,

Breaking News :

CDM ပြုလုပ်သည့် တက္ကသိုလ်ဝန်ထမ်း ဆရာ/မများ ကျောင်းဝန်းအတွင်းမှ ထွက်ပြေးတိမ်းရှောင်နေ

မြစ်ဆုံစီမံကိန်းဧရိယာတွင် ၂၀၁၃ ခုနှစ်မှစတင်ပြီး ပုဒ်မ ၁၄၄ ပုံမှန်ထုတ်ပြန် နေကျဖြစ်

လီဆူအနုပညာရှင် ယောတီဖာကို မည်သည့်နေရာတွင် ဖမ်းဆီးထားသည်ကို မသိရသေး

ဦးဒရှီလဆိုင်းအမှု စစ်ဆေးတော့မည်ဖြစ်သော်လည်း ရှေ့နေဖြင့် တွေ့ခွင့်မရသေး

စစ်အာဏာရှင်ဆန့်ကျင်မှုကြောင့် ဖမ်းဆီးခံရသော ပူတာအိုလူငယ် ၅ ဦးပြန်လည်လွတ်မြောက်

ရှမ်းမြောက် တိုက်ပွဲတွင် ဒေသခံ ၄ ဦးကို မြန်မာစစ်တပ်က ဖမ်းဆီးခေါ်ဆောင်သွား

ဖမ်းဆီးခံ ကချင်ဝန်ကြီးများကို မြစ်ကြီးနားအကျဉ်းထောင်ပို့

ဝိုင်းမော် သပိတ်တွင် ဖမ်းဆီးခံရသော ဆရာမ အပါ ၂ ဦးကို တွေ့ခွင့်မပြု

ဖားကန့် သပိတ်စစ်ကြောင်း ပစ်ခတ်ဖြိုခွင်းခံရ

ဖားကန့်သပိတ်စစ်ကြောင်း ပထမဆုံးအကြိမ် ဖြိုခွင်းခံရ

February 19 ရက်နေ့ တစ်ရက်တာ မှတ်တမ်း

စစ်အာဏာသိမ်းမှုကို ဆန့်ကျင်သော မြစ်ကြီးနား လူထုဆန္ဒဖော်ထုတ်မှုများသည် ၁၀ ရက်မြောက်နေ့ထိ ငြိမ်းချမ်းစွာပြီးစီးခဲ့သော်လည်း ၁၁ ရက်နေ့မြောက်နေ့မှစတင်ကာ တင်းကြပ်ခံရပြီးနောက် ၁၂ ရက်မြောက်နေ့ဖြစ်သော ယနေ့ဖေဖောဝါရီလ ၁၉ ရက်နေ့တွင် ဆန္ဒဖော်ထုတ်သူများ လူမစုနိုင်သည့်အခြေအနေထိပင် ရောက်ခဲ့သည်။

ပညာရေးဝန်ထမ်းဆရာမ ၂ ဦးကို ရဲတပ်ဖွဲ့က ရိုက်နက်ကာ ဖမ်းဆီးခေါ်ဆောင်သွား

နံနက် ၉ နာရီ ပထမဆုံး စတင်ကြားရသည့်သတင်းမှာ မြစ်ကြီးနား ပညာရေးကောလိပ်ရှေ့တွင် CDM လုပ်နေသော ဝန်ထမ်း ဆရာမ ၂ ဦးကို ရဲတပ်ဖွဲ့က ရိုက်နက်ကာ ဖမ်းဆီးခေါ်ဆောင်သွားသောသတင်းဖြစ်သည်။

အဆိုပါဖြစ်စဉ်နှင့်ပတ်သက်ပြီး ရဲတပ်ဖွဲ့၏ ဖြိုခွင်းမှုကို ခံခဲ့ရသော ဆရာမတစ်ဦးက ကချင်သတင်းဌာန KNG ကို ယခုလိုပြောသည်။

“အစ်မတို့ ၈ နာရီခွဲပြီး ၅ မိနစ်မှာ စုရပ်ကိုရောက်တယ်။ လေ့ကျင်ရေးကျောင်းရှေ့ပေါ့။ ဆရာမတွေ ဆိုင်ကယ်ထားနေတဲ့အချိန် အစီး ၂၀ လောက်ဘဲ ရှိသေးတယ်။ ၄၅ မိနစ်လောက်မှာ ရဲကားတွေ ဖြည်းဖြည်းလေးမောင်းဝင်လာတယ်။ ရေ့ဆုံးက နည်းနည်းဝဝ ရဲတစ်ယောက်က မိုက်ကိုင်ပြီး ဆင်းလာတယ်။ ဒါပေမယ့် နောက်ဆုံးက ရဲတစ်ယောက်က အရမ်းရိုက်ချင်တဲ့ဇောနဲ့ ကျမတို့ဆီပြေးလာတော့ အစ်မတို့ကလည်း ပြေးသွားတယ်။ အဲမှာ ဆရာမ ၂ ယောက်ကျန်ခဲ့တယ်။ သူတို့ ၂ ယောက်လည်းပြေးပေမယ့် တစ်ယောက်ကိုတော့ အစ်မရှေ့မှာတင် ဖမ်းမိသွားတယ်။ အဲဒီဆရာမကိုသူတို့က ဒူးထောက်ထားခိုင်းပြီး ခြေထောက်မှာ ရိုက်နေတယ်။” ဟု ယနေ့ ပညာရေးကောလိပ်ရှေ့မှ အဖြစ်အပျက်ကို ထိုနေရာရောက်ရှိခဲ့သည့် ဆရာမ တစ်ဦးက ပြောပြသည်။

ယနေ့ မနက်ဖြစ်စဉ်တွင် ဆရာမ ၂ ဦး ဖမ်းဆီးခံရကြောင်း သိရသည်။

ဆန္ဒပြ စာရွက်ကိုင်ထားသူမှန်သမျှကို ဖမ်းဆီး၊ ဓါတ်ပုံရိုက်သူများကို လေးဂွဖြင့် ပစ်
မြစ်ကြီးနားလူထုဆန္ဒဖော်ထုတ်သူများသည် ပုံမှန်အားဖြင့် စီတာပူရပ်ကွက် နောင်ရာပါ ကွင်းပြင်တွင် လူစုခဲ့ကြသော်လည်း ယနေ့မနက်တွင်မူ ထိုနေရာများတွင် စစ်တပ်အင်အားဖြင့် ပိတ်ထားခဲ့သည်။

ထို့နောက် ဆန္ဒဖော်ထုတ်သူအချို့က မြစ်ကြီးနားမြို့ ဈေး ၁ အနီးမှ ချီတက်လာရာ ရဲတပ်ဖွဲ့က ပိတ်ဆို့လိုက်ပြီးနောက် ဆန္ဒဖော်ထုတ်ရာတွင် ပါဝင်နိုင်သော စာရွက်ကိုင်ထားသူမှန်သမျှကို ရဲတပ်ဖွဲ့က ဖမ်းဆီးနေကာ၊ အဝေးမှ ဓါတ်ပုံရိုက်သူများကိုလည်း လေးဂွဖြင့် ပစ်နေကြောင်း သိရသည်။
ဖြစ်စဉ်တွင် မိန်းကလေး ၉ ဦးနှင့် ယောကျာ်လေး ၁ ဦးတို့ကို ရဲတပ်ဖွဲ့က ဖမ်းဆီးခေါ်ဆောင်သွားကြောင်း ထိုနေရာတွင် ဈေးရောင်းနေသော မျက်မြင်သက်သေများက ဆိုသည်။

လမ်းလျှောက် ဆန္ဒဖော်ထုတ်သူများ ဖြိုခွင်းခံရသော်လည်း ဆိုင်ကယ်ဖြင့် လှည့်ပတ်ဆန္ဒဖော်ထုတ်သူများမှာ နေ့လည်အချိန်ထိ ဆက်လက်သွားလာနေဆဲဖြစ်သည်ဟု သိရသည်။

တိုက်ရိုက်ထုတ်လွင့်နေသော သတင်းမီဒီယာများ၏ ဖုန်း လုယက်မှုဖြစ်

လူထုဆန္ဒဖော်ထုတ်သူများကို တိုက်ရိုက်တင်ဆက် (LIVE) နေသော  သတင်းမီဒီယာသမားများ၏ ဖုန်းကို ဆိုင်ကယ်ဖြင့် လူ ၂ ဦးက လိုက်လုနေသည်ကို တွေ့ရသည်။

မြစ်ကြီးနားအခြေစိုက် The 74 Media ၏ တိုက်ရိုက်တင်ဆက်နေသော ဖုန်းကို နယ်ထိန်းဆိုသူက လိုက်လုခဲ့သည်။ သို့သော်လည်း အလုမခံရပဲ ကာကွယ်နိုင်ခဲ့သည်ဟု သိရသည်။

Video Credit –  The 74 Media (ဗီဒီယိုကြည့်ရန်)

ဖမ်းဆီးခံရသူများ ညနေ ၄ နာရီတွင် ပြန်လည်လွှတ်မြောက်လာ

ရိုက်နက် ဖမ်းဆီးခံရသော ဆရာမ ၂ ဦးအပါအဝင် နေ့လည်ခင်းအချိန်က ဖမ်းဆီးခံရသူ စုစုပေါင်း ၁၃ ဦးတို့သည် ကချင်ငြိမ်းချမ်းရေးအကျိုးဆောင်အဖွဲ့ PCG ညှိနှိုင်းပေးမှုကြောင့် ညနေ ၄ နာရီအချိန်တွင် ပြန်လည်လွှတ်မြောက်လာခဲ့သည်။

ဆရာမ ၂ ဦးအနက် ၁ ဦးမှာ ရိုက်နက်ဒဏ်ရာကြောင့် လက်တစ်ဖက် ထိခိုက်ခံထားရကြောင်း သိရသည်။

Read Previous

ဆရာမ ၂ ဦးကို ရဲတပ်ဖွဲ့က ရိုက်နက်ကာ ဖမ်းဆီး

Read Next

မြစ်ကြီးနားတွင် လူသောင်းချီ စစ်အာဏာရှင်ကို ဆန့်ကျင်ဆန္ဒပြ

Leave a Reply

Your email address will not be published. Required fields are marked *