စစ်အာဏာရှင်ဆန့်ကျင်ရေး (၁၃) ရက်နေ့မြောက် မြစ်ကြီးနားလူထုဆန္ဒဖော်ထုတ်သောပြည်သူများ အထက-၁ ကျောင်းရှေ့ရောက်လာချိန် ရဲနှင့်စစ်သားများက လမ်းကြောင်းပိတ်ဆို့ခဲ့သောကြောင့် ထိုနေရာတွင် ထိုင်သပိတ်ပြုလုပ်ကာ အဆုံးသတ်ခဲ့သည်။
ကချင်ငြိမ်းချမ်းရေးအကျိုးဆောင်အဖွဲ့ PCG က ညှိနှိုင်းပေးသောကြောင့် မွန်းလွဲ ၁ နာရီမတိုင်မှီ ထိုနေရာမှ ပြန်လည် ဆုတ်ခွာသွားခြင်းဖြစ်သည်။
မြစ်ကြီးနားတွင် ဆန္ဒဖော်ထုတ်ရန် လူစုလူဝေးမှန်သမျှကို ရဲနှင့် စစ်တပ်က လိုက်လံဖြိုခွဲနေသောကြောင့် ယနေ့ ဆန္ဒဖော်ထုတ်သူများသည် နေ့လယ် ၁၁ နာရီမှ မြို့မ စျေး-၁ တွင် ရုတ်တရက် လူစုပြီး ချီတက်ခဲ့ခြင်းဖြစ်သည်။
ထိုမတိုင်ခင် ဆိုင်ကယ်ဖြင့် ဆန္ဒဖော်ထုတ်သူများကလည်း မြစ်ကြီးနားမြို့ပတ်ကာ လှည့်လည်ခဲ့ကြသည်။
