စစ်ကိုင်းတိုင်း
-
Apr- 2024 -23 Aprilသတင်း
ခါမ်းပါတ်နဲ့ ကလေးမြို့မှာလေကြောင်းတိုက်ခိုက်ခံရပြီး အရပ်သား ၃ ယောက်သေဆုံး
စစ်ကိုင်းတိုင်းဒေသကြီး ခါမ်းပါတ်မြို့နယ်နဲ့ကလေးမြို့နယ်တို့မှာ စစ်ကောင်စီတပ်က မနေ့က ဧပြီလ ၂၂ ရက် နေ့ မနက်အစောပိုင်းမှာ လေကြောင်းကနေဗုံးကြဲတိုက်ခိုက်ခဲ့တဲ့အတွက် အရပ်သား ၃ ယောက်သေဆုံးခဲ့ပြီး နောက်ထပ် အရပ်သား ၁၀ ယောက်ထက်မနည်းထိခိုက်ဒဏ်ရာရခဲ့တယ်လို့ ဒေသခံတွေဆီကသိရပါတယ်။ စစ်ကောင်စီတပ်က ကလေးမြို့နဲ့ခါမ်းပါတ်မြို့ နှစ်ခုအစပ်က စောဘွားရေရှင်ဆိုတဲ့ရွာနဲ့…
Read More » -
22 Aprilသတင်း
ကလေးမြို့နယ်မှာ ၂ လအတွင်းအရပ်သား ၈၀ သေဆုံး၊ အမျိုးသမီးအများဆုံးပါဝင်
တိုက်ပွဲပြင်းထန်နေတဲ့ စစ်ကိုင်းတိုင်းဒေသကြီး ကလေးမြို့နယ်မှာ ၂ လကျော်အတွင်း အရပ်သား ၈၀ သေဆုံးခဲ့ပြီး အဲ့ဒီထဲမှာအမျိုးသမီးသေဆုံးမှုကအများဆုံးဖြစ်တယ်လို့ ကလေးမြို့လူထုတိုက်ပွဲ ဦးဆောင်ကော်မတီအဖွဲ့ ဆီက သိရပါတယ်။ ပြီးခဲ့တဲ့ ဖေဖော်ဝါရီလကနေ ဧပြီလပထမအပတ်အထိ စစ်ကောင်စီတပ်ဘက်က လက်နက်ကြီး၊ ဒရုန်းနဲ့ ပစ်ခတ်သတ်ဖြတ်မှုတွေကြောင့် သေဆုံးခဲ့ရတာဖြစ်ပြီး သေဆုံးခဲ့သူတွေထဲအသက်မပြည့်သေးတဲ့ ကလေးငယ်တွေလည်း ပါဝင်တယ်လို့ ကလေးမြို့လူထု တိုက်ပွဲဦးဆောင်ကော်မတီအဖွဲ့က တာဝန်ရှိသူတစ်ယောက်ကပြောပါတယ်။ “အရပ်သားပြည်သူတွေရှောင်တိမ်းရင်းနဲ့ ထိခိုက်သေဆုံးမှုတွေကနေ့စဥ်နဲ့အမျှဖြစ်တယ် လက်နက်ကြီး ကြောင့်ရော စစ်ကောင်စီဘက်က ပစ်ခတ်တဲ့ဒရုန်းကြောင့်ရော ဖမ်းဆီးသွားပြီးသတ်ဖြတ်ခံရတဲ့ အနေ အထားပေါ့နော် အဲ့ဒီထဲမှာ ၆၅ % က အမျိုးသမီး၊ ၁၅ % က အမျိုးသား၊ ကျန်တဲ့ ၂၀ % က လူငယ်နဲ့ ကလေးသူငယ်တွေဖြစ်တယ်” လို့ပြောပါတယ်။ ဒီသေဆုံးမှုတွေဟာ စစ်ကောင်စီဘက်က ပစ်ခတ်တဲ့လက်နက်ကြီး၊ ဒရုန်းတွေနဲ့ ဖမ်းဆီးသတ်ဖြတ်မှုတွေကြောင့် သေဆုံးခဲ့ရတာဖြစ်ပြီး ကလေးမြို့နယ် မြောက်ပိုင်း၊တောင်ပိုင်း နဲ့ ကလေးမြို့ပေါ်က အရပ်သားတွေဖြစ်တယ်လို့ ဆိုပါတယ်။ လက်ရှိမှာတော့ ကလေးမြို့နယ်အတွင်း တိုက်ပွဲတွေဆက်တိုက်ပြင်းထန်နေပြီး စစ်ကောင်စီတပ်ဘက်က ပြည်သူ့စစ်တွေနဲ့ပါပေါင်းပြီး အင်အားအလုံးအရင်းနဲ့စစ်ကြောင်း တွေထိုးနေတယ်လို့ ကလေးမြို့လူထု တိုက်ပွဲဦးဆောင်ကော်မတီအဖွဲ့ဆီကသိရပါတယ်။ “စစ်ကောင်စီဘက်က ကလေးမြောက်ပိုင်းကို နယ်မြေစိုးမိုးမှုရဖို့အတွက်ထိုးစစ်ဆင်နေတဲ့အနေအထား ရှိပါတယ် ပြီးတော့ ကလေးတောင်ပိုင်းမှာလည်း စစ်ကောင်စီရဲ့လက်ပါးစေတွေဖြစ်တဲ့ ပျူစောထီးတွေ နဲ့ ညှပ်ပြီးတော့ အနည်းဆုံးစစ်မျက်နှာ ၄ ခုလောက်ရှိတယ်ဗျ”လို့ ကလေးမြို့လူထု တိုက်ပွဲဦးဆောင်ကော်မတီအဖွဲ့က တာဝန်ရှိသူတစ်ယောက်ကပြောပါတယ်။ တစ်ဖက်မှာ စစ်ကောင်စီတပ်ရဲ့လုပ်ရက်တွေကြောင့် အရပ်သားတွေ နေ့စဥ်သေဆုံးနေရပြီး အဲ့ဒီ ဖြစ်စဥ်တွေကိုလည်း ပြည်တွင်းပြည်ပက အရပ်ဘက်အဖွဲ့အစည်းတွေနဲ့ တာဝန်ရှိသူတွေ ထိရောက်တဲ့ အရေးယူမှုတွေလုပ်ဆောင်ပေးဖို့ ဒေသခံတွေကတောင်းဆိုပါတယ်။ ဒါ့အပြင် တိုက်ပွဲအတွင်း အရပ်သားတွေသေဆုံးမှုတွေကလည်းများပြားသလို အရပ်သားနေအိမ်၊ အဆောက်အဦးတွေနဲ့ ဘာသာရေးအဆောက် အအုံတွေလည်းပျက်စီး ဆုံးရှုံးခဲ့ရတယ်လို့ သိရပါတယ်။ နိုင်ငံတစ်ဝှမ်းမှာလည်း စစ်ကောင်စီတပ်နဲ့ တော်လှန်ရေးအင်အားစုတွေအကြား တိုက်ပွဲအရှိန်တွေက ဆက်တိုက်မြှင့်တက်နေပြီး ပြီးခဲ့တဲ့ ဧပြီလ ၁ ရက်နေ့ကနေ ၁၁ ရက်နေ့အထိကို အမျိုးသမီး ၁၂ ယောက် သတ်ဖြတ်ခံခဲ့ရတယ်လို့ နိုင်ငံရေးအကျဥ်းသားများကူညီစောင့်ရှောက်ရေးအသင်း AAPP က မနေ့ကပဲ သတင်းထုတ်ပြန်ထားပါတယ်။ By – အမိုး
Read More » -
8 Aprilသတင်း
ဟုမ္မလင်းမှာ စစ်တပ်နဲ့ SNA ပူးပေါင်းတပ်စခန်း PDF တိုက်ခိုက်သိမ်းပိုက် အင်အား ၄၀ ကျော်လက်နက်ချ
စစ်ကိုင်းတိုင်းဒေသကြီး ဟုမ္မလင်းမြို့နယ် ကျွန်းကုန်းရွာမှာအထိုင်ချထားတဲ့ စစ်ကောင်စီတပ် နဲ့ ရှမ်းနီိအမျိုးသားများတပ်မတော် SNA ပူးပေါင်းတပ်ရဲ့ရှေ့တန်းခံတပ်စခန်းတစ်ခု ဟုမ္မလင်း PDF မဟာမိတ်ပူးပေါင်းတပ်တိုက်ခိုက်သိမ်းပိုက််ခဲ့ရာ စစ်တပ်ဘက်က အင်အား ၄၀ ကျော်လက်နက်ချအလင်းဝင်လာတယ်လို့ ကာကွယ်ရေးတပ်တွေကပြောပါတယ်။ ဒီစခန်းဟာ ၂၀၂၂ ခုနှစ်ကစလို့ ကျွန်းကုန်းကျေးရွာမှာအထိုင်ချထားတဲ့စခန်းဖြစ်ပြီး ဧပြီလ ၈ ရက်နေ့ မနက် ၂ နာရီဝန်းကျင်အပြီးသတ်တိုက်ခိုက်သိမ်းပိုက်ကာ ရှင်းလင်းရေးဝင်နေပြီဖြစ်တယ်လို့ ဟုမ္မလင်း PDF တာဝန်ခံတစ်ဦးက ခုလိုပြောတယ်။ “သိမ်းတာကတော့ဒီကနေ့မနက် ၂ နာရီမှာသိမ်းလိုက်ပြီ မနက် ၂ နာရီကနေစဝင်တာအခုထိတော့ရှင်းလင်းရေးလုပ်နေတုန်းပဲ သူတို့မိုင်းတွေလည်းအများကြီးထောင်ထားတယ်ရှင်းလင်းနေတုန်း လက်နက်ခဲယမ်းတွေလည်းအများကြီးရတယ် အလင်းဝင်ထားတာတွေလည်းရှိတယ်။ အခုလောလောဆယ်အထိကို အလောင် ၇၀ ကျော်ပြီဗျ ကျန်တဲ့ ၇၀ ကျော်က ထွက်ပြေးသွားတယ် အနောက်ဘက်တောလမ်းဘက်ကိုပြေးသွားတယ်”လို့ ဟုမ္မလင်း PDF တာဝန်ရှိသူ တစ်ဦးကပြောပါတယ်။ ကျွန်းကုန်းစခန်းသိမ်းတိုက်ပွဲထဲမှာ စစ်ကောင်စီစစ်သားနဲ့ SNA စစ်သားစုစုပေါင်း ၄၇ ဦးလက်နက်ချအလင်းဝင်ထားပြီး လက်ရှိအချိန်အထိ သေဆုံးရုပ်အလောင်း ၇၀ ကျော်တွေ့ထားပြီလို့လည်းသူကဆက်ပြောပါတယ်။ ဟုမ္မလင်းPDF မဟာမိတ်ပူးပေါင်းတပ်တွေဟာ ကျွန်းကုန်းကျေးတပ်စခန်းသိမ်းတိုက်ပွဲကို မတ်လ ကုန်ပိုင်းကစပြီး ထိုးစစ်ဆင်ဆင်နွဲလာခဲ့ပေမယ့် တပ်စခန်းတွင်းဘန်ကာတွေအခိုင်အမာတည်ဆောင်ထားသလို မြေအောက်ဥမင်လှိုဏ်ခေါင်းတွေလည်းတူးဖော်ထားတာကြောင့် ၁၀ ရက်ကျော်ကြာတိုက်ခိုက်ပြီးမှသာ စခန်းကိုသိမ်းပိုက်နိုင်ခဲ့တာဖြစ်တယ်လို့သိရပါတယ်။ စခန်းသိမ်းတိုက်ပွဲတွင်း စခန်းဆုတ်ခွာထွက်ပြေးသွားတဲ့ စစ်ကောင်စီစစ်သားတွေနဲ့ SNA စစ်သားတွေကို လမ်းကြောင်းရှင်းပေးဖို့ တံတားဦးလေတပ်ကနေ ဂျက်ဖိုက်တာနှစ်စီးနဲ့ မနက် ၁၀ နာရီ ၁၅ မိနစ်မှာလည်း လေကြောင်းတိုက်ခိုက်မှုတွေပြုလုပ်သွားတယ်လို့ ဟုမ္မလင်း PDF ကနေသိရပါတယ်။ “တစ်ချို့ကထွက်ပြေးသွားတဲ့သူတွေရှိတယ် သူတို့က အဲဒါကိုလမ်းရှင်းပေးတဲ့သဘော တံတားဦးကနေတက်လာတဲ့ဂျက်ဖိုက်တာ ၂စီးနဲ့လာပစ်သွားတယ်။ ထိခိုက်မှုတော့မရှိပါဘူး”လို့ ဟုမ္မလင်း PDF တာဝန်ခံကဆက်ပြောပါတယ်။ ကျွန်းကုန်းစခန်းသိမ်းတိုက်ပွဲဆင်နွဲနေတဲ့ ၁၀ ရက် ကျော်အတွင်း စစ်ကောင်စီတပ်က မနောသာနဲ့ကျွန်းကုန်းအနီးဝန်းကျင်ကို လေကြောင်းတိုက်ခိုက်မှုအကြိမ် ၂၀ ကျော်ပြုလုပ်ခဲ့တာကြောင့် အရပ်သားတစ်ဦး PDF တစ်ဦးသေဆုံးခဲ့တဲ့အပြင် နောက်ထပ်အရပ်သား ၄၀ ကျော် ထိခိိုက််ဒဏ်ရာရှိသွားတယ်လို့သိရပါတယ်။ ဟုမ္မလင်းကာကွယ်ရေးမဟာမိတ်ပူးပေါင်းတပ်တွေတိုက်ခိုက်သိမ်းပိုက်လိုက်တဲ့ SNA နဲ့စစ်ကောင်စီစစ်သားတွေဟာ ကျွန်းကုန်းကျေးရွာထဲမှာ ၂၀၂၂ ခုနှစ် ဧပြီ လန်းပိုင်းကတည်းက တပ်ထိုင်လာတာဖြစ်ပြီး အင်အား ၂၀၀ ကျော်ရှိတဲ့စခန်းလည်းဖြစ်ပါတယ်။ အလားတူ ကျွန်းကုန်းကျေးရွာနဲ့ရွာချင်းဆက်နေတဲ့ မနောသာကျေးရွာနဲ့ အင်ကြင်းမော်ကျေးရွာထဲက စစ်ကောင်စီနှင့် SNA တပ်တွေပူးပေါင်းတပ်ထိုင်တဲ့ တပ်စခန်း ၂ ကို ဟုမ္မလင်းPDF မဟာမိတ်ပူးပေါင်းတပ်တွေဖြစ်တဲ့ အထူးလှုပ်ရှားတပ်ရင်း (၄၊ ၈)၊ မော်လိုက်ခရိုင် တပ်ရင်း–၁၊ ခန္တီးခရိုင် တပ်ရင်း–၁၊ ဖောင်းပြင်မြို့နယ် ပကဖ နှင့် ဟုမ္မလင်းမြို့နယ် ပကဖ ပူးပေါင်းအဖွဲ့တို့ကဧပြီလ ၁ရက်နေ့ မနက်အစောပိုင်းမှာ တိုက်ခိုက်သိမ်းပိုက်နိုင်ခဲ့တာဖြစ်ပါတယ်။ By – Zaw Zaw
Read More » -
5 Aprilသတင်း
ကျွန်းကုန်းရွာမှာပိတ်မိနေတဲ့ SNA နဲ့စစ်သားတွေကို ကယ်ထုတ်ဖို့ စစ်တပ်ဘက်က ၅ ရက်တွင်း လေကြောင်းတိုက်ခိုက်မှု ၁၆ ကြိမ်ရှိ
စစ်ကိုင်းဒေသကြီး ဟုမ္မလင်းမြို့နယ် ကျွန်းကုန်းကျေးရွာထဲမှာပိတ်မိနေတဲ့ SNA စစ်သားတွေနဲ့ စစ်ကောင်စီစစ်သားတွေကို ကယ်ထုတ်ဖို့အတွက် စစ်တပ်ဘက်က ကျွန်းကုန်းအနီးဝန်းကျင်တွေကို ၅ ရက်ဆက်တိုက်ဗုံးကျဲ တိုက်ခိုက်နေတာကြောင့် အရပ်သားထိခိုက်သေဆုံးတာတွေရှိနေတယ်လို့ သိရပါတယ်။ ဧပြီလ ၁ ရက်နေ့ ဟုမ္မလင်း PDF မဟာမိတ်ပူးပေါင်းတွေပိတ်စို့တိုက်ခိုက်မှုကြောင့် လက်ရှိကျွန်းကုန်းကျေးရွာထဲမှာရှမ်းနီအမျိုးသားများတပ်မတော် (SNA) ၇၅၃ တပ်နဲ့ တောင်တွတ်ဘက်ကဆင်းလာတဲ့စစ်ကောင်စီစစ်သားတွေနဲ့ ပျူစောထီးတွေစုစုပေါင်း အင်အား ၂၀၀ ကျော်ပိတ်မိနေတာဖြစ်ပြီး ဒီအဖွဲ့တွေကိုကယ်ထုတ်ဖို့ စစ်တပ်က ကျွန်းကုန်းနဲ့ မနောသာကျေးရွာတွေကို ၅ ရက်ဆက်တိုက်ဗုံးကျဲတိုက်ခိုက်နေတယ်လို့ ဟုမ္မလင်းPDF တာဝန်ရှိသူတစ်ဦးက KNG ကိုပြောပါတယ်။ “ဟုမ္မလင်း ဖောင်းပြင်နယ်စပ်က ဟုမ္မလင်းထဲက ကျွန်းကုန်းကို ၃၀ ရက်နေ့ကစတိုက်ခဲ့တာ အခုဆိုရင် ၇ရက်ရှိနေပြီ အဲ့ထဲမှာရဲဘော် ၅ ယောက်ထိပြီး တစ်ယောက်ကျတယ်။ ပြည်သူခြောက်ယောက်ထိတာတစ်ယောက်သေတယ်ဗျ ဟုမ္မလင်းကတက်တဲ့ MI 2 နဲ့ပစ်တဲ့ဟာက ရဲဘော်လေးယောက်ထိတာ တစ်ယောက်ကျတယ် တံတားဦးကတက်လာတဲ့ဂျက်ဖိုက်တာနဲ့က ပြည်သူခြောက်ယောက်ထိပြီးတစ်ယောက်သေတာ”လို့သူကပြောပါတယ်။ စစ်ကောင်စီတပ်ဟာ ကျွန်းကုန်းထဲပိတ်မိနေတဲ့အဖွဲ့တွေကိုကယ်ထုတ်ဖို့ ဧပြီ ၁ ရက်နေ့က ဂျက်ဖိုက်တာတစ်စီးနဲ့ တစ်ရက်တည်း ၃ ကြိမ်၊ ဧပြီ ၂ ရက်နေ့က ဟုမ္မလင်း လေတပ်က MI 2 နဲ့ ၃ ကြိမ်၊ ဧပြီ ၃ ရက်နေ့ကလည်း တံတားဦးလေတပ်ကနေ ဂျက်ဖိုက်တာ ၂ စီးနဲ့ ၃ ကြိမ်၊ မနေ့က MI 2 နဲ့ ၄ ကြိမ်နှင့် ဒီကနေ့ ၁၂ နာရီ အချိန် မွာ MI 2 နဲ့နှစ်ကြိမ် ဂျက်ဖိုက်တာနဲ့တစ်ကြိမ်တိုက်ခိုက်ခဲ့ပြီး စုစုပေါင်း ၅ ရက်အတွင်း လေကြောင်းတိုက်ခိုက်မှု ၁၆ ကြိမ်အထိပြုလုပ်ခဲ့တယ်လို့သိရပါတယ်။ အဲ့ဒီလေကြောင်းတိုက်ခိုက်မှုကြောင့် ဟုမ္မလင်းPDF ထဲက ရဲဘော်တစ်ဦးနှင့် ကျွန်းကုန်းကျေးရွာထဲ အသက် ၁၈ နှစ်အရွယ်ကောင်လေးတစ်ယောက်လည်းသေဆုံးခဲ့တဲ့ အပြင်နေအိမ်တွေလည်းထိခိုက်ပျက်စီးတာတွေရှိသွားတယ်လို့ အထက်မှာဖော်ပြခဲ့တဲ့ တာဝန်ရှိသူ ကဆက်ပြောပါတယ်။ “အဓိကတိုက်ခိုက်တာတော့မနောသာနဲ့ကျွန်းကုန်းများတယ်ဗျ ရွာချင်းဆက်ထားတာဆိုတော့ သူတို့အများဆုံးပစ်တာကရွာထဲတွေပဲဗျနေအိမ်တွေဘာတွေထိခိုက်ပျက်စီးမှုကတော့ ကျွန်တော်တို့စာရင်းအတိအကျမရသေးဘူးဗျ ခြေမှုန်းရေးဝင်နေတုန်းဆိုတော့ မြေပြင်သတင်းယူလို့မရသေးဘူးဗျ အိမ်တွေပျက်စီးမှုကတော့ရှိတယ်ဗျ မနည်းဘူး မီးလောင်တာမျိုးတော့မရှိသေးဘူး”လို့သူကဆက်ပြောပါတယ်။ ကျွန်းကုန်းကျေးရွာကိုပိတ်စို့တိုက်ခိုက်နေတဲ့ အဖွဲ့တွေဟာ ခန္တီးခရိုင် တပ်ရင်း ၁၊တပ်ရင်း ၂၊ တပ်ရင်း ၃၊ ဖောင်းပြင်ခရိုင်တပ်ရင်း ၁ အပြင်အခြား ဟုမ္မလင်း အခြားPDF တွေလည်းပါဝင်ပြီး ဧပြီ ၁ရက်နေ့ကလည်းSNAနဲ့ စစ်ကောင်စီစစ်သားတွေတပ်ထိုင်ထားတဲ့ မနောသာကျေးရွာနဲ့ အင်ကြင်းမော်ရွာတို့ကို သိမ်းပိုက်ထိန်းချုပ်လိုက်နိုင်တယ်လို့သိရပါတယ်။ စစ်ကောင်စီတပ်က ကျွန်းကုန်းလက်မလွတ်ရေး လေကြောင်းနဲ့တိုက်ခိုက်နေတဲ့အပြင် ကုန်းကြောင်းနေကလည်း ဟုမ္မလင်း၊ ကသာ စတဲ့မြို့နယ်တွေဘက်ကနေစစ်သားအင်အား အများအပြားနဲ့စစ်ကူတွေပို့နေတယ်လို့သိပါတယ်။ ဟုမ္မလင်းမြို့နယ်ထဲမှာ PDF မဟာမိတ်ပူးပေါင်းတပ်တွေက မြို့သိမ်းတိုက်ပွဲနှင့်စခန်းသိမ်းတိုက်ပဲတွေကို ၂၀၂၃ ခုနှစ် ကတည်းက ဆင်နွဲခဲ့တာဖြစ်ပြီး လက်ရှိ ရွှေပြည်အေးမြို့၊လွှစင်ကုန်းရွာတွေကိုထိန်းချုပ်ထားတဲ့အပြင် စစ်ကောင်စီတပ်နဲ့ SNA တပ်စခန်းအများအပြားကိုလည်းသိမ်းပိုက်ရရှိထားပြီလို့သိရပါတယ်။ By – Zaw Zaw
Read More » -
3 Aprilသတင်း
နာဂလက်နက်ကိုင် ENDA ဗိုလ်မှူးတစ်ဦး သတ်ဖြတ်ခံရ
စစ်ကိုင်းတိုင်းဒေသကြီး နာဂကိုယ်အုပ်ချုပ်ခွင့်ရဒေသထဲက နာဂလက်နက်ကိုင်အဖွဲ့တစ်ခုဖြစ်တဲ့ Eastern Naga Defense Army (ENDA )အဖွဲ့ထဲက ဗိုလ်မှူးတစ်ဦးခရီးသွားရင်းလုပ်ကြံသတ်ဖြတ်ခံလိုက်ရတယ်လို့ ENDA နဲ့နီးစပ်သူတွေဆီကနေ သိရပါတယ်။ ဧပြီ ၂ ရက် မနေ့ မွန်းလွဲပိုင်းမှာ လဟယ်နဲ့ခန္တီးကြား လဟယ်မြို့နယ်ထဲက…
Read More » -
Mar- 2024 -19 Marchသတင်း
မော်လူးမြို့မှာ ဒေသခံတွေရဲ့သစ်ကားဖမ်းတဲ့ကိစ္စဖြေရှင်းနေဆဲလို့ဆို အုပ်ချုပ်ရေးအဖွဲ့ဆို
စစ်ကိုင်းတိုင်းဒေသကြီး အင်းတော်မြို့နယ် မော်လူးမြို့မှာ သစ်ကားတွေကိစ္စ အမျိုးသားညီညွတ်ရေးအစိုးရ NUG လက်အောက်ခံ မော်လူးမြို့အုပ်ချုပ်ရေး တာဝန်ရှိသူတွေကို အရပ်သားတွေ ဆန္ဒထုတ်ဖော်ခဲ့ကြတဲ့အထိ ဖြစ်ခဲ့တဲ့ သစ်ကိစ္စနဲ့ပတ်သက်ပြီး ဖြေရှင်းနေဆဲ ဖြစ်တယ်လို့သိရပါတယ်။ ပြည်သူ့အုပ်ချုပ်ရေးစနစ်နဲ့အုပ်ချုပ်နေတဲ့ မော်လူးမြို့မှာ မော်လူးတိုက်နယ် ပြည်သူ့ကာကွယ်ရေး တပ်ဖွဲ့(ပကဖ)တာဝန်ခံလည်းဖြစ်…
Read More » -
Jan- 2024 -16 Januaryသတင်း
အင်းတော်မှာ စစ်ရေးလှုပ်ရှားမှုကြောင့် ကျေးရွာ ၅ ခုက ဒေသခံပြည်သူတွေ ထွက်ပြေးတိမ်းရှောင်နေရ
စစ်ကိုင်းတိုင်းဒေသကြီး အင်းတော်မြို့နယ် တောင်ပိုင်းမှာ စစ်ကောင်စီစစ်ကြောင်းတစ်ကြောင်း စစ်ရေးလှုပ်ရှားနေတာကြောင့် ကျေးရွာအချို့ထွက်ပြေးတိမ်းရှောင်နေရတယ်လို့သိရပါတယ်။ ဇန်နဝါရီလ ၁၃ ရက်နေ့ အင်းတော်ကထွက်လာတဲ့ တပ်မ ၇၇ နှင့် တပ်မ ၈၈ ပူးပေါင်းထားတဲ့ အင်အား ၆၀ ခန့်ရှိတဲ့ စစ်ကြောင်းဟာ အင်းတော်တောင်ဘက် နန့်ကင်ရွာ၊ နားခါရွာ၊ကျော်ရွာ၊ မိုးယိုရွာစတဲ့ကျေးရွာ တွေဘက်ကို ဝင်ရောက်နေတာကြောင့် ကျေးရွာနေပြည်သူတွေထွက်ပြေးတိမ်းရှောင်နေရတယ်လို့ အင်းတော်မြို့နေအသက် ၅၀ ကျော် အမျိုးသားတစ်ဦးက KNG ကိုပြောပါတယ်။ “ပြီးခဲ့တဲ့သုံးရက်လောက်ကနေထွက်လာကြတာပဲ မနေ့ညကတော့နန့်ကင်ရွာမှာအိပ်တယ်အခုလည်း ရှိနေတုန်းဟိုနေ့ကတော့ ကျော်ရွာဘက်ကိုသွားတယ်အဲ့လိုပဲ ဟိုဘက်က မိုးညှင်း ဘက်ကိုလည်းသွားတယ် အဲ့လိုပဲ အင်းတော်မြို့ကို ပတ်ခြာလည်လှည့်ပြီးသွားနေတာ ဒီကောင်တွေက”လို့ အထက်ပါအမျိုးသားကပြောပါတယ်။ အဲ့ဒီစစ်ကြောင်းဟာ မနေ့ညကတည်းက နန့်ကင်ရွာမှာတပ်စွဲနေသလို ဇန်နဝါရီလ ၁၄ ရက်နေ့က နားခါရွာ၊ ဇန်နဝါရီ ၁၃ရက်နေ့က နားနောင်ရွာ၊ ကျော်ရွာဘက်ကို ဝင်ရောက်ခဲ့ပြီး စစ်ကြောင်းဝင်ရောက်နေတာကြောင့်အရပ်သားတွေက ထွက်ပြေးတိမ်းရှောင်နေကတယ်လို့သိရပါတယ်။ “သူတို့လာတဲ့သတင်းကြားတာနဲ့ရွာသားတွေက ရွာထဲမနေရဲတော့ဘူးတောတောင်တွေထဲ ပြေးနေရတာ သူတို့ပြန်သွားရင်တော့ပြန်ဝင်ကြတယ် အရင်လို အိမ်တွေဖျက်ဆီးတာတို့မီးရှို့တာတို့တော့မရှိတော့ဘူးတာပေမယ့်စစ်ကြောင်းနဲ့မတိုးမိအောင်တော့ပြေးနေကြရတယ်”အင်းတော်မြို့နယ် အောင်ကုန်းရွာက စစ်ဘေးရှောင်အမျိုးသားတစ်ဦးကပြောပါတယ်။ အဲ့ဒီစစ်ကောင်စီစစ်ကြောင်းတွေက ဇန်နဝါရီ ၁၄ ရက်နေ့က နားခါကျေးရွာထဲဝင်ရောက်ချိန် အမျိုးသားနှစ်ဦး စစ်ကြောင်းနဲ့တိုးတာကြောင့် ဖမ်းဆီးခံလိုက်ရပြီး အလားတူဖြစ်စဥ်မျိုးဖြစ်လာမှာကို စိုးရိမ်တာကြောင့်လက်ရှိ ကျော်ရွာ၊ မိုးယိုရွာ၊ နားခါရွာ၊ နားနောင်ရွာ၊ နန့်ကင်ရွာစတဲ့ကျေးရွာ နေပြည်သူတွေတိမ်းရှောင်နေရတယ်လို့သိရပါတယ်။ လက်ရှိ စစ်ကြောင်းဝင်ရောက်မှုကြောင့် တိမ်းရှောင်နေရတဲ့ကျေးရွာတွေက အင်းတော်မြို့နဲ့ ၂ မိုင်ကျော်အကွာမှာရှိတဲ့ကျေးရွာတွေဖြစ်ပြီး အဲ့ဒီကျေးရွာတွေဘက်ကို ၂၀၂၃ ခုနှစ် နိုဝင်ဘာလ တုန်းကလည်းစစ်ကြောင်းတွေဝင်ရောက်ခဲ့ဖူးတယ်လို့သိရပါတယ်။ အင်းတော်မြို့နယ်မှာတော့လက်ရှိစစ်ကောင်စစီစစ်သားတွေဟာ အင်းတော်မြို့တွင်းအထိုင်တပ်မှာတစ်နေရာ၊ အင်းတော်အထွက်နဘားလမ်းဆုံဂိတ်မှာတစ်နေရာနဲ့လက်ရှိစစ်ကြောင်းထိုးနေတဲ့စစ်ကြောင်း တစ်ကြောင်းသာကျန်ရှိတော့တယ်လို့ ဒေသခံတွေကဆိုပါတယ်။ By – Zaw…
Read More » -
10 Januaryသတင်း
နာဂဒေသ အခြေခံစားသောက်ကုန်ဈေးအဆမတန်မြင့်တက်
စစ်ကိုင်းတိုင်း နာဂဒေသမှာရှိတဲ့ မြို့နယ်တွေမှာ အခြေခံစားသောက်ကုန်များဈေးမြင့်တက်နေပြီးအသားငါး ပြတ်လပ်တာတွေထိရှိနေတယ်လို့ ဒေသခံတွေက ပြောပါတယ်။ မုံရွာ–ဟုမ္မလင်း ချင်းတွင်းမြစ်ရေကြောင်းလမ်းကို ပြီးခဲ့တဲ့ နိုဝင်ဘာလကတည်းက စစ်တပ်က သွားလာခွင့်ပိတ်ထားတာကြောင့် ကုန်ဈေးနှုန်းမြင့်တက်လာတာဖြစ်တယ်လို့ ခန္တီးဒေသခံတစ်ဦးကပြောပါတယ်။ “အသားငါးက တစ်ပိဿာ ၄သောင်းကျော်နေတယ်။ ကြက်က CP…
Read More » -
Dec- 2023 -28 Decemberသတင်း
ကောလင်းမှာ လက်နက်ကြီးပစ်ခတ်ခံရလို့ ကလေးငယ် ၂ ယောက်အပါအဝင် ၃ ယောက်သေဆုံး
စစ်ကိုင်းတိုင်း ကောလင်းမြို့နယ်မှာ ဒီကနေ့ ဒီဇင်ဘာလ ၂၈ ရက်နေ့ မနက်ပိုင်းက ဝန်းသိုမြို့နယ်က စစ်ကောင်စီတပ်ကနေ လက်နက်ကြီးတွေနဲ့ ပစ်ခတ်တိုက်ခိုက်ခဲ့လို့ ကလေးငယ် ၂ ယောက်အပါအဝင် အရပ်သား ၃ ယောက်သေဆုံးခဲ့ရတယ်လို့ ကောလင်းပြည်သူမှပြည်သူသို့ အဖွဲ့ဆီကနေသိရပါတယ်။ စစ်ကောင်စီတပ်ဟာ …
Read More » -
28 Decemberသတင်း
ဟုမ္မလင်းမှာ စစ်တပ်က ၄ ရက်ဆက်တိုက်ဗုံးကျဲတိုက်ခိုက်မှုကြောင့် အရပ်သားပြည်သူ၂ ဦးသေဆုံး
စစ်ကိုင်းတိုင်းဒေသကြီး ဟုမ္မလင်းမြို့နယ် နောင်ပိုအောင်ကျေးရွာဘက်မှာ စစ်ကောင်စီတပ်က ၄ ရက်ဆက်တိုက်ဗုံးကျဲတိုက်ခိုက်ခဲ့တာကြောင့် အရပ်သား ၂ဦးသေဆုံးပြီး လူနေအိမ်တွေလည်းထိခိုက်ပျက်စီးသွားတယ်လို့ ဒေသခံတွေဆီကနေ သိရပါတယ်။ ဟုမ္မလင်းနယ် မုံရွာ–ဟုမ္မလင်းကားလမ်းပိုင်းက နောင်ပိုအောင်ကျေးရွာဘက်မှာရှိတဲ့ အိုက်ခွဲကျေးရွာ ၊ပင်ခုတ်ကျေးရွာ ၊နောင်ဖာမူကျေးရွာနဲ့ နတ်နန်းကျေးရွာလေးရွာကို စစ်ကောင်စီတပ်က ဒီဇင်ဘာလ…
Read More »
