်းဆိုလိုက်ပါတယ်။ ဇွန်လ ၉ ရက်နေ့ဟာ KIA နဲ့ စစ်ကောင်စီတပ်တို့ကြား တစ်ကျော့ပြန်တိုက်ပွဲတွေ စတင်ဖြစ်ပွားခဲ့တာ ၁၅ နှစ်ပြည့်တဲ့နေ့လည်း ဖြစ်ပါတယ်။ UNHCR ရဲ့ ထုတ်ပြန်ချက်အရတော့ ၂၀၂၁ မတိုင်ခင်က ကချင်မှာ စစ်ရှောင်ဦးရေ ၆၈,၄၀၀ လောက်ပဲ ရှိခဲ့ပေမယ့် အာဏာသိမ်းပြီးနောက်ပိုင်း ၁၇၆,၁၀၀ လောက် ထပ်တိုးလာပြီး စုစုပေါင်း ၂၄၄,၅၀၀ ကျော်အထိ ရှိလာပြီလို့ဆိုပါတယ်။…
Read More »