,

Breaking News :

ဖားကန့်တွင် အရပ်သား ၈၀ ကျော်ကို စစ်ကောင်စီက လူသားဒိုင်းအဖြစ် ဖမ်းဆီးခေါ်ဆောင်ထား

ကသာမြို့တွင် ရဲကားဖြင့် လိုက်လံပစ်ခတ်သဖြင့် လူငယ် ၁ ဦးသေဆုံး

ဦးရွှေမင်း ဦးဆောင်သည့် ပြည်သူ့စစ်အဖွဲ့ တနိုင်ဒေသတွင် စတင်အခြေချ၊ ဒေသခံများကန့်ကွက်

ဖားကန့် ဆိပ်မူ စစ်ရှောင်ပြည်သူ ၅၀၀ ကျော်အတွက် အရေးပေါ်အကူအညီလိုအပ်နေ

ကရင်ချောင်ကျေးရွာအနီးက ကျောက်စိမ်းတူးသည့် အလုပ်သမား ၃၀ ကျော် ဖမ်းဆီးခံထားရ

ကားမိုင်းထွေအုပ်ရုံး ဗုံးဖောက်ခွဲခံရပြီး အုပ်ချုပ်ရေးမှူး ဒဏ်ရာပြင်းထန်ရရှိကာ ၁ ဦးသေဆုံး

ဖားကန့်တွင် အရပ်သားကား ၂ စီးကို စစ်ကောင်စီတပ် ပစ်ခတ်သဖြင့် ပြည်သူ ၁ ဦးသေဆုံး

ခင်ဦးတွင် ဒေသခံ ၂ သောင်းကျော်ထွက်ပြေးတိမ်းရှောင်နေရပြီး ဆေးဝါး၊ ဆောင်နှင့် အဝတ်အထည်များလိုအပ်နေ

ဖားကန့်တွင် ၁၀၀၀၀ ကျပ်တန်ငွေစက္ကူအတု ပိုမိုအသုံးပြုလာနေ

လုံးခင်းတွင် ဆိုင်ကယ်စီးနှင်လာသည့် လူငယ်တစ် ဦး သေနတ်ပစ်သတ်ခံရ

ရွှေကူ တစ်ဖက်ကမ်းဘက် စစ်အင်အား ၂၀၀ ကျော်ထပ်မံတိုးချဲ့ပြီး လက်နက်သံများကြားရဟုဆို

ရှေ့တန်း တစ်နေရာတွင် စစ်ကောင်စီတပ်များ မြင်တွေ့ရပုံ

ရွှေကူမြို့၏ အရှေ့ဘက်ခြမ်း ဧရာဝတီမြစ်ကမ်းတစ်ဖက်တွင် စစ်ကောင်စီတပ်များ စစ်အင်အားအများအပြားဖြင့် စစ်ကြောင်းထိုးဝင်ရောက်နေပြီး ယနေ့နံနက်ပိုင်းမှ လက်နက်ကြီးပစ်ခတ်သံများ ကြားနေရကြောင်း ရွှေကူဒေသခံများထံမှသိရသည်။

ရွှေကူနယ် ကျောက်ကြီးနှင့် ပေါက်ကုန်း ကျေးရွာ ၂ခုတွင် နိုဝင်ဘာလ ၅ ရက်နေ့အတွင်းမှ စစ်အင်အား ၂၀၀ ကျော် ရောက်ရှိနေသည့်အပြင် ယနေ့နံနက်ပိုင်းတွင်လည်း ရွှေကူမြို့ဘက်မှ စစ်ကား ၄ စီးဖြင့် စစ်အင်အား ၂၀၀ ထပ်မံဖြည့်တင်းလာပြီး  လက်နက်သံများ ပြန်ကြားရသည်ဟု ရွှေကူမြို့နေ အမျိုးသမီးတစ်ဦးက KNG ကိုပြောသည်။

ကျောက်တစ်လုံးနဲ့ပေါက်ကုန်းကြားမှာ စစ်အင်အား ၂၀၀ လောက်ရှိနေတယ်။ အဲ့ဘက်ကနေ လက်နက်သံတွေကြားရတယ် သူတို့ပဲ ရမ်းပစ်တာလား တိုက်ပွဲပဲ ဖြစ်နေတာလား သေချာမသိဘူး။ အဲ့ဒီဘက်ကို စစ်ကား ၄ စီးပြန်သွားလိုက်ပြီ စစ်အား ၂၀၀ လောက်ရှိတယ်။ စစ်အင်အား ထပ်ဖြည့်ဖို့ဟုတ်တယ်ဟုပြောဆိုသည်။

ယနေ့နံနက်ပိုင်း ၇ နာရီဝန်းကျင်တွင် လက်နက်ကြီးသံ ၁၀ ကြိမ်ထက်မနည်း ပစ်ခတ်သံကြားရပြီး ကျောက်ကြီးကျေးရွာနှင့် ပေါက်ကုန်းကျေးရွာဘက်တွင် ဖုန်းဆက်သွယ်ရေးလိုင်းများ ဖြတ်တောက်ခံထားရသည့်အတွက် ကျေးရွာနေပြည်သူများသည် တိုက်ပွဲဖြစ်ပွားလာမည်ကို စိုးရိမ်နေကြောင်းသိရသည်။

ရွှေကူမြို့နယ်တွင် ယနေ့နံနက်ပိုင်းမှ ဆက်သွယ်ရေး MPT ဖုန်းလိုင်းများကို ဖြတ်တောက်ခံထားရပြီး စစ်ကောင်စီဘက်မှ စစ်ရေးလှုပ်ရှားမှုများပြုလုပ်နေကြောင်း ဒေသခံများပြောဆိုသည်။

ပြီးခဲ့သော နိုဝင်ဘာလ ၅ ရက်နေ့ မှ ၆ ရက်နေ့အထိ ကသာဘက်သို့ ဆင်သွားမည့် စစ်ရိက္ခာသယ် သင်္ဘော ၇ စီး ရွှေကူဆိပ်ကမ်းတွင် ညအိပ်ခဲ့ရာတွင် ရွှေကူမြို့၏ အရှေ့ဘက်ခြမ်း ရေလဲကျေးရွာဘက်သို့ ဦးတည်ကာ လက်နက်ကြီးများ ရမ်းသမ်းပစ်ခတ်မှုကြောင့် ဒေသခံပြည်သူများ၏ ကြက်၊ ဝက်၊ နွားများထိမှန်သေဆုံးမှုရှိခဲ့ကြောင်း သိရသည်။

Read Previous

ဖားကန့်သို့ဝင်မည့် စက်သုံးစီသယ်ကား တစ်စီးကို ကျပ် ၃ သိန်းအထိ စစ်ကောင်စီ ကောက်ခံနေ

Read Next

တနိုင်း လမုန်ကျေးရွာတွင် ပြည်သူ့စစ်ဖြစ် ရပ်တည်နိုင်ရေး ဦးရွှေမင်းအဖွဲ့များ ကြိုးပမ်းနေ