,

Breaking News :

နန်းမားကျေးရွာတွင် ဒုရဲအုပ် ၂ ဦးကို PDF နှင့် ဆက်သွယ်သည်ဟုစွပ်စွဲကာ ဖမ်းဆီးတရားစွဲဆို

ကျောက်စိမ်း တူးဖော်မှုကြောင့် အင်းတော်ကြီး – ဖားကန့်လမ်းပိုင်း ပျက်စီးလာမည်ကို ဒေသခံများ စိုးရိမ်

ပူတာအိုတွင် ဝက်နာကြောင့် ဒေသဝက်သားများ ဝယ်မရသည့်အထိ ရှားပါးနေ

ထီးချိုင့်မြို့နယ်တွင် စစ်ကောင်စီတပ် ကျေးရွာများကို မီးရှို့ဖျက်ဆီးနေဆဲ

မှော်စီဆာ စစ်ရှောင်စခန်း လူနေအိမ်အချို့ ကို စစ်ကောင်စီ ဝင်စီး အရပ်သား ၂ ဦး ဖမ်းခံရ

Rev. Dr. Hkalam Samson ကို စစ်တပ်က တရားစွဲဆိုရန်ရှိကြောင်း KBC ထုတ်ပြန်

ဒီပဲယင်းမြို့နယ်တွင် ကျေးရွာ ၁၂ ရွာခန့် မီးရှို့ဖျက်ဆီးခံရပြီး ဒေသခံ ၁ သောင်းကျော်အတွက် အကူအညီလိုအပ်နေ

ဖားကန့် Maden Yang တိုက်ပွဲတွင် စစ်တပ်ဘက်မှ ထိခိုက်မှုနှင့် သေဆုံးမှု ၅၀ ဦး ထက်မနည်းရှိ

ရွှေကူ ဘုမ္မိဇေယျရွှေပေါ်ကျွန်းဘုရားအနီး ရွှေတူးဖော်သည့် စက်လှေများ ထပ်မံရောက်ရှိ

စစ်ကောင်စီ ဝင်ရောက်စီးနင်းထားသည့် မှော်ဘုံတွင် ရွာသားအချို့ပိတ်ဆို့ခံထားရ

လူမျိုးသုန်းသတ်ဖြတ်မှုကာကွယ်ရေး ကြားဖြတ်စီမံချက် ၄ ချက် ICJ ချမှတ်

The Hague အပြည်ပြည်ဆိုင်ရာ တရားရုံးရှေ့

မြန်မာပြည်တွင် လူမျိုးသုန်းသတ်ဖြတ်မှုကြောင့် ရိုဟင်ဂျာများကို ကာကွယ်သင့်ကြောင့် အပြည်ပြည်ဆိုင်ရာတရားရုံး ICJ ကြားဖြတ်အစီမံ ၄ ချက်ကို ယနေ့ ချမှတ်ခဲ့သည်။

လွန်ခဲ့သည့်ဒီဇင်ဘာလ ကြားနားမှုတွင် ဂမ်ဘီယာနိုင်ငံမှ တင်သွင်းသည့် အချက် ၆ ချက် ရှိသည့်အနက် ICJ တရားသူကြီးများမှ အချက် ၄ ချက်ကို ချမှတ်ခဲ့ခြင်း ဖြစ်သည်။

၎င်းတို့မှာ (၁) ရိုဟင်ဂျာများအပေါ် လူမျိုးတုံးသတ်ဖြတ်မှုဖြစ်စေသည့် လုပ်ဆောင်မှုများအားလုံးကို မြန်မာ အစိုးရမှ ရပ်တန့်အောင် ဆောင်ရွက်ရန်၊ (၂) မြန်မာစစ်တပ်၊ ပြည်သူ့စစ်နှင့် အခြား လက်နက်ကိုင်တပ်ဖွဲ့များ လူမျိုးသုန်းသတ်ဖြတ်မှု မကျူးလွန်စေရန် ဟန့်တားရန်၊ (၃) ဂျီနိုဆိုက်သက်သေအထောက်အထားများကို ဖျက်ဆီးမှုတွေမရှိစေရေး မြန်မာအစိုးရမှ ဆောင်ရွက်ရန်၊ (၄) ယနေ့ အမိန့်ချမှတ်သည်မှစ၍ ၄ လအတွင်း အစီရင်ခံစာတင်ပြရန်နှင့် နောက်ဆုံးအပြီးသတ်အမိန့်မချမှတ်မှီ ၆ လတစ်ကြိမ် အစီရင်ခံစာ တင်သွင်းရန် တို့ဖြစ်ကြောင်း သိရသည်။

မြန်မာအစိုးရဘက်မှ တောင်းဆိုခဲ့သော (၁) ဂမ်ဘီယာနိုင်ငံ၏ တရားစွဲဆိုထားသော အမှုကို လုံးဝပယ်ဖျက်ရန်၊ (၂) အမှုကို မပယ်ဖျက်ပေးနိုင်လျှင် ဂမ်ဘီယာ၏ ကြားဖြတ်စီမံချက်တောင်းဆိုမှုကို အမိန့်ထုတ်ပေးခြင်းမပြုရန် စသည့် ၂ ချက်ကို ICJ ဘက်မှ ပယ်ချခဲ့သည်။

မြန်မာအစိုးရစစ်တပ်သည် လူမျိုးသုန်းသတ်ဖြတ်မှုသဘောတူညီမှုကို ကျူးလွန်နေသည်ဟုဆိုကာ ဂမ်ဘီယာနိုင်ငံမှ မြန်မာပြည်ကို လွန်ခဲ့သည့်နှစ်က နိုဝင်ဘာလတွင် တရားစွဲဆိုခဲ့ပြီး ICJ တရားရုံး၏ ပထမ ကြားနာမှုကို ဒီဇင်ဘာ လတွင် ပြုလုပ်ခဲ့သည်။

မြန်မာနိုင်ငံတွင် နိုင်ငံရေးယုံကြည်ချက်၊ ဘာသာရေးယုံကြည်ချက်နှင့် လူမျိုးရေးဖြစ်တည်မှု၊ ကွဲပြားမှုများကို နိုင်ငံရေး၊စစ်ရေး၊လူမှုရေးအရ အနိုင်အထက် အကြမ်းဖက်ကျူးလွန်မှုများရှိနေဆဲဖြစ်သောကြောင့် အမှန်တရားနှင့်တရားမျှတမှုအတွက် ရပ်တည်သွားမည့်အကြောင်း အရပ်ဖက်အဖွဲ့အစည်းများလည်း ဇန်နဝါရီ ၂၂ ရက်နေ့ ထုတ်ပြန်ထားပါသည်။

 

Read Previous

အေးမြသာယာ ဈေးသစ်ကြီးမဖွင့်မှီ ပျံကျဈေးနေရာများအရင် စီစဉ်မည်

Read Next

‘မျိုးဆက်သစ်မြန်မာ သုတေသန အစီရင်ခံစာ’ မြစ်ကြီးနားတွင် မိတ်ဆက်