,

Breaking News :

ပင်လည်ဘူးမြို့နယ် ကျေးရွာပေါင်း ၁၀ ရွာခန့် ထွက်ပြေးတိမ်းရှောင်နေရ

စစ်ကောင်စီ လက်နက်ကြီးကြောင့် အသက် ၉ နှစ်အရွယ်ကလေးနှင့် မိခင် ထိခိုက်ဒဏ်ရာ ပြင်းထန်

လားရှိုး သိန္နီ လမ်းမပေါ်တိုက်ပွဲမှာ စစ်ကောင်စီဘက် ၃ ဦးသေဆုံး

စစ်ကောင်စီ ရိက္ခာသယ်ကား အစီ ၄၀ ကျော် မိုးကောင်းမှ တနိုင်းသို့ တက်သွား

မိုးမောက်မြို့  မိုင်းပေါက်ကွဲမူတွင် စစ်ကောင်စီမှ ၃ ဦး ဒဏ်ရာပြင်းထန်စွာရရှိ

အာဏာသိမ်း စစ်ခေါင်းဆောင် ပူတာအို ပြန်လာမည်ဟု သတင်းထွက်ပေါ်နေ

ကျေးရွာနဲ့ ဘုရားကျောင်းမကျန် စစ်ကောင်စီတပ် နေရာယူ

ပင်လည်ဘူးမြို့၊ ကောလင်းမြို့၊ ဝန်းသို မြို့နယ် (၃) ‌ခု အင်တာနက်လိုင်းများနှင့် ဖုန်းလိုင်းများ ထပ်မံဖြတ်တောက်ခံရ

စစ်ကောင်စီ မိုင်းကြောင့် မုံးကိုး ဖောင်းဆိုင်ဒေသခံတစ်ဦး နင်းမိ သေဆုံး

တနိုင်းသွားလမ်း လီဒိုလမ်းမပေါ် တွင် အာဏာသိမ်းနှင့် KIA တိုက်ပွဲ ပြင်းထန်နေ

အမျိုးသမီးများအပေါ်အကြမ်းဖက်မှု ပပျောက်ရေး လှုပ်ရှားမှု မြစ်ကြီးနားတွင် ပြုလုပ်

စက်တင်ဘာ ၂၃ ရက်နေ့မြစ်ကြီးနားတွင် စက်ဘီးစီး ကမ်ပိန်းပြုလုပ်ခဲ့စဉ် (ဓါတ်ပုံ – Htoi Gender Development Foundation)

‘အမျိုးသမီးများအပေါ် အကြမ်းဖက်မှု ပပျောက်ရေး ဥပဒေဖြင့် ကာကွယ်ပေး’ ဆောင်ပုဒ်ဖြင့် လူငယ်အယောက် ၃၀ ခန့်က မြစ်ကြီးနားမြို့တွင်း စက်ဘီးစီးကမ်းပိန်းတစ်ခုကို ပြုလုပ်ခဲ့ကြောင်းသိရသည်။

နိုဝင်ဘာလ ၂၃ ရက်နေ့ မနက်ပိုင်း ကချင်ပြည်နယ် မြစ်ကြီးနားမြို့တွင်း စက်ဘီးစီးကမ်းပိန်းတစ်ခုကို အမျိုးသမီးအများ အပေါ်အကြမ်းဖက်မှု အလုံးစုံမှ ကာကွယ်ပေးနိုင်ရန် ရည်ရွယ်ဖြင့် Htoi Gender and Development Foundation အဖွဲ့အစည်းမှ ဦးဆောင်ပြီး ပြုလုပ်ခြင်းဖြစ်သည်ဟု သိရသည်။

“ကျနော်တို့ ပတ်ဝန်းကျင်မှာ အမျိုးသမီးနှင့် မိန်းကလေးငယ်တွေကအကြမ်းဖက်မှု နည်းပေါင်းစုံ နေ့စဉ်အမျှကြုံတွေ့နေရတယ်။ ဒါပေမဲ့ ဒီအမျိုးသမီးနှင့် မိန်းကလေးငယ်တွေက တကယ်သူတို့ ကြုံရတာတွေကို မပြောရဲကြဘူး။ တရားမျှတမှု ရရှိအောင်မလုပ်ရဲကြဘူး။ တစ်ချို့ကလည်း တရားမျှတမှုရရှိအောင် ပြုလုပ်ပေမဲ့ တကယ်ပန်းတိုင်ထိ မထိရောက်ကြဘူး။ ဒါကြောင့်မို့ ကျွန်တော်တို့က ဒီလိုမျိုး အမျိုးသမီးများအပေါ်အကြမ်းဖက်မှု ဖြစ်လာရင် ဥပဒေကလည်း အကာအကွယ်ပေးရမယ်။ အကာအကွယ်ယူရမယ် ဆိုတဲ့ဟာကို ပြည်သူတွေသိဖို့ရန် ပြုလုပ်ရခြင်းဖြစ်ပါတယ်။” ဟု Htoi Gender အဖွဲ့မှ စီမံကိန်း မန်နေဂျာ ကို ဆွတ်ထွယ်ဆိုင်းအောင် က ပြောသည်။

အမျိုးသမီးနှင့် မိန်းကလေးငယ်များကို လိင်ပိုင်းဆိုင်ရာစော်ကားမှုများ၊ ကိုယ်ထိလက်ရောက် အကြမ်းဖက်မှုသော်လည်းကောင်း ၊ ကိုယ်အမူအရာအားဖြင့်သော်လည်းကောင်း အကြမ်းဖက်မှု လျှော့ပါးသွားဖို့ မျှော်လင့်ခြင်းကြောင့် ပြုလုပ်ရသည်ဟုလည်း ၎င်းကဆက်ပြောသည်။

ထိုသို့ စက်ဘီးစီး ကမ်းပိန်းတွင် လာရောက် ပါဝင်လှုပ်ရှားသူတစ်ယောက်အနေဖြင့်လည်း သူ၏ လာရောက်ပါဝင်ရခြင်းအကြောင်းရင်းကို ယခုကဲ့သို့ပြောသည်။

“ကျွန်မတို့အနေနဲ့ အမျိုးသမီးနှင့်မိန်းကလေးငယ်တွေနှင့် ပတ်သက်ပြီး အကြမ်းဖက်မှုအမျိုးမျိုးကို ရာနှုန်းပြည့် ကန့်ကွက်ချင်တယ်ဆိုတဲ့ အဓိပ္ပယ်နဲ့ပတ်ဝန်းကျင်သိနားလည်ဖို့ လာရောက်ပါဝင်ရတာဖြစ်တယ်။ ကျွန်မတို့က အတင်းအဓ္ဓမ လိင်ပိုင်းဆိုင်ရာ အကြမ်းဖက်မှုကိုဘဲ အမျိုးသမီးတွေကို အကြမ်းဖက်မှုလို့ထင်ကြတယ်။ အမျိုးသမီးတွေက အိမ်းတွင်းကနေ မိသားစုအတွင်းမှ မောင်နှမ ချင်းကနေပြီးမှလည်း ဆံပင်ဆွဲ၊ ကန်တာတွေ ၊ ထိုးလိုက်တာတွေ ဒါတွေလည်း အကြမ်းဖက်မှုဖြစ်တယ်။ ဆိုတော့ ဒါတွေကိုလည်း ကန့်ကွက်ရင်း လူအများသိလာနိုင်ဖို့ ပါဝင်လှုပ်ရှားခြင်းဖြစ်တယ်။” ဟု ပါဝင်လှုပ်ရှားသူ ဒေါ်လုအောင် ကပြောသည်။

Htoi Gender and Development Foundation သည် အမျိုးသမီးနှင့် မိန်းကလေးငယ်များအပေါ် အကြမ်းဖက်မှု ပေါင်းစုံအတွက် အခမဲ့ ဥပဒေဖြင့် အရေးယူ ဖြေရှင်းပေးနေတာဖြစ်ပြီး အမျိုးသမီးနှင့် ကလေးသူငယ်အခွင့်အရေးအတွက် တာဝန်ယူ ဆောင်ရွက်နေသည့် အဖွဲ့အစည်းတစ်ခုဖြစ်သည်။

Read Previous

ဆန်ပြတ်လတ်နေသော ဆော့လော်မြို့နယ်အတွက် အစိုးရက ထောက်ပံ့ပေး

Read Next

မြစ်ကြီးနား ကွာရန်တင်းစင်တာများအတွက် တစ်လ သိန်း ၁၅၀ ခန့် အသုံးပြုနေ

Leave a Reply

Your email address will not be published. Required fields are marked *