,

Breaking News :

တနိုင်းတွင် ဖမ်းဆီးခံရသော လူငယ် ၂၉ ဦးကို မတရားအသင်းဆက်သွယ်မှု ဥပဒေဖြင့် အရေးယူရန် ရဲစခန်းသို့ အပ်

ယုဇန ကုမ္ပဏီထံမှ သိမ်းယူထားသောမြေယာနှင့်ပစ္စည်းများကို ရယူခြင်းမပြုရန် KIO သတိပေး

ကချင်တွင် လပိုင်းအတွင်း စစ်ရှောင်အသစ်ထပ်တိုးလာကြောင်းနှင့် ကူညီထောက်ပံ့မှုလိုအပ်နေကြောင်း အရပ်ဘက်အဖွဲ့အစည်းများထုတ်ပြန်

လိုင်ဇာမြို့အနီး ခယာဘွမ့်တွင် ရိက္ခာပို့နိုင်ရန် ဒေါ့ဖုန်းယန် မှ ကားလမ်းတစ်လျှောက် စစ်အင်အားတိုးချဲ့ချထား

ဘွမ်ရာယန်စစ်ရှောင်စခန်းတွင် သောက်ရေ အဓိကအခက်အခဲဖြစ်နေ

ရှဒူးဇွပ်စစ်ရှောင်များ ရေဘေးမှလွတ်မြောက်ရေး နေရာအသစ်တွင် ပြောင်းရွေ့ရန်ခက်ခဲနေ

လိုင်ဇာမြို့အနီး အာဏာသိမ်းစစ်တပ်၏ ယာဉ်တန်းကို KIA ကြားဖြတ် တိုက်ခိုက်

အာဏာသိမ်းစစ်တပ်က ကားဖြင့်တိုက်သဖြင့် ပူတာအိုဒေသခံတစ်ဦး ခြေတစ်ဖက်ကျိုး

ဒေါ့ဖုန်းယန်မြို့အနီးတွင် အကြမ်းဖက်စစ်တပ်ကို KIA က ကြားဖြတ်တိုက်ခိုက်

KIAနဲ့ ဆက်သွယ်သည်ဟုဆိုကာ ချီဖွေစစ်ရှောင်စခန်းမှ အမျိုးသမီးတစ်ဦး စစ်ကောင်စီက ဖမ်းဆီးထား

လူငယ်များကန့်ကွက်မှုကြောင့် ပြည်နယ်စစ်ကောင်စီနဲ့ လော်ဝေါ်ကျမ်းစာကျောင်းအုပ်ဆရာကြီးတို့ တွေ့ဆုံပွဲ ဖျက်သိမ်း

မြစ်ကြီးနားမြို့၊ ရွှေစက်ရပ်ကွက်ရှိ လော်ဝေါ်နှစ်ခြင်းကျမ်းစာသင်ကျောင်းမှ ကျောင်းအုပ်ဆရာကြီးနှင့် စီမံအုပ်ချုပ်ရေးကောင်စီဥက္ကဋ္ဌ ဦးခက်ထိန်နန်တို့ တွေ့ဆုံမည်အစီစဉ်ကို လော်ဝေါ်လူငယ်များက သွားရောက်ကန့်ကွက်သောကြောင့် အစီစဉ် ပျက်ပြယ်သွားခဲ့သည်ဟု သိရသည်။

“အသင်းတော်က တာဝန်ရှိတဲ့သူတွေအနေနဲ့ ကချင်ပြည်နယ်စီမံအုပ်ချုပ်ရေးကောင်စီ လာရောက်တွေ့ဆုံမယ်ဆိုတဲ့အပေါ် ငြင်းလို့မသင့်တော်တဲ့အတွက် တွေ့ဆုံမယ့်အစီစဉ်ကို လက်ခံခဲ့တာဖြစ်ပါတယ်။ ဒါပေမယ့် အသင်းတော်မှာရှိတဲ့ ပြည်သူတွေအနေနဲ့လက်မခံဘူးဆိုရင်တော့ ပထမတစ်ချက် ဒီတွေ့ဆုံပွဲကို ဖျက်သိမ်းလိုက်ပြီဖြစ်ပါတယ်။ ဒုတိယတစ်ချက်က လော်ဝေါ်နှစ်ခြင်းအသင်းတောာ်က သာသနာထွန်းကားအောင်လုပ်ဆောင်နေတဲ့ ဘာသာရေးအသင်းအဖွဲ့ဖြစ်တဲ့အတွက် နိုင်ငံရေးကိုဘယ်တော့မှလုပ်မှာမဟုတ်ဘူး။ တတိယတစ်ချက်က ဒီလိုနိုင်ငံရေးမငြိမ်မသက်ဖြစ်နေတဲ့အချိန်မှာ တွေ့ဆုံဖို့ကမ်းလှမ်းတာကို လက်ခံမှာမဟုတ်ဘဲ ငြိမ်းချမ်းလာတဲ့အချိန်မှသာ စဉ်းစားပေးသွားမယ်။” ဟု လော်ဝေါ်နှစ်ခြင်းအသင်းချုပ်မှ အတွင်းရေးမှူးနှင့်တာဝန်ရှိသူများက ပြောသည်။

ကချင်ပြည်နယ် စီမံအုပ်ချုပ်ရေးကောင်စီသည် လော်ဝေါ်နှစ်ခြင်းကျမ်းစာသင်ကျောင်းမှ ကျောင်းအုပ်ဆရာကြီးအား လာရောက်တွေ့ဆုံရန် ကမ်းလှမ်းလာသည့်အတွက် ဖေဖော်ဝါရီ ၁၇ရက်နေ့တွင် လော်ဝေါ်နှစ်ခြင်းအသင်းတော်မှ လူငယ်များအပြင် လူငယ် အင်အား(၃၀၀)ခန့်က ဝန်းရံခဲ့ကြခြင်းဖြစ်သည်။

“ဒီနေရာက ကျမ်းစာကျောင်းဖြစ်တဲ့အတွက် ဒီလိုနိုင်ငံရေးလာလုပ်တာကို လုံးဝလက်မခံနိုင်ပါဘူး။ ပြီးတော့ စစ်ဘက်ကခန့်ပေးတဲ့ ဘယ်တစ်ဦးတစ်ယောက်ကိုမှလည်း အယုံအကြည်မရှိဘူး။ အဲကြောင့်ကျနော်တို့လူငယ်တွေအားလုံး လာရောက်ဝန်းရံနေခြင်းဖြစ်ပါတယ်။ နောက်နောင်လည်း နိုင်ငံရေးနဲ့ပတ်သက်တဲ့တွေ့ဆုံမူမျိုး ကမ်းလှမ်းတာမျိုးလည်း မလုပ်ပေးပါကြပါနဲ့လို့ပြောချင်တယ်။”ဟု လာရောက်ဝန်းရံခဲ့ကြသူများမှ လူငယ်တစ်ဦးက ဆိုသည်။

မြစ်ကြီးနားမြို့ ရွှေဇက်ရပ်ကွက်ရှိ အောက်ဘမ်ကျမ်းစာသင်ကျောင်းသည် လော်ဝေါ်လူမျိုးများ၏ ကျမ်းစာသင်ကျောင်းဖြစ်သည်ဟု သိရသည်။

ကချင်မျိုးနွယ်စုဝင်(၆)မျိုးထဲမှ လော်ဝေါ် မျိုးနွယ်စုဝင်များသည် ကချင်ပြည်နယ်ရှိ ဝိုင်းမော်မြို့နယ်၊ ဆော့လော်မြို့နယ်၊ ချီဖွေမြို့နယ် နှင့် မြစ်ကြီးနားမြို့နယ် အစရှိသည့် မြို့နယ်များတွင် အများဆုံးနေထိုင်သော လူမျိုးဖြစ်သည်။

Read Previous

လူထုဆန္ဒဖော်ထုတ်မှုကို ဖြိုခွင်းရာတွင် KIO အနေဖြင့် ပါဝင်စွက်ဖက်ခြင်းမပြုရန် တပ်မတော် သတိပေး

Read Next

မြစ်ကြီးနားမြို့ စစ်အာဏာရှင်ဆန့်ကျင်ရေး ဆန္ဒဖော်ထုတ်ပွဲ ဖြိုခွဲခံရ

Leave a Reply

Your email address will not be published. Required fields are marked *