,

Breaking News :

ဖားကန့်သပိတ်စစ်ကြောင်း ပထမဆုံးအကြိမ် ဖြိုခွင်းခံရ

ဗန်းမော်ရှိ ဌာနဆိုင်ရာဝန်ထမ်းအများစု CDM တွင်ပါဝင်လာ

ဝန်ကြီး ဦးဒရှီလဆိုင်းကို ပုဒ်မ ၅၀၅ (ခ) ဖြင့် တရားစွဲဆိုထားမှုကို ပထမအကြိမ် ရုံးထုတ်

လီဆူအနုပညာရှင်တစ်ဦးကို စစ်တပ်က ညအချိန် ဖမ်းဆီး

လူစုလူဝေး ခွင့်မပြုသော်လည်း ဝိုင်မော်တွင် စစ်အာဏာရှင်ကို ပြည်သူများက ကန့်ကွက်ဆန္ဒဖော်ထုတ်

စစ်ကောင်စီ၏ ကချင်ပြည်နယ် စေ့စပ်ညှိနှိုင်းရေးကော်မတီကို ပြည်သူများ မလိုလား

ဝိုင်းမော်တွင် ဖမ်းဆီးခံရသော ကျောင်းဆရာမနှင့် အရပ်သားတစ်ဦးကို မြစ်ကြီးနားအကျဉ်းထောင်သို့ ပို့

ဖားကန့် CDM တွင်ပါဝင်နေသူများ ဆက်သွယ်လာပါက ကူညီရန်အသင့်ရှိဟုဆို ကူညီရေးအဖွဲ့ပြော

ပူတာအိုမှ ဖမ်းဆီးခံလူငယ် ၅ ဦးလွတ်မြောက်ရန် အာဏာသိမ်းစစ်ကောင်စီ ညှိနှိုင်းရေးအဖွဲ့က ဆောင်ရွက်နေဟုဆို

စစ်တပ်ဖွဲ့စည်းပေးသည့် UEC ခေါ်ယူသော အစည်းအဝေးသို့ ကချင်နိုင်ငံရေးပါတီအချို့တက်ရန် ဆုံးဖြတ်

အပြင်ထွက်ခွင့်တားမြစ်ခံရခြင်းကြောင့် လီဒိုလမ်း စစ်ရှောင်များအခက်တွေ့

လီဒိုလမ်းမပေါ်ရှိ စစ်ရှောင်စခန်းတစ်ခု

ကချင်ပြည်နယ် ဟူးကောင့်ချိုင့်ဝှမ်းဒေသ လီဒိုလမ်းမပေါ်ရှိ စစ်ရှောင်စခန်းများတွင် Covid-19 ကြောင့် စားနပ်ရိက္ခာခက်ခဲလာနေကြောင်း စခန်းတာဝန်ခံများမှ သိရသည်။

အောင်ရာကျေးရွာနှင့် ရှဒူးဇွပ်ကျေးရွာရှိ စစ်ရှောင်ပြည်သူများကို လာရောက်ထောက်ပံ့သည့် အဖွဲ့အစည်းမရှိတော့သည့်အပြင် စခန်းအပြင်ထွက် ရှာဖွေစားသောက်ရန်လည်း အဝင်အထွက်တင်းကြပ်လိုက်သဖြင့် ယခုလို ခက်ခဲလာရခြင်း ဖြစ်သည်ဟု ရှဒူးဇွပ်ကျေးရွာ စစ်ရှောင်တာဝန်ခံ Sara Htoi Aung ပြောသည်။

“အခုချိန်မှာ စစ်ရှောင်တွေက အစားအသောက်အရမ်းခက်ခဲလာတယ်။ လိုအပ်နေတာကလည်း အခြေခံအစားအစာတွေဖြစ်တဲ့ ဆန်၊ ဆီ၊ ဆားတွေပေါ့။ ကိုဗစ်-၁၉ ဖြစ်ပွားနေတဲ့အချိန်ဖြစ်တဲ့အတွက် ပိုဆိုးသွားတာပေါ့။ အပြင်ထွက်လို့မရသလို နေ့စားသွားပြီး အလုပ်လုပ်လို့လည်း မရတော့ဘူး။ နေ့စားခေါ်လုပ်မယ့် သူတွေလည်း မရှိတော့ဘူး။ အရင်တုန်းကတော့ နေ့ထွက်အလုပ်လုပ်ရတော့ ထောက်ပံ့တဲ့ အဖွဲ့အစည်းတွေမလာရင်လည်း သိပ်ခက်ခဲမှုမရှိဘူး။ အခုက အပြင်ကို တစ်ညထွက် အိပ်တာနဲ့တင် စခန်းကိုဝင်လို့မရတော့ဘူး။ အဲ့တော့ အခက်အခဲတွေ ပိုများလာတော့ပါ” ဟု ပြောသည်။

စစ်ရှောင်စခန်းတည်ရှိသည့် ကျေးရွာ ၂ခုမှာ ဝါရာဇွပ်ကျေးရွာအုပ်စုအောက်တွင်ရှိပြီး ပုံမှန်အားဖြင့် စခန်းအပြင်ထွက် အလုပ်လုပ်ကိုင် စားသောက်နေသူများကြောင်း သိရသည်။

၎င်းကျေးရွာများအနီးတစ်ဝိုက်တွင် လူပေါင်းစုံသွားလာနေထိုင်သော ရွှေမှော်များ ရှိနေသည်ဟုလည်း သိရသည်။

မြို့ဖြင့်ဝေးသည့် စစ်ရှောင်စခန်းဖြစ်သောကြောင့် ဝယ်ယူထားသည့် အဖျားတိုင်းကိရိယာများပင် အရည်သွေးမမှီသည့် ပစ္စည်းများဖြစ်မည်ကို စိုးရိမ်ကြောင်းစခန်းတာဝန်ခံ တစ်ဦးပြောသည်။

“ရောဂါကာကွယ်တဲ့ ပစ္စည်းတွေက ဈေးထဲမှာ ဝယ်သုံးဖို့ဆိုရင်လည်း အင်မတန်မှ ဈေးကြီးလွန်းတယ်။ မဖြစ်မနေဝယ်သုံးရမယ်ဆိုရင်တောင် ရွာမှာရှိတဲ့ ဈေးဆိုင်တွေမှာက လုံလုံလောက်လောက်ရမှာမဟုတ်ဘူး။ ဝယ်သုံးလို့ရင်တောင် အရည်အသွေးမမှီတဲ့ ပစ္စည်းတွေဘဲဖြစ်မှာဘဲ။ ဒါကြောင့် သက်ဆိုင်ရာတာဝန်ရှိတဲ့သူတွေအနေနဲ့ စစ်ရှောင်ပြည်သူတွေရဲ့ လိုအပ်ချက်တွေကို တတ်နိုင်သလောက် ဖြည့်ဆည်းပေးဖို့ တိုက်တွန်းချင် ပါတယ်” ဟု အောင်ရာကျေးရွာ စစ်ရှောင်စခန်းတာဝန်ခံ Sara Zau Aung တောင်းဆိုခြင်းဖြစ်သည်။

အောင်ရာနှင့် ရှဒူးဇွပ် စစ်ရှောင်စခန်း ၂ ခုတွင် စုစုပေါင်း လူဦးရေ ၂၀၀ ခန့် ခိုလှုံနေသည်ဟု သိရသည်။

၎င်း စစ်ရှောင်များမှာ ၂၀၁၇ခုနှစ် နှောင်းပိုင်း တနိုင်းလီဒိုလမ်းမတစ်လျှောက် တပ်မတော်နှင့် ကချင်လွတ်လပ်ရေးတပ်မတော် KIA တို့ တိုက်ပွဲပြင်းထန်စွာဖြစ်ပွားခဲ့သောကြောင့် လက်ရှိစစ်ရှောင်စခန်းတွင် ထွက်ပြေး တိမ်းရှောင်ခဲ့သည်မှာ ၃နှစ်ရှိလာပြီ ဖြစ်သည်။

 

Read Previous

KIO Covid-19 ကာကွယ်ရေးကော်မတီဖြင့် ဆက်သွယ်မေးမြန်းခြင်း

Read Next

ကချင်လူထုမူးယစ်တိုက်ဖျက်ရေးနေ့ကို အိမ်တွင်းဆုတောင်းခြင်းအစီစဉ်ဖြင့်သာ ပြုလုပ်ခဲ့ရ

Leave a Reply

Your email address will not be published. Required fields are marked *