မြစ်ကြီးနား
-
Mar- 2025 -11 Marchသတင်း
ဧရာဝတီမြစ်ကမ်း ရွှေတူးဖော်မှုကိုတားမြစ်ပေးဖို့ ပြည်နယ်ဝန်ကြီးချုပ်ထံစာတင်ပြတောင်းဆိုမှု အကြောင်းမပြန်
ကချင်ပြည်နယ် မြစ်ကြီးနားမြို့နယ် ဧရာ၀တီမြစ်ကမ်းဘေးတစ်လျှောက် ရွှေတူးဖော်မှုနဲ့သဲကျောက်ထုတ်ယူမှုတွေကို တားမြစ်ပေးဖို့ စစ်ကောင်စီခန့် ကချင်ပြည်နယ်ဝန်ကြီးချုပ်ထံ ဒေသခံတွေစာတင်ပြတောင်းဆိုထားပေမယ့် တစ်လခန့်ကြာလာတဲ့အထိ အကြောင်းပြန်ခြင်းမရှိသေးဘူးလို့ သိရပါတယ်။ တစ်နှစ်ပြီးတစ်နှစ်အထိန်းအကွပ်မရှိ ရွှေတူးဖော်မှုတွေကြောင့် ဧရာ၀တီမြစ်နဲ့သဘာ၀ပတ်ဝန်းကျင် ဆိုးရွားစွာပျက်စီးလာတဲ့အတွက် မြစ်ကမ်းနံဘေးနေထိုင်တဲ့ဒေသခံတွေအနေနဲ့ ပြီးခဲ့တဲ့ ဖေဖော်ဝါရီလ ၁၁ ရက်နေ့စစ်ကောင်စီခန့် ကချင်ပြည်နယ်ဝန်ကြီးချုပ် ဦးခက်ထိန်နန်အစိုးရအဖွဲ့ထံ စာတင်ပြတောင်းဆိုထားတယ်လို့ ဒေသခံတွေ ပြောပါတယ်။ “ဒီနေရာတွေမှာ အမြဲတမ်း စက်ယန္တရားကြီးတွေနဲ့ ရွှေမတူးဖော်ဖို့၊ စက်ယန္တရားကြီးတွေကို လုံး၀ အဝင်မခံဖို့။ အခုက သဲကျောက်ထုတ်တယ်ဆိုပြီး ရွှေပါတစ်ခါတည်း တူးဖော်နေရော။ ဒီလိုမျိုး သူတို့က ခွင့်ပြုချက်ရထားတယ်ဆိုပြီး အားလုံးပါမစ်လျှောက်ထားပြီးသားဆိုပြီး သဲကျောက်ကောက်တယ်ဆိုတဲ့ ခေါင်းစဉ်နဲ့ ရွှေတူးဖော်တာတွေ ဆိုးဆိုးရွားရွား လုပ်လာတယ်။ ဒါကြောင့် အခုဒေသခံတွေလိုချင်တာက ဘယ်အချိန်ပဲဖြစ်ဖြစ် ဘယ်အစိုးရပဲတက်တက် ဒါတွေကိုတော့ လုံး၀ ရပ်နားလိုက်ဖို့ တောင်းဆိုတာဖြစ်တယ်”လို့ ဧရာ၀တီမြစ်အနီးနေထိုင်သူ ဒေသခံတစ်ဦးကပြောပါတယ်။ ဒါပေမဲ့ လက်ရှိချိန်ထိ ကချင်ပြည်နယ်ဝန်ကြီးချုပ်က ဒေသခံတွေရဲ့စာတင်ပြတောင်းဆိုမှုကို တစ်စုံတရာအကြောင်းပြန်ခြင်း မရှိသေးဘူးလို့ သိရပါတယ်။ ကချင်ပြည်နယ်ဝန်ကြီးချုပ်ကို တင်ပြတောင်းဆိုထားတဲ့စာမှာ အဓိကအားဖြင့် မြစ်ကြီးနားမြို့နယ် အာလမ်ကျေးရွာအုပ်စု အာလမ်၊ အူဗျစ်၊ ဒွမ်ဂန်၊ လမုန်ဇွပ်နဲ့ တန်ဖရဲ– စတဲ့ကျေးရွာတွေရဲ့ နယ်နိမိတ်ဧရိယာအတွင်းရှိ ဧရာ၀တီမြစ်ကမ်းတစ်လျှောက် စက်ယန္တရားကြီးတွေနဲ့ ရွှေတူးဖော်တာ၊ သဲကျောက်ထုတ်ယူတာတွေကို တားမြစ်ရုပ်သိမ်းပေးဖို့ တောင်းဆိုထားတာလို့ ဆိုပါတယ်။ မြစ်ကြီးနား – ဆွပ်မရာဘွမ်လမ်းမကြီးနဲ့ ဧရာ၀တီမြစ်ကမ်းပေါ်မှာရှိတဲ့ အာလမ်ကျေးရွာအုပ်စုထဲမှာ အိမ်ခြေစုစုပေါင်း (၁၀၀၀) ခန့်ရှိပြီး လူဦးရေ (၈၀၀၀) ကျော်ရှိကာ ဧရာ၀တီမြစ်ဆုံအထိ အရေးပါပြီးမြစ်ကြောင်းတစ်လျှောက်ကို အစိုးရအဆက်ဆက်ကာကွယ်စောင့်ရှောက်ထားတဲ့ နေရာတွေဖြစ်တယ်လို့ တောင်းဆိုစာမှာ ဖော်ပြထားပါတယ်။…
Read More » -
10 Marchသတင်း
မြစ်ကြီးနားမြို့မှာ စစ်ကောင်စီတပ်ဖွဲ့မှ ရှောင်တခင်စစ်ဆေးတာတွေ ခပ်စိပ်စိပ်လုပ်လာ
ကချင်ပြည်နယ် မြစ်ကြီးနားမြို့တွင်းနေရာတစ်ချို့မှာ စစ်ကောင်စီတပ်က လမ်းသွားလမ်းလာပြည်သူတွေကို ရှောင်တခင်တားဆီးစစ်ဆေးတာတွေ ခပ်စိပ်စိပ်လုပ်လာနေတယ်လို့ မြစ်ကြီးနားမြို့မှာနေထိုင်တဲ့ ပြည်သူတွေကပြောပါတယ်။ ဒီနှစ် ဖေဖော်ဝါရီလဆန်းပိုင်းကစတင်ပြီး ဗလမင်းထင်တံတားကနေ မြစ်ကြီးနားတက္ကသိုလ်ကျောင်းနောက်ကျောဘက် မြို့ရှောင်လမ်း၊ ကြာရာပါတီးရပ်ကွက်လမ်း၊ မြေမြင့်ရပ်ကွက်ကနေ ကွက်သစ်အဆင်း မိုင်ဒေးကွေ့လမ်းထောင့်၊အင်ဂျန်ဒုံစျေးအနီး၊ အေးမြသာယာရပ်ကွက်အဝင် ရထားသံလမ်း၊ ရွှေစက်ရပ်ကွက် မြစ်ကြီးနားလွှတ်တော်ရုံးရှေ့၊ကျွန်းပင်သာနဲ့လယ်ကုန်းလမ်းဆုံအပါအဝင် မြို့တွင်းလမ်းဆုံ၊ လမ်းထောင့်နေရာတစ်ချို့မှာ စစ်ဆေးမှုတွေ ခပ်စိပ်စိပ်လုပ်လာတယ်လို့ မြစ်ကြီးနားမြို့ခံတစ်ဦး KNG ကိုခုလိုပြောပါတယ်။ “ပုံမှန်နေ့တိုင်းတော့မစစ်ဘူး ဒါပေမယ့် ခုနောက်ပိုင်းစစ်တာပိုစိပ်လာတယ်။ သူတို့စစ်တဲ့နေ့ဆိုရင် ဖြတ်သွားဖြတ်လာ လူတိုင်းကိုစစ်တယ်။ ဘာကြောင့်စစ်တယ်ဆိုတာတော့ မပြောဘူး”လို့ ပြောပါတယ်။ ခုလိုစစ်ဆေးရေးပြုလုပ်ချိန် စစ်သား ၅ ဦးနဲ့ ၁၀ ကြားရှိပြီး လက်နက်၊စစ်ယူနီဖောင်းဝတ်ပြီး စစ်ဆေးတာတွေရှိသလို အရပ်ဝတ်နဲ့တားဆီးစစ်ဆေးတာတွေလည်းရှိတယ်လို့ နောက်ထပ်မြစ်ကြီးနားမြို့မှာနေထိုင်တဲ့ အမျိုးသမီးတစ်ဦးက ပြောပါတယ်။ “ယူနီဖောင်းအပြည့်ဝတ်ပြီး တားရင်တော့ စစ်ဆေးခံကြပါတယ်။ ဒါပေမယ့် တစ်ခါတစ်လေ အရပ်ဝတ်တွေနဲ့တားတော့ ပြည်သူတွေက ဓါးပြထင်တာလည်းရှိတော့ မရပ်ပေးတဲ့သူလည်းရှိတယ်။ မရပ်ပေးပြန်တော့ သူတို့ကပစ်တယ်လေ။ အဲကြောင့် သွားရလာရတော်တော်ခက်တယ် ခုနောက်ပိုင်း”လို့ ပြောပါတယ်။ ကချင်ပြည်နယ်ရဲ့မြို့တော်ဖြစ်တဲ့ မြစ်ကြီးနားမြို့မှာ ၂၀၂၁ ခုနှစ်အာဏာသိမ်းပြီးနောက်ပိုင်း မြို့တွင်းလုံခြုံရေးပိုတင်းကြပ်လာသလို ဌာနဆိုင်ရာနဲ့ရဲစခန်းအနိီးပတ်ဝန်းကျင်ရှိ လမ်းအများပိုင်း သွားလာခွင့်ပိတ်ထားတဲ့အပြင် ဖွင့်ထားတဲ့လမ်းတွေမှာလည်း ည ၆ နာရီနောက်ပိုင်းဖြတ်သန်းခွင့်မရှိတော့ဘူးလို့ သိရပါတယ်။ ဒါ့အပြင် ၂၀၂၅ ခုနှစ် နှစ်ဆန်းပိုင်းကစလို့ မြို့တွင်း ရဲစခန်းအားလုံး ဘန်ကာများထပ်တိုးတည်ဆောက်ထားသလို မြစ်ကြီးနားကနေ…
Read More » -
10 Marchအင်တာဗျူး
မြစ်ကြီးနား၊ ဝိုင်းမော်မှာ အရပ်သား သတ်ဖြတ်ခံရသူ ၇ ဦးထိရှိလာတဲ့အတွက် ဘယ်လိုအခြအနေ ရှိနေလဲ
ကချင်ပြည်နယ် မြစ်ကြီးနားမြို့နဲ့ဝိုင်းမော်မြို့မှာ တစ်လအတွင်းအရပ်သားသတ်ဖြတ်ခံရသူ ၇ ဦးထိရှိပြီး အဲဒီထဲမှာအမျိုးသမီး ၄ ဦးပါဝင်ကြောင်း လူမှုကယ်ဆယ်ရေးအသင်းတွေဆီကနေ စုံစမ်းသိရှိရပါတယ်။ ပြီးခဲ့တဲ့ မတ်လ ၅ ရက်နေ့ ဝိုင်းမော်မြို့ အမှတ် ၅ ရက်ကွက် အမျိုးသမီးတစ်ဦး လည်ပင်းဓားထိုးဒဏ်ရာနဲ့ သတ်ဖြတ်ခံရမှု၊ မတ်လ ၄ ရက် မြစ်ကြီးနားမြို့ အင်ဂျန်ဒုံရပ်ကွက်၊ အမှတ်၆ ကျောင်းရှေ့ အမှိုက်ပုံမှာ စွန့်ပစ်ထားတဲ့ အမျိုးသမီးရုပ်အလောင်းတွေ့ရှိမှု၊ မတ်လ ၃ ရက် မြစ်ကြီးနားမြို့ ရမ်ပူအောက်ချိုင့် ချမ်းသာကြီးဘုန်းကြီးကျောင်းအနီး နေအိမ်တစ်ခုမှာ လင်မယားနှစ်ဦးရန်ဖြစ်ပြီး အမျိုးသားဖြစ်သူက အမျိုးသမီးကို ပုဆိန်နဲ့ ခုတ်သတ်မှု၊ ဖေဖော်ဝါရီ ၂၈ ရက် မြစ်ကြီးနားမြို့ စီတာပူရပ်ကွက် အမျိုးသမီးတစ်ဦး ဓားဖြင့်ခုတ်သတ်ခံရမှု၊ ဖေဖော်ဝါရီ ၁၉ ရက် ဝိုင်းမော်မြို့ အာလူးဘာရီကျေးရွာ အသက်…
Read More » -
4 Marchသတင်း
မြစ်ကြီးနားမြို့ အမှိုက်ပုံမှာ အမျိုး သမီးတစ်ဦးရဲ့ အလောင်းတွေ့ရှိ
ကချင်ပြည်နယ်၊ မြစ်ကြီးနားမြို့ အင်ဂျန်ဒုံရပ်ကွက်ရှိ အမှိုက်ပုံတစ်ခုမှာ စွန့်ပစ်ထားတဲ့ အမျိုးသမီးတစ်ဦးရဲ့ ရုပ်အလောင်းတွေ့ရှိတယ်လို့ မြစ်ကြီးနားဒေသခံတွေဆီကနေ သိရပါတယ်။ မတ်လ ၄ ရက်နေ့ ဒီမနက် ၇ နာရီဝန်းကျင် အင်ဂျန်ဒုံရပ်ကွက်၊ အမှတ် ၆ ကျောင်းရှေ့ရှိ အမှိုက်ပုံမှာ…
Read More » -
3 Marchသတင်း
မြစ်ကြီးနား-မန္တလေး လမ်းပိုင်းခရီးစဥ် တိုက်ပွဲကြောင့် ၅ ရက်ဝန်းကျင်အထိ ကြာမြှင့်လာ
စစ်ကိုင်းတိုင်း၊ ကန့်ဘလူမြို့နယ်အတွင်းက တိုက်ပွဲတွေကြောင့် မြစ်ကြီးနား–မန္တလေးလမ်းပိုင်း ခရီးစဥ် ၅ ရက် ဝန်းကျင်အထိ ကြာမြှင့် သွားလာနေရတယ်လို့ ကားသမားတွေက ပြောပါတယ်။ ဖေဖော်ဝါရီလ ၁၉ ရက်နေ့က စတင်လို့ မြစ်ကြီးနား–မန္တလေးလမ်း၊ ကန့်ဘလူဒေသကို စစ်ကောင်စီတပ်က စစ်ကြောင်းထိုး လာရာကနေ နှစ်ဖက်တိုက်ပွဲဖြစ်ပွားနေတာဖြစ်ပြီး ကာကွယ်ရေးတပ်တွေဘက်က…
Read More » -
Feb- 2025 -26 Februaryသတင်း
မြစ်ကြီးနား-မန္တလေး ယာဥ် ၇၀၀ နီးပါး ပိတ်မိနေပြီး ကုန်စိမ်းနဲ့ အသားငါး ပုပ်သိုး
မြစ်ကြီးနား–မန္တလေးကားလမ်းပိုင်း ပိတ်ထားတာတစ်ပတ်နီးပါးရှိလာတာနဲ့အမျှ ယာဥ်တန်း ၇၀၀ နီးပါး ပိတ်မိနေပြီး ကုန်တင်ဆောင်လာတဲ့ ကုန်စိမ်းနဲ့ စားသောက်ကုန်တစ်ချို့ပုပ်သိုးသွားတယ်လို့ ကားသမားတွေက ပြောပါတယ်။ ဖေဖော်ဝါရီလ ၁၉ ရက်နေ့ကစလို့ မြစ်ကြီးနား–မန္တလေး လမ်းပိုင်းက ခင်ဦး၊ ကန့်ဘလူ ဒေသတစ်ဝှိုက်ကို စစ်ကောင်စီ က…
Read More » -
24 Februaryသတင်း
မြစ်ကြီးနား-မန္တလေး ခရီးစဥ်ကို မလိုအပ်ဘဲ ခရီးမသွားကြဖို့ ကားသမားတွေ အကြံပြု
မြစ်ကြီးနား–မန္တလေး လမ်းပိုင်းမှာ စစ်ကောင်စီ နဲ့ ကာကွယ်ရေးတပ်တွေက စစ်သားစုဆောင်းရေး အပြင်းအထန် ပြုလုပ်နေတဲ့အတွက် တစ်စုံတစ်ရာအရေးကြီးကိစ္စမရှိဘဲ ခရီးမသွားကြဖို့ ကားသမားတွေက ပြောပါတယ်။ လူငယ်နဲ့ လူလတ်ပိုင်းအရွယ်၊ ကျား–မ မရွေးကို စုဆောင်းရေးခေါ်ယူနေတယ်လို့ အမည်မဖော်လိုသူ ကားသမားတစ်ဦးက KNG ကို ပြောပါတယ်။ “ဟိုတလောက ကျနော့ကားပေါ်က မြစ်ကြီးနားက လိုက်လာတဲ့ ကချင်မိန်းကလေးတစ်ယောက်ကို KIA ဂိတ်ကခေါ်ထား လိုက်တယ်။…
Read More » -
14 Februaryသတင်း
KIA သိမ်းပိုက်ထားတဲ့ မြစ်ဆုံအထက် တီယန်ဇွပ်ကျေးရွာကို စစ်ကောင်စီ တန်ပြန်စစ်ကြောင်းထိုး
မြစ်ကြီးနားမြို့နယ်၊ မြစ်ဆုံဒေသ၊ တန်ဖရဲကျေးရွာမှာ ရောက်ရှိနေတဲ့ စစ်ကောင်စီတပ်တွေဟာ ကချင်လွတ်လပ်ရေးတပ်မတော် KIA သိမ်းပိုက်ထားပြီဖြစ်တဲ့ တီယန်ဇွပ်(Tayang Zup) ကျေးရွာဘက်ကို ဦးတည်ကာ စစ်ကြောင်းထိုး ဝင်ရောက်လာတယ်လို့ သိရပါတယ်။ “ကျနော်တို့ဘက်ကနေ စစ်တပ်တွေ မတက်လာနိုင်အောင် အကုန်ပိတ်ထားတယ်။ တကယ်တော့ တက်လာရင်တော့ ကျနော်တို့နဲ့က တိုက်ပွဲတော့ဖြစ်လာမှာပဲ။ ဒီဘက်ကို စစ်ရေးလှုပ်ရှားလာတယ်လို့တော့သိရတယ်” လို့ တယန်ဇွပ်ဒေသက KIA ရှေ့တန်းသတင်းအရင်းအမြစ် တစ်ဦးက ပြောပါတယ်။ ဖေဖော်ဝါရီလ ၁၂ ရက်နေ့မှာလည်း တန်ဖရဲကျေးရွာနဲ့ ဝေရှီကျေးရွာကြား စစ်ကောင်စီတပ်တွေ စစ်ကြောင်းထိုး လှုပ်ရှားလာတဲ့အတွက် တစ်ရက်တည်းမှာပဲ ၄ ကြိမ်ထက်မနည်း ထိတွေ့တိုက်ပွဲဖြစ်ပွားခဲ့တယ်လို့ သိရပါတယ်။ တန်ဖရဲနဲ့ ဝေရှီကျေးရွာ နှစ်ခုဟာ ၅ မိုင်လောက်အကွာမှာရှိပြီးတော့ ဝေရှီကျေးရွာကို ပြီးခဲ့တဲ့ ဖေဖော်ဝါရီလ ၃ရက်၊ ၄ ရက်နေ့ မှာ စစ်ကောင်စီတပ်တွေ လေကြောင်းနဲ့ ဗုံးကြဲတိုက်ခိုက်တာတွေ လုပ်ဆောင်ခဲ့တဲ့နောက်ပိုင်း အခုလို ခြေလျင်နဲ့ စစ်ကြောင်းထိုး စစ်ရေးလှုပ်ရှားလာတာလည်းဖြစ်ပါတယ်။ အခုလို တန်ဖရဲနဲ့ ဝေရှီကျေးရွာ နှစ်ခုကြားမှာ စစ်ကောင်စီတပ်နဲ့ KIA ပူးပေါင်းတပ်တွေကြား ထိတွေ့တိုက်ပွဲကြောင့် ပူတာအိုကိုတက်တဲ့ကားလမ်းပိုင်းကိုလည်း မကြာခဏ ပိတ်ဆို့ခံရတာတွေ ကြုံတွေ့နေရတယ်လို့ ကားသမားတွေကပြောပါတယ်။ လက်ရှိ တန်ဖရဲကျေးရွာအထက် ဝေရှီကျေးရွာဘက်ကို နှစ်ဖက်စစ်တပ် စစ်ရေးတင်းမာမှုဖြစ်နေတဲ့ အခြေအနေနဲ့ပတ်သက်ပြီး တန်ဖရဲဒေသခံတစ်ဦးက KNG ကို အခုလိုပြောပါတယ်။ “တယန်ဇွပ်ကနေ တက်သွားတဲ့ ဝေရှီကျေးရွာမရောက်မှီမှာ တိုက်ပွဲတွေဖြစ်ကြတယ်။ အဲဒါကြောင့် တိုက်ပွဲဖြစ်တဲ့နေ့ဆိုရင် ဘယ်ကုန်ကားကိုမှ ဖြတ်ခွင့်မပေးဘူး။ မြစ်ကြီးနားဘက်ကို ပြန်လှည့်ခိုင်းတယ်။ တစ်ချို့ကုန်ကားတွေက ၄၂ မိုင်မှာအိပ်ကြတယ်။ နောက်တစ်ရက် သူတို့ပြန်ဖွင့်ပေးတဲ့ အချိန်မှာပဲ ပြန်တက်ကြတယ်” လို့ ပြောပါတယ်။ တယန်ဇွပ်ကျေးရွာဘက်ကို ဦးတည်ပြီးတက်လာတဲ့ စစ်ကောင်စီစစ်ကြောင်းတွေဟာ ပြီးခဲ့တဲ့ ဇန်နဝါရီလ ၂၉ ရက်နေ့ မြစ်ကြီးနားမြို့ပေါ်ဘက်ကနေ တန်ဖရဲကျေးရွာမှာ စစ်ကြောင်းထိုးထားတဲ့ စစ်ကြောင်းတွေဖြစ်ပါတယ်။ အဲဒီစစ်ကြောင်းတွေက ဖေဖော်ဝါရီလ ၃ ရက်နေ့ နောက်ပိုင်း အင်ခိုင်ဘွမ့်တောင်ပတ်လမ်းကို အသုံးပြုပြီးတော့ တယန်ဇွပ်၊ ဆွမ်ပရာဘွမ့်ဘက်ကို ဦးတည် စစ်ကြောင်းထွက်ခွာသွားကြတာဖြစ်ပါတယ်။ ယခုရက်ပိုင်းအတွင်း စစ်ကောင်စီတပ်တွေဟာ မြစ်ကြီးနားမြို့နယ် KIA သိမ်းပိုက်ထားပြီဖြစ်တဲ့ တယန်ဇွပ်ကျေးရွာဘက်ကို စစ်ကြောင်းထိုး ဝင်ရောက်လာတဲ့အတွက် တစ်ကျော့ပြန် တိုက်ပွဲပြန်လည်ဖြစ်ပွားလာမှာကိုလည်း ကျေးရွာနေပြည်သူတွေ စိုးရိမ်နေကြတာလည်းဖြစ်ပါတယ်။ By – နော်ထွယ့်(ဟူးကောင့်)
Read More » -
12 Februaryသတင်း
ကချင်မှာ တစ်ပတ်အတွင်း စစ်ကောင်စီ ၅ နေရာခန့်ကို ဗုံးကြဲတိုက်ခိုက်
ဖေဖော်ဝါရီလဆန်းပိုင်းအတွင်း ကချင်ပြည်နယ်ထဲက တိုက်ပွဲမဖြစ်တဲ့ လူနေကျေးရွာတွေကို ဦးတည်ပြီး စစ်ကောင်စီရဲ့ လေယာဉ် ဗုံးကြဲတိုက်ခိုက်မှုတွေ ဆက်တိုက်ကြုံနေရတယ်လို့ သိရပါတယ်။ တစ်ပတ်တာအတွင်း KIO ဗဟိုဌာနချုပ် လိုင်ဇာမြို့ မုန်းဆိုင်ယန် (Mung Seng Yang) ၊ မြစ်ကြီးနား – ဆွမ်ပရာဘွမ့်လမ်းပေါ်ရှိ ဝေရှီ (Wai-shi)ကျေးရွာ ၊ အင်ဂျန့်ယန်လမ်းပေါ်က တန်ဘောင်ယန် (Tangbau…
Read More » -
10 Februaryသတင်း
မြစ်ဆုံ ဒေသမှာ စစ်ကောင်စီ နဲ့ KIA စစ်ရေးတင်းမား
မြစ်ကြီးနားမြို့နယ်၊ မြစ်ဆုံဒေသ တန်ဖရဲကျေးရွာမှာ စစ်ကောင်စီတပ်အင်အား အများအပြားဝင်ရောက်လာပြီး အင်ခိုင်ဘွမ့်တောင်ခြေ တောလမ်းကတဆင့် ဆွမ်ပရာဘွမ်မြို့နယ်ဘက်ကို ဦးတည်စစ်ကြောင်းထိုးနေတဲ့အပြင် လေယာဉ်နဲ့ ဗုံးကြဲတိုက်ခိုက်မှုတွေ ဆက်တိုက်လုပ်ဆောင်နေတယ်လို့ ဒေသခံတွေ ပြောပါတယ်။ မြစ်ဆုံအထက်ကို စစ်ကြောင်းထိုးနေတဲ့ စစ်ကောင်စီတပ် နဲ့ ကချင်လွတ်လပ်ရေးတပ်မတော် KIA တို့ကြား ပစ်ခတ်မှုမကြာခဏဖြစ်ပွားနေပြီး…
Read More »
