ဧရာဝတီ
-
Jul- 2024 -2 Julyသတင်း
ဗန်းမော်မြို့ ဧရာဝတီမြစ်ရေ စိုးရိမ်ရေအမှတ်နီးကပ်လာတဲ့အတွက် ဒေသခံ တစ်ထောင်နီးပါးဘေးလွှတ်ရာရွှေ့ပြောင်း
ကချင်ပြည်နယ် ဗန်းမော်မြို့နယ်မှာ ဧရာဝတီမြစ်ရေစိုးရိမ်ရေအမှတ်နီးကပ်လာတာနဲ့အတူ မြေနိမ့်ပိုင်း ရပ်ကွက်ကဒေသခံတစ်ထောင်နီးပါး ဘေးလွှတ်ရာတွေမှာကြိုတင်ရွှေ့ပြောင်းနေကြရပြီလို့ လူမှုကူညီရေး အသင်းတွေဆီကသိရပါတယ်။ လက်ရှိ ဗန်းမော်မြို့ ဧရာဝတီမြစ်ရေဟာ စိုးရိမ်ရေမှတ်အောက် ၁ ပေခန့်ရောက်ရှိနေပြီး နောက်ထပ် ၆နာရီအတွင်း စိုးရိမ်ရေအမှတ်အထက် ကျော်လွန်ရောက်ရှိနိုင်တယ်လို့ မိုး/ဇလက ဒီကနေ့ ညနေ ၂ နာရီခွဲမှာပဲ ထုတ်ပြန်ထားပါတယ်။ ဗန်းမော်မြို့နယ်အတွင်းမှာတော့ ရေဘေးရှောင်ရန်အတွက်လို့ဆိုကာ စခန်း ၄ ခုလောက်ပြင်ဆင်ထားပြီး လက်ရှိမြေနိမ့်ပိုင်းရပ်ကွက်က ဒေသခံတစ်ထောင်လောက်ရွှေ့ပြောင်းလာကြပြီလို့ သုညသုခပရဟိတ လူငယ်အသင်းက တာဝန်ရှိသူတစ်ယောက်ကပြောပါတယ်။ “ကျနော်အခုလာခဲ့တဲ့စခန်းကပဲကို လူဦးရေ ၄၀၀ လောက်ရွှေ့ပြောင်းလာခဲ့ပြီ။ အနိမ့်ပိုင်းရပ်ကွက် တွေကပဲပေါ့။ ရေတွေတော့ဝင်တာတွေရှိတယ်။ ဗန်းမော်ရဲ့စိုးရိမ်ရေအမှတ်ကိုလည်းရောက်နေပြီ။ ခန်းမှန်းဆိုရင် ၁ ထောင်ကျော်လောက်ပြီ ဘာလို့ဆို ကျနော်ရောက်ခဲ့တဲ့ စခန်းကပဲ လူဦးရေ ၄၀၀ ဆိုတော့ လေ” လို့ပြောပါတယ်။ တစ်ဖက်မှာ ဒီကနေ့ နေ့လည် ၁၂ နာရီနောက်ပိုင်းကစလို့ ဗန်းမော်မြို့ပေါ်က ကျောင်းတွေတစ်ချို့ကို ပိတ်ထား ရသလို အဲ့ဒီကျောင်းတွေမှာလည်း ရေဘေးရှောင်လာတဲ့ဒေသခံတွေတည်းခိုးဖို့လုပ်ဆောင်သွားမယ်လို့ လူမှုကူညီရေးအသင်းတွေကပြောပါတယ်။ မြစ်ကြီးနားမြို့ဧရာဝတီမြစ်ရေကျလာတာနဲ့အမျှ အောက်ဘက်ပိုင်းဖြစ်တဲ့ ဗန်းမော်မြို့နယ်ဟာ ရေကြီး ရေလျှံဖြစ်လေ့ရှိတာဖြစ်ပြီးတော့ အဲ့ဒီအတွက်လည်း အချိန်မှီပြင်ဆင်နေကြတယ်လို့ သိရပါတယ်။ “ ဒီမှာက မြစ်ကြီးနားမြစ်ရေကျတာနဲ့ပုံမှန်တက်တယ်လေနော် ဒါ့ကြောင့် ကြိုတင်ပြီးတော့ သုံးဘီးတွေ ကားတွေနဲ့ လောစပီကာတွေတင်ပြီးလိုက်အော်ရတာပေါ့ သူတို့ရွှေ့လာပြီဆိုရင် ရေဘေးရှောင်စခန်းတွေမှာ နေရာချနေတာပေါ့” လူမူကူညီရေးအသင်းတာဝန်ခံက ဒေသခံတစ်ယောက်ကပြောပါတယ်။ ဗန်းမော်မြို့နယ်ရဲ့ စိုးရိမ်ရေအမှတ်ဟာ ၁၁၅၀ စင်တီမီတာဖြစ်ပြီး အန္တရာယ်ရေအမှတ်ကတော့ ၁၂၄၅ စင်တီမီတာ ဖြစ်ပါတယ်။ လက်ရှိတော့ ဗန်းမော်မြို့ရဲ့ ဧရာဝတီမြစ်ရေဟာ ၁၁၂၆ စင်တီမီတာရှိပြီလို့ ဒီကနေ့ ညနေ ၂ နာရီခွဲမှာ ထုတ်ပြန်ထားသလို ပြီးခဲ့တဲ့ နှစ်ပေါင်း၂၀ (၂၀၀၄ ခုနှစ်) တုန်းကတေ့ ဧရာဝတီမြစ်ရေ ၁၃၃၈ စင်တီမီတာ အထိမြင့်တက်ခဲ့ဖူးပါတယ်။ By – အမိုး
Read More » -
Nov- 2023 -17 Novemberသတင်း
ရွှေကူနယ်တောင်သူများ လယ်စပါးအထွက်နှုန်း ၁၀ ဆ ခန့်ကျဆင်း
ကချင်ပြည်နယ် ရွှေကူမြို့နယ် ဧရာဝတီမြစ်အရှေ့ဘက်ခြမ်းနဲ့အနောက်ဘက်ခြမ်းကျေးရွာမှာ မိုးစပါးစိုက်ထားတဲ့ တောင်သူတွေဟာ အကြောင်းအမျိုးမျိုးကြောင့် ဒီနှစ်မိုးစပါးအထွက်နှုန်း အရင်နှစ်တွေထက် ၁၀ ဆခန့် ကျဆင်းသွားတယ်လို့ ရွှေကူဒေသခံတွေဆီကနေ သိရပါတယ်။ ခုလို မိုးစပါးအထွက်နှုန်းကျဆင်းသွားတာဟာ ပြီးခဲ့တဲ့ ဇူလိုင်လ သြဂုတ်လပိုင်းကစပြီး စစ်ကောင်စီတပ် စစ်ကြောင်းထိုးတာတွေဆက်တိုက်ရှိနေခဲ့တာကြောင့် စိုက်ပျိုးထားတဲ့စပါးခင်းမှာ ပေါင်းမသတ်နိုင်တဲ့အပြင်၊ စပါင်းခင်းအတွက် လိုအပ်တဲ့မြေဩဇာဖြန်းပေးတာတွေ လုပ်ဆောင်နိုင်တာမရှိတဲ့အတွက် စပါးအထွက်နူန်းကျဆင်းသွားတာဖြစ်တယ်လို့ စီသောင်းကျေးရွာလယ်သမား တစ်ဦးက အခုလိုပြောပြလာပါတယ်။ “စပါးတွေကရှူံးတာပေါ့ ဒီနှစ်ကကျတော့ စစ်ပြေးနေရတဲ့အခါကျတော့ ပေါင်းသတ်ရတဲ့အချိန်မှာ ပေါင်းမသတ်ရ ရေသွင်းရမယ့်အချိန်မှာရေကမသွင်းရ မိုးကလည်းခေါင်ပြန်…
Read More » -
Sep- 2023 -18 Septemberသတင်း
စစ်ကောင်စီတပ်တွေဟာ ရေလှဲကျေးရွာက လူနေအိမ်ရာချီမီးရှို့နေတဲ့အပြင် အရပ်သားတစ်ချို့ကိုလည်း ဖမ်းဆီးထား
ကချင်ပြည်နယ် ရွှေကူမြို့နယ် ဧရာဝတီမြစ်တစ်ဖက်မှာရှိတဲ့ ရေလှဲကျေးရွာကို စစ်ကောင်စီတပ်က ဒီကနေ့ မနက်ပိုင်းကနေ ဝင်ရောက်နေပြီး လူနေအိမ်ရာချီကိုမီးရှို့နေတဲ့အပြင် အရပ်သားတစ်ချို့လည်း ဖမ်းဆီးထားတယ်လို့ ဒေသခံတွေဆီကနေ သိရပါတယ်။ ရွှေကူမြို့တွင်းတပ်ကနေ အင်အား ၁၀၀ ကျော်ပါတဲ့စစ်ကြောင်းတစ်ကြောင်းဟာ ဒီကနေ့ စက်တင်ဘာ ၁၈ ရက်နေ့ မနက် ၉ နာရီခွဲကတည်းက ရေမော်တော်တွေနဲ့…
Read More » -
Aug- 2023 -18 Augustသတင်း
ဗန်းမော်နယ် ဧရာဝတီမြစ်ကြောင်းတစ်လျှောက်ကျေးရွာတွေကို စစ်တပ်က ဂျက်ဖိုက်တာ ၃ စီးနဲ့ဗုံးကျဲ
ကချင်ပြည်နယ် ဗန်းမော်နဲ့ ရွှေကူ မြို့နယ်အစပ် ဗန်းမော်နယ်ထဲက ဧရာဝတီမြစ်ကမ်းဘေးတစ်လျှောက်ကျေးရွာတွေကို စစ်ကောင်စီတပ်က တိုက်ပွဲ မဖြစ်ပဲ ဒီကနေ့ မနက်ပိုင်းမှာ လေကြောင်းနဲ့ဗုံးကျဲတိုက်ခိုက်ခဲ့တယ်လို့ ဒေသခံတွေဆီကနေ သိရပါတယ်။ စစ်ကောင်စီတပ်က ဒီကနေ့ သြဂုတ် ၁၈ ရက်နေ့ မနက် ၄ နာရီ မိနစ်…
Read More » -
9 Augustသတင်း
ရွှေကူမှာ ရွာပေါင်း ၈ ရွာက ပြည်သူရာချီစစ်ရှောင်နေရ
ကချင်ပြည်နယ် ရွှေကူမြို့အထက်ဘက် ဧရာဝတီမြစ်ကမ်းဘေးတစ်လျှောက်မှာရှိတဲ့ ကျေးရွာတွေမှာ စစ်ကောင်စီတပ် စစ်ကြောင်း ၂ ကြောင်းဝင်ရောက်ထိုးဝင်လာတဲ့အတွက် ဒေသခံထောင်ချီ ထွက်ပြေးတိမ်းရှောင်နေရတယ် လို့သိရပါတယ်။ လက်ရှိမှာ နောင်မိုရွာထဲကို မနေ့က ရေကြောင်းနဲ့ဝင်လာတဲ့ အင်အား ၇၀ ကျော်စစ်ကြောင်း နဲ့ ဒီနေ့မနက် ဝင်းမာရွာကိုကုန်းကြောင်းနဲ့ ဝင်လာတဲ့ အင်အား ၁၀၀ လောက်ရှိတဲ့စစ်ကြောင်းတွေကြောင့် ဧရာဝတီမြစ်တစ်ဖက်က ဇင်းဘုံ၊ ရေလှဲ၊ ဆင်တပ်၊ နောင်မို၊ သဘော်အင်းစတဲ့ကျေးရွာတွေ တိမ်းရှောင်နေရပြီး ဧရာဝတီမြစ်အရှေ့ဘက်ကမ်းမှာတော့…
Read More » -
8 Augustသတင်း
သင်္ဘောဆန်တက်ချိန် လူသားဒိုင်းအဖြစ်အသုံးပြုဖို့ ရွာသား ၃၀ ကျော်ကို စစ်တပ်ကဖမ်းသွား
ရွှေကူမြို့နယ် အထက်ဘက် ဧရာဝတီမြစ်ကမ်းဘေးတစ်လျှောက်မှာရှိတဲ့ ရွာတွေက အရပ်သားပြည်သူ ၃၀ ကျော်ကို စစ်ကောင်စီတပ် လိုက်လံဖမ်းဆီးသွားတယ်လို့ ဒေသခံတွေက ပြောပါတယ်။ စစ်ကောင်စီတပ်တွေဟာ ဒီကနေ့ မနက်ပိုင်း ၈နာရီလောက်မှာ ရွှေကူမြို့အထက်ပိုင်းမှာရှိတဲ့ ရွှေကူ လေးကျေးရွာ၊ ရွှေဘုံသာကျေးရွာနှင့် ငပေါက်ဝကျေးရွာဘက်ကို သံခွန်မော်တော် ၂ စီးနဲ့အင်အား ၃၀ ရောက်လာပြီး ဒေသခံပြည်သူ ၃၀ ကျော်ကို ဖမ်းဆီးသွားတယ်လို့ ငပေါက်ဝကျေးရွာအနီးနေထိုင်တဲ့…
Read More » -
Jul- 2023 -25 Julyသတင်း
ရွှေကူနယ် ကျောက်ကြီးဘက်တက်သွားတဲ့ စစ်ကြောင်းမှာ အရပ်သား ၃၀ ကျော်ပါဝင်
ကချင်ပြည်နယ် ရွှေကူမြို့နယ်အနောက်ဘက် ဧရာဝတီမြစ်တစ်ဖက်ကမ်းမှာရှိတဲ့ ကျောက်ကြီးကျေးရွာဘက်ကိုတက်လာတဲ့ စစ်ကြောင်းမှာ စစ်တပ်ထောက်ခံတဲ့ အရပ်သား ၃၀ ကျော်ဟာ စစ်သားအသွင်ယူပြီးစစ်ကြောင်းမှာပါဝင်နေတယ်လို့ ဒေသခံတွေဆီကနေ သိရပါတယ်။ ဇူလိုင်လ ၂၃ ရက်နေ့ ညပိုင်းက ရွှေကူမြို့ကနေ ကျောက်ကြီးကျေးရွာဘက်ကို စစ်ကြောင်းထိုးသွားတဲ့ အင်အား ၈၀ ကျော်ပါတဲ့ ခလရ…
Read More » -
Jun- 2023 -1 Juneသတင်း
စစ်ကောင်စီတပ်ပစ်ခတ်သည့် လက်နက်ကြီးကျည်ထိသည့် အမျိုးသမီးတစ်ဦး လက်နှစ်ဖက်ဖြတ်လိုက်ရ
ထီးချိုင့်-ကသာအစပ်တွင် ဧရာဝတီမြစ်ကြောင်း သံခွန်မော်တော်ယာဉ်မှ စစ်ကောင်စီတပ် ပစ်ခတ်လိုက်သော လက်နက်ကြီးထိမှန်ပြီး ဒေသခံ အမျိုးသမီးတစ်ဦး လက်နှစ်ဖက် ဖြတ်လိုက်ရကြောင်း သိရသည်။ စစ်အင်အား ၂၀၀ ဝန်းကျင်ရှိသော စစ်ကောင်စီ စစ်ကြောင်းသည် မေလ ၃၁ ရက်နေ့ ထီးချိုင့်မြို့နယ် နှင့် ကသာမြို့နယ်အစပ်သို့ ဧရာဝတီမြစ်ကြောင်းအတိုင်း ရောက်ရှိလာပြီး ကမ်းဘက်သို့ လက်နက်ကြီးပစ်ခတ်နေသောကြောင့် အမျိုးသမီးတစ်ဦး…
Read More » -
Nov- 2022 -9 Novemberတိုက်ပွဲ
ရွှေကူ တစ်ဖက်ကမ်းဘက် စစ်အင်အား ၂၀၀ ကျော်ထပ်မံတိုးချဲ့ပြီး လက်နက်သံများကြားရဟုဆို
ရွှေကူမြို့၏ အရှေ့ဘက်ခြမ်း ဧရာဝတီမြစ်ကမ်းတစ်ဖက်တွင် စစ်ကောင်စီတပ်များ စစ်အင်အားအများအပြားဖြင့် စစ်ကြောင်းထိုးဝင်ရောက်နေပြီး ယနေ့နံနက်ပိုင်းမှ လက်နက်ကြီးပစ်ခတ်သံများ ကြားနေရကြောင်း ရွှေကူဒေသခံများထံမှသိရသည်။ ရွှေကူနယ် ကျောက်ကြီးနှင့် ပေါက်ကုန်း ကျေးရွာ ၂ခုတွင် နိုဝင်ဘာလ ၅ ရက်နေ့အတွင်းမှ စစ်အင်အား ၂၀၀…
Read More » -
Jan- 2021 -26 Januaryသတင်း
ဧရာဝတီ မြစ်ကူးတံတားအသစ်ကို ၃ နှစ်အတွင်း အပြီးတည်ဆောက်ရန် စီစဉ်နေ
ကချင်ပြည်နယ် အရှေ့ဘက်နှင့် အနောက်ဘက်ကိုဆက်သွယ်ထားသော ဧရာဝတီမြစ်ကူးတံတားအသစ်တစ်ခုကို မြစ်ကြီးနား လက်ရှိ ဗလမင်းထင်တံတားဘေးတွင် ဆောက်လုပ်မည်ဖြစ်ပြီး ပြီးစီးရန် (၃)နှစ်အထိကြာမြင့်နိုင်ကြောင်း ကချင်ပြည်နယ်လမ်းတံတားအဖွဲ့ရုံးမှ သိရသည်။ အဆိုပါတံတားကို ပြည်ထောင်စုဘတ်ဂျတ်ငွေ ငွေလုံးငွေရင်း ရံပုံငွေ (၁)ဘီလီယံသုံးစွဲကာ ဆောက်လုပ်သွားမည်ဖြစ်ကြောင်း ကချင်ပြည်နယ်လမ်းတံတားအထူးဖွဲ့(၁)မှ ဒုတိယညွှန်ကြားရေးမှူး…
Read More »
