,

Breaking News :

Mytel တာဝါတိုင် လာပြင်သော ဝန်ထမ်းတစ်ဦး မိုင်းနင်းမိ ဒဏ်ရာရ

ပင်လည်ဘူး တိုက်ပွဲတွင် စစ်ကောင်စီဘက် ၂၅ ဦးထက်မနည်း သေဆုံးဟု NUG ထုတ်ပြန်

ကာမိုင်း မအူပင်တွင် အမျိုးသားတစ်ဦး ပစ်သတ်ခံရ

ဖားကန့်တွင် ပုဂ္ဂလိက ဘဏ်အချို့ ပြန်လည်ဖွင့်ခိုင်း

မုံးကိုး စစ်ရှောင်စခန်းတွင် Covid-19 ပိုး ကူးစက်ခံရသူ ၁၀၀ ကျော်ရှိလာ

အာဏာသိမ်းတပ် စစ်ကား ၃ စီးကို နမ္မတီးမြို့အနီး KIA မိုင်းခွဲ တိုက်ခိုက်

ပန်ဆိုင်း (ကြူကုတ်)တွင် လှည့်လည် ဈေးရောင်းနေသော အမျိုးသားတစ်ဦး ပစ်သတ်ခံရ

နောင်မွန်ဒေသ စစ်ကောင်စီ လက်အောက်ခံ စစ်သင်တန်း ဒုတိယအကြိမ် ပြန်လည်စတင်နေ

ဖားကန့်‌ Mytel တာဝါတိုင် တစ်တိုင် ထပ်မံ ဖောက်ခွဲ ဖျက်ဆီးခံရ

PDF များအတွက် လက်နက်တပ်ဆင်ပေးရေး လုပ်ဆောင်နေဟု NUG ဝန်ကြီးပြော

ရှဒူးဇွပ်(Ja Htu Zup)ကျေးရွာ ရေဘေးဒဏ်ထပ်မံကြုံတွေ့နေရ

ရေကြီးရေလျှံမှုဖြစ်နေသော ရှဒူးဇွပ်ကျေးရွာ (ဓါတ်ပုံ – Htoi Awng)

ဖားကန့်မြို့နယ် ရှဒူးဇွပ်(Ja Htu Zup) ကျေးရွာတွင် ယခုနှစ်အတွင်း တတိယအကြိမ် ထပ်မံ ရေကြီးလာသောကြောင့် ပြန်လည်ထူထောင်ရေးနှင့် အစားအသောက်များကူညီထောက်ပံ့ရန် လိုအပ်နေသည်ဟု ဒေသခံများပြောသည်။

စက်တင်ဘာ ၂၁ရက်နေ့မှစ၍ ၄ ရက်ဆက်တိုက် မိုးသည်းထန်စွာ ရွာသွန်းခဲ့သောကြောင့် စက်တင်ဘာ ၂၅ ယနေ့ မနက် ၂ နာရီခန့်အချိန်တွင် ကျေးရွာတွင်းရေတိုးဝင်လာပြီး နေအိမ်များ ၇ပေခန့် မြုပ်သွားကြောင်း ဝါရာဇွပ်ကျေးရွာအုပ်စု အုပ်ချုပ်ရေးမှူး ဦးနော်ဒီး က ယခုလို ပြောဆိုသည်။

“ဒီနေ့မနက် ၂နာရီလောက်မှာ ရေပြန်ကြီးလာတယ်။ ဒီတစ်ခေါက်က အရင်ကထက် ပိုဆိုးတယ်။ အခုဆိုရင် ရပ်ကွက်တွေအားလုံး နေအိမ်တွေ မြုပ်သွားတယ်။ အထက်တန်းကျောင်းတွေဆို တစ်ဝက်လောက် မြုပ်သွားပြီ။ တံတားတစ်ဖက်ကမ်းမှာရှိတဲ့ ရပ်ကွက်အိမ်တွေလည်း မကျန်တော့ဘူး။ အခုက ရေမမြုပ်တဲ့နေရာဆိုလို့ ဈေးကုန်းတစ်ခုဘဲ ကျန်တော့တယ်” ဟု ပြောဆိုသည်။

ရေကြီးရေလျှံမှုမှာ ကျေးရွာအနီးတဝိုက်ရှိ ချောင်း ၃ခုဖြစ်သည့် မိုးကောင်းချောင်း၊ ခေါင်းလှော်ခ (Hkawng Law Hka) နှင့် ရှဒူးခ (Sha Htu Hka) စသောချောင်းများ တပြိုင်နက် ကျေးရွာအတွင်းသို့ စီးဝင်လာသောကြောင့် ရေကြီးရေလျှံမှုဖြစ်ကာ ရပ်ကွက် ၄ ခု နှင့် အိမ်ခြေ ၂၀၀ ကျော်ရေမြုပ်သွားကြောင်း သိရသည်။

ရေဘေးဒဏ်ကို ကြုံတွေ့နေရသော ဒေသခံ ၂ ထောင်ခန့်က လက်ရှိတွင် နီးစပ်ရာ ဘာသာရေးကျောင်းများနှင့် ဆွေမျိုးအိမ်များတွင် တိမ်းရှောင်နေရပြီး သက်ဆိုင်ရာ တာဝန်ရှိသူများအနေဖြင့်လည်း ပြန်လည်ထူထောင်ရေးနှင့် စားနပ်က္ခာများကူညီထောက်ပံ့ပေးရန် လိုအပ်နေကြောင်း ဦးနော်ဒီးက ဆက်လက်ပြောဆိုခဲ့သည်။

ရှဒူးဇွပ်ကျေးရွာသည် ယခင်နှစ်က မိုးသည်းထန်စွာ ရွာသွန်းခဲ့သော်လည်း ယခုကဲ့သို့ ဆိုးရွားသောရေကြီးရေလျှံမှုဘေးဒဏ်ကို မခံစားခဲ့ရကြောင်း သိရသည်။ သို့သော် ယခုနှစ်မိုးတွင်းကာလအတွင်း ၃ကြိမ်တိုင်တိုင် ရေကြီးရေလျှံဖြစ်ခဲ့သည်မှာ မိုးသည်းထန်းစွာ ရွာသွန်းမှု တစ်ခုတည်းကြောင့်သာ မဟုတ်ဘဲ အနီးတဝိုက်ကျေးရွာများတွင် ရွှေသတ္ထုတူးဖော်မှုတွေကြောင့်ဖြစ်သည်ဟု ရှဒူးဇွပ်ဒေသခံ ဦးထွယ်အောင်က ကချင်သတင်းဌာန KNG ကို ပြောသည်။

“အရင်က အခုလို ဆိုးဆိုးရွားရွား ရေကြီးရေလျှံဖြစ်တာ မရှိဘူး။ ဒီနှစ်မှာက ၃ကြိမ်ဖြစ်သွားပြီ။ ကျနော့်အမြင်တော့ အနီးတဝိုက် နှစ်ရှည်ရွှေတူးဖော်တဲ့သူတွေ အများအပြားရှိနေသောကြောင့် ဖြစ်တယ်လို့ဘဲမြင်တယ်။ ဘာကြောင့်လဲဆိုတော့ အဲ့လို ရွှေတူးဖော်တော့ သဘာဝပတ်ဝန်းကျင်တွေလည်း ပြောင်းလဲလာတယ်။ နောက်ပြီး ပျက်စီးလာလို့ဖြစ်တယ်လို့ ဘဲမြင်တယ်” ဟု ပြောသည်။

ယခုလို ရေကြီးရေလျှံမှုဖြစ်နေသောကြောင့် တနိုင်းလီဒိုလမ်းမသို့သွားလာနေသော လိုင်းကားများနှင့် ကုန်တင်ကားများသည် ရှဒူးဇွပ်ကျေးရွာအဝင်ပေါက်မှ ဆက်သွား၍ မရကြောင်း သိရသည်။

 

Read Previous

ရှမ်းမြောက် Howa Bum တောင်ပေါ် မြန်မာ စစ်တပ် နှင့် KIA တိုက်ပွဲ ဖြစ်ပွား

Read Next

နယ်လှည့်ဆေးကုမှုကို ပိတ်ပင်မှုကြောင့် ကျေးလက်ပြည်သူများ၏ ပုံမှန်ကျန်းမာရေးစောင့်ရှောက်မှု ထိခိုက်မည်ကိုစိုးရိမ်

Leave a Reply

Your email address will not be published. Required fields are marked *