သတင်း

ရှမ်းမြောက်တွင် KIA နှင့် မြန်မာစစ်တပ် တိုက်ပွဲ ဆက်လက်ဖြစ်ပွားနေ

ရှမ်းပြည်နယ်မြောက်ပိုင်း ကချင်လွတ်လပ်ရေးတပ်မတော် KIA တပ်မဟာ ၆ အောက်၊ တပ်ရင်း ၉ နယ်မြေ တီမာ (Dima) ကျေးရွာအနီးတွင် မြန်မာစစ်တပ်နှင့် KIA တို့ ယနေ့ နံနက် ၈ နာရီကစတင်ပြီး တိုက်ပွဲ ပြန်လည်ဖြစ်ပွားနေသည်ဟု သိရသည်။

မြန်မာစစ်တပ်ဘက် နေရာ ၃ ခုခွဲပြီး KIA တပ်ဖွဲ့များရှိရာသို့ ၁၂၀ မမ၊ ၈၁ မမ စသည့် လက်နက်ကြီးများဖြင့် ပစ်ခတ်ခဲ့သည်ဟု ဆိုသည်။

စစ်တပ်ဘက်က ယခုလို လက်နက်ကြီးပစ်ခတ်နေခြင်းကြောင့် ကျေးရွာအပြင်ဘက်တွင်ရှိနေသော နေအိမ်အချို့ကိုလည်း ကျေးရွာအတွင်း ပြန်လည်နေရာပြောင်းရွေ့ထားသည်ဟု သိရသည်။

“အခုတိုက်ပွဲဖြစ်နေတဲ့ တပ်ရင်း ၉ ကတော့ အရင် ဖေဖော်ဝါရီ ၁၀ ရက်နေ့တုန်းကတည်းက တပ်မတော်စစ်ကြောင်းက ဝင်ရောက်လာတဲ့အချိန် တိုက်ပွဲဖြစ်တော့ သူတို့ဘက်က အထိနာသွားတယ်။ အဲကို မကျေနပ်လို့ အခုတစ်ခါ အင်အားသုံးပြီး ပြန်လာတိုက်တာ ထင်ရှားနေပါတယ်။ ဒါပေမယ့် ဘာကြောင့်အခုလိုသူတို့ ပြန်တိုက်လည်းတော့ မသိဘူး။ ပြီးတော့ အခု ဆန္ဒပြတဲ့ကိစ္စတွေမှာ KIA မပါဝင်ဖို့အတွက ်စစ်ရေးအရ အနှောက်အယှက်ပေးထားတာလည်း ဖြစ်နိုင်တယ်။” ဟု KIO ဗဟိုဌာနချုပ် ပြန်ကြားရေးတာဝန်ခံ ဗိုလ်မှူးကြီးနော်ဘူက ပြောသည်။

တပ်မတော်အနေဖြင့် ငြိမ်းချမ်းရေးကို ကြိုးပမ်းဖို့ထက် ပြည်သူလူထု၏အခွင့်အရေးကို အာဏာရှင်စနစ်ဖြင့် သိမ်းလိုက်တာကြောင့် ပြည်တွင်းငြိမ်းချမ်းရေးက အခြအနေပိုဆိုးလာနိုင်ကြောင်း ပြောပါတယ်။

လက်ရှိ မူဆယ်ခရိုင် KIA တပ်ရင်း ၉ တွင် တပ်မတော် တပ်မ ၉၉ ထိုးစစ်ဆင်နေတာဖြစ်ပြီး၊ တိုက်ပွဲဖြစ်နေသည်မှာ ၃ ရက်ရှိပြီဖြစ်သည်။

Show More

Related Articles

Back to top button