,

Breaking News :

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

တနိုင်း-ရှင်ဗွေယန် လမ်းမပေါ်  စစ်ကောင်စီတပ်ကို KIA မိုင်းခွဲ တိုက်ခိုက်

KIO သည် ဓမ္မဘက်ရပ်တည်ပြီး အဓမ္မဘက် ရပ်တည်သူများမှာ အာဏာရှင်ကို ထောက်ခံနေဟု KIO ဥက္ကဋ္ဌ ဆို

ပန်ဆိုင်း မှာ ကချင်အမျိုးသမီး ၁ ဦး လက်နက်ကြီးကျည်စ ထိမှန်ပြီး ဒဏ်ရာပြင်းထန်

ဝိုင်းမော်မြို့နယ်တွင် ကိုဗစ်ကာကွယ်ဆေး နိုဝင်ဘာလ အပြီးထိုးမည်

စစ်တပ်၏ ရိုက်နက်မှု ဒဏ်ရာကြောင့် ပူတာအို လူငယ်တစ်ဦး သေဆုံး

မြန်မာနိုင်ငံသားအချို့ကို တရုတ်ဘက်က ညအချိန် ရိုက်နက်ပြီး အတင်းပြန်ပို့ရန် စီစဉ်ခဲ့

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

CDM လှုပ်ရှားသေား ပူတာအိုမှ ဝန်ထမ်းများကို ဆက်လက်ဖမ်းဆီးနေ

ကချင်ပြည်နယ်၊ ပူတာမြို့တွင် စစ်အာဏာရှင်စနစ်မလိုလားကြောင်း ဆန္ဒပြဖော်ထုတ်သော ဝန်ထမ်များကို ဖမ်းဆီးမှုများလုပ်လာသောကြောင့် စိုးရိမ်မှုများရှိနေကြောင်း ဒေသခံတစ်ဦးထံမှသိရသည်။

ဖေဖော်ဝါရီလ ၆ရက်မှ ၇ရက်အထိ ပူတာအို CDM လှုပ်ရှားမှုများတွင် အစိုးရဝန်ထမ်း အများအပြားပါဝင်လာခဲ့သော်လည်း အဆိုပါဝန်ထမ်းများကို အမည်စာရင်းကောက်ကာ ဆန္ဒပြပွဲတွင်မပါဝင်ရန် ဝန်ခံကတိထိုးခိုင်းသည့် လုပ်ရပ်ရှိနေသောကြောင့် CDM တွင်ပါဝင်သည့်ဝန်ထမ်း ဦးရေ လျော့နည်းလာကြောင်း သိရသည်။

“ဆန္ဒပြပွဲစလုပ်တုန်းက ၂ရက်လောက်အထိက ဌာနဆိုင်ရာအစိုးရဝန်ထမ်းတွေ အများကြီးပါဝင်လာတယ်။ ပူတာအိုမြို့ရဲ့ မြို့နယ် ဦးစီးမှူးကိုယ်တိုင်က ဝန်ထမ်းတွေကို CDM မှာပါဝင်ဖို့ခွင့်ပြုထားတယ်။ ဒါပေမယ့် ခရိုင်ဦးစီးမှူးက မလုပ်ခိုင်းဘူး။ အဲ့ကြောင့် ဆန္ဒပြပွဲ ၃ရက်နေ့မြောက် CDM ပါဝင်တဲ့ ဝန်ထမ်းတွေကို အမည်စာရင်းကောက်ပြီး စစ်တပ်နဲ့ပေါင်းပြီး ဖမ်းဆီးတာတွေလုပ်တယ်။ အတင်းဖမ်းဆီးပြီးမှ CDM ဆက်လက်မလုပ်ဖို့ ဝန်ခံကတိတွေ ထိုးခိုင်း နေတယ်။ အဲ့ကြောင့် အစိုးရဝန်ထမ်းတွေက ဒေသခံတွေဦးဆောင်တဲ့ ဆန္ဒပြပွဲမှာမပါဝင်ကြတော့ဘူး”ဟု ဆိုသည်။

လက်ရှိတွင် ဒေသခံပြည်သူများဦးဆောင်သည့် ဆန္ဒထုတ်ဖော်မှုတွင် ပါဝင်ခဲ့သော ဝန်ထမ်း ၁၅ ဦးခန့်ကို အာဏသိမ်းစစ်ကောင်စီဘက်က ရှာဖွေနေသောကြောင့် ထွက်ပြေးနေရကြောင်း သိရသည်။

ဆန္ဒပြပွဲတွင် သစ်တော၊ ကျန်းမာရေး၊ ပညာရေးနှင့် ဆောက်လုပ်ရေးအဖွဲ့ စသည့်ဌာနဆိုင်ရာအသီးသီးက CDM အဖြစ်ပါဝင်ခဲ့သော်လည်း လက်ရှိတွင် ဖမ်းဆီးခံရမည်ကို စိုးရိမ်နေသဖြင့် CDM လှုပ်ရှားမှု မပြုလုပ်ကြကြောင်း သိရသည်။

ပူတာအိုမြို့တွင် စစ်အာဏာရှင်ဆန့်ကျင်ရေး ဆန္ဒပြပွဲကို ဖေဖဝါရီလ ၅ရက်နေ့မှ စတင်ဆန္ဒဖော်ထုတ်ခဲ့သည်မှာ ယခုချိန်ထိ ၁၀ကျော်ရှိနေပြီဖြစ်ပြီး စစ်အာဏာရှင်ပြုတ်ကျရေးအတွက် ဆန္ဒထုတ်ဖော်မှုကို ရပ်တန့်သွားမည်မဟုတ်ဘဲ ငြိမ်းချမ်းစွာဆက်လက်ထုတ်ဖော်သွားမည်ဖြစ်ကြောင်း ဆန္ဒပြဦးဆောင်သည့် တာဝန်ရှိသူတစ်ဦးထံမှသိရသည်။

Civil Disobedience Movement CDM တွင်ပါဝင်နေသော ဝန်ထမ်းများကို ဖမ်းဆီးနေသည်မှာ ပူတာအိုမြို့နယ် သာမက တစ်နိုင်ငံလုံးတွင်လည်း ဖြစ်ပွားနေသည်ကို တွေ့ရသည်။

Read Previous

မြစ်ကြီးနား ဆန္ဒထုတ်ဖော်မှုကို ပစ်ခတ်ဖြိုခွင်းခဲ့သော ဖြစ်စဉ်

Read Next

လူထုဆန္ဒဖော်ထုတ်မှုကို ဖြိုခွင်းရာတွင် KIO အနေဖြင့် ပါဝင်စွက်ဖက်ခြင်းမပြုရန် တပ်မတော် သတိပေး

Leave a Reply

Your email address will not be published. Required fields are marked *