,

Breaking News :

စစ်တပ်ကိုဆန့်ကျင်သော ဆရာမ ဒေါ်လငန်လွမ်းနော အကျဉ်းထောင်မှ ပြန်လည်လွတ်မြောက်လာ

ဖားကန့်လမ်း အာဏာသိမ်းတပ် စစ်ကြောင်းကို KIA မိုင်းဖြင့် စောင့်ကြို တိုက်ခိုက်

သေနတ်ဖြင့် ပစ်ခံရသည့် မိုးမောက်မြို့နယ်အုပ်ချုပ်ရေးမှူးသေဆုံး

နမ္မတီး ဆီးဒင်ယန် စစ်တပ်စခန်းကို KIA တိုက်ခိုက်

ကချင်နှင့် စစ်ကိုင်းနယ်စပ်တွင် စစ်ကောင်စီယာဉ်တန်း တိုက်ခိုက်ခံရပြီး ထိခိုက် သေဆုံးမှု များပြား

ဝိုင်းမော် ခလရ ၅၈ တပ်ရင်းပစ်ခတ်ခံရမှု စစ်ကောင်စီဘက် ထိခိုက်သေဆုံးမှုရှိ

ဖျားနာမှုများလာသည့် ဗန်းမော်စစ်ရှောင်စခန်းကို Lock Down ချမှတ်

မိုင်ဂျာယန် ကိုဗစ်-၁၉ ကူးစက်ရောဂါအခြေအနေနှင့်ပတ်သက်ပြီး KIO တာဝန်ရှိသူဖြင့် မေးမြန်းခြင်း

ခေါင်လန်ဖူး တရုတ်နယ်စပ် ကျေးရွာတွင် ကိုဗစ်လက္ခာဖြင့် သေဆုံးသူများရှိနေ

လိုင်ဇာရှိ ပြည်သူများကို ကိုဗစ်-၁၉ ပိုးရှိ မရှိ စစ်ဆေးသွားမည်

မြစ်ဆုံစီမံကိန်း ဖျက်သိမ်းပေးရန် တရုတ်သမ္မတကို ကချင်အဖွဲ့စည်းများ တောင်းဆို

မြန်မာနိုင်ငံသို့ လာရောက်မည့် တရုတ်ပြည်သူ့သမ္မတနိုင်ငံ သမ္မတ ရှီကျင့်ဖိန်အား ဧရာဝတီမြစ်ဆုံစီမံကိန်း အပြီးတိုင်ရပ်ဆဲပေးရန်နှင့် အခြားအချက် (၉)ချက်ပါ အိတ်ဖွင့်ပေးစာကို ကချင်အဖွဲ့အစည်း (၅၀)ကျော်မှ တောင်းဆိုလိုက်ပါသည်။

သမ္မတ ရှီကျင့်ဖိန်သည် ဇန်နဝါရီ ၁၇-၁၈ ရက်များအတွင်း မြန်မာ-တရုတ် နှစ်နိုင်ငံကြား သံတမန်ရေးရာ အနှစ် (၇၀)ပြည့် ခရီးစဉ်အဖြစ် မြန်မာနိုင်ငံသို့ လာရောက်မည်ဖြစ်ပြီး ယခုခရီးစဉ်သည် ဆယ်စုနှစ် နှစ်ခုအတွင်း တရုတ်နိုင်ငံသမ္မတတစ်ဦးမှ မြန်မာပြည်ကို လာရောက်ခြင်းလည်း ဖြစ်ပါသည်။

အိပ်ဖွင့်စာတွင် တရုတ်နိုင်ငံဖြင့် နယ်နမိတ်ချင်းထိစပ်နေသည့် ကချင်ပြည်နယ်မှ တရုတ်၏ ရင်းနှီးမြုပ်နှံမှုများအကြောင်းကို အဓိကထား တောင်းဆိုထားကြောင်း ကချင်အရပ်ဖက်အဖွဲ့အစည်းများမှ ဦး Tsaji ပြောပါသည်။

“ကျနော်တို့ ပြည်နယ်မှာ ပဠိပက္ခဖြစ်နေတာတွေကိုလည်း သိမြင်ပြီး မြန်မာ-တရုတ် နှစ်နိုင်ငံကြားစီးပွားရေး လမ်းကြောင်းတွေ မြန်မာနိုင်ငံအတွင်း ရင်းနှီးမြုပ်နှံထားမှုတွေကို တရားမျှတစွာ လုပ်ဆောင်ပေးဖို့ ရည်ရယ်ပြီး သူတို့ တရုတ်နိုင်ငံအတွင်း လုပ်ဆောင်နေတဲ့ တရားလမ်းတွေနဲ့အညီ ကျနော်တို့မှာလည်း ဖြည့်ဆည်းပေးပါ။ မလုပ်မနေရ လုပ်နေရတဲ့ ဖွံ့ဖြိုးတိုးတတ်ရေး လုပ်ဆောင်တဲ့အခါ ဒီအချက်တွေကို လိုက်နာပေးစေလိုတဲ့အတွက် ဒီစာကို ရေးရတာပါ” ဟု သူက ဆိုသည်။

တောင်းဆိုချက်များတွင် ‘တရုတ်နိုင်ငံအနေဖြင့် မြန်မာပြည်အတွင်း အကောင်ထည်ဖော်နေသည့် စီမံကိန်းများနှင့် ပတ်သက်ပြီး ရင်းနှီးမြုပ်နှံမှုဆိုင်ရာ နိုင်ငံတကာစံနှုန်းလေးစားရန်၊ ဒေသခံဌာနေပြည်သများ၏ သမိုင်းဝင် ထုံးတမ်းများ တန်ဖိုးထားရန်၊ စီမံကိန်းမစခင် ဒေသခံများနှင့် ညှိနှိုင်းဆွေးနွေးရန်’ စသည်တို့ ပါဝင်ပါသည်။

ထို့အပြင် ကချင်လို Mali-N’mai Zup ခေါ် မြစ်ဆုံရေကာစီမံကိန်းကြီးကိုလည်း အပြီးတိုင်ဖျက်သိမ်းပေးရန် တောင်းဆိုထားသည်ကို တွေ့ရပါသည်။

ကချင်ပြည်နယ်တွင် တရုတ်အစိုးရ၏ ရင်းနှီးမြုပ်နှံမှုများစွာရှိနေပြီး ၎င်းတို့မှာ ရပ်စဲထားသည့် မြစ်ဆုံစီမံကိန်း၊ Kambaiti (ကန်ပိုင်တီ)နယ်စပ်ကုန်သွယ်ရေးဇုန်၊မြစ်ကြီးနားစီးပွားရေးဇုန် နှင့် တရုတ်လုပ်ငန်းရှင် လာရောက်မြုပ်နှံသည့် တစ်သျှူးငှက်ပျော၊ ကြံစိုက်ပျိုးမှု နှင့် မြေရှားသတ္တု တို့ဖြစ်ပါသည်။

အိတ်ဖွင့်စာ မိတ္တူများကို နိုင်ငံတော်သမ္မတရုံး၊ နိုင်ငံတော်အတိုင်ပင်ခံရုံး၊ ကချင်ပြည်နယ်အစိုးရအဖွဲ့ရုံး နှင့် တရုတ်သံရုံး ထံသို့ လည်း ပေးပို့ထားကြောင်း သိရပါသည်။

Read Previous

ဖျက်သိမ်းလိုက်သော ကချင်ပြည်နယ်နေ့ မနောပွဲ အစား ဖေဖော်ဝါရီလတွင် ရိုးရာမနောပွဲ ပြန်လည် ပြုလုပ်မည်

Read Next

တရုတ်သမ္မတရောက်လာစဉ် မြန်မာအစိုးရတပ်မှ ကိုးကန့်စခန်းကို တိုက်ခိုက်

Leave a Reply

Your email address will not be published. Required fields are marked *