,

Breaking News :

ဖားကန့် သပိတ်စစ်ကြောင်းဖြိုခွဲရန်သွားသည့် ရဲနှင့်စစ်သားများ မိုင်းခွဲ တိုက်ခိုက်ခံရပြီး သေဆုံးမှုရှိ

အာဏာသိမ်းစစ်တပ် ဂျက်တိုက်လေယာဉ်များ တရုတ်နိုင်ငံဘက်ခြမ်းမှ KIA ကို ပစ်ခတ်နေ

မိုးမောက်မြို့နယ် တိုက်ပွဲတွင် အာဏာသိမ်းစစ်တပ်ဘက်က ထိခိုက်သေဆုံးမှုများပြား

အလောဘွမ် (Alaw Bum) ကို ဂျက်တိုက်လေယာဉ်ဖြင့် အကြိမ်ကြိမ်သွားရောက်ပစ်ခတ်နေ

ဒေါ့ဖုန်းယန် အလောဘွမ် တပ်စခန်းသို့ အာဏာသိမ်းစစ်တပ်က လက်နက်ကြီးဖြင့် ဆက်တိုက်ပစ်ခတ်နေ

ဖားကန့် အလွတ်တန်း သတင်းထောက်တစ်ဦးကို ပုဒ်မ ၅၀၅-က ဖြင့် တရားစွဲ

ပူတာအို စစ်အာဏာသိမ်းမှုဆန့်ကျင်သူ လူငယ်များကို ဝရမ်းထုတ်ထားသဖြင့် တိမ်းရှောင်နေရ

မိုင်းခွဲတိုက်ခိုက်ခံရသော အာဏာသိမ်းစစ်တပ်က ပြည်သူများကို ပြန်လည်ပစ်ခတ်

KIO ဌာနချုပ် နယ်မြေသို့ အာဏာသိမ်းစစ်တပ်က လက်နက်ကြီး ပစ်ခတ်

ကချင်ပြည်နယ် CDM လှုပ်ရှားမှုတွင် ပညာရေးဝန်ထမ်းအများစုပါဝင်ဟု KPICT ထုတ်ပြန်

ဖားကန့် အာဏာသိမ်းစစ်တပ်၏ ရဲတပ်ရင်းများကို KIA တိုက်ခိုက်ဖျက်စီး

ဖားကန့်မြို့နယ် အာဏာသိမ်းစစ်တပ် လက်အောက်ရှိ ရဲတပ်ရင်း စခန်း ၂ခုကို ကချင်လွတ်လပ်ရေးတပ်မတော် KIA က မတ်လ ၂၈ရက်နေ့ ယနေ့ မနက်ပိုင်းက ဝင်ရောက်တိုက်ခိုက်ခဲ့ကြောင်း သိရသည်။

ယနေံ့ နံနက်ပိုင်း ၃နာရီခန့် ဖားကန့် မြို့နယ် လုံးခင်းအုပ်စု ဖာဝါကျေးရွာအတွင်းရှိ ရဲတပ်ရင်းစခန်းတွင် တိုက်ပွဲ ဖြစ်ပွားခဲ့ကြောင်း ဒေသခံတစ်ဦးထံမှသိရသည်။

“ဒီကနေ့ မနက် ၃နာရီနာလောက်မှာ ဖြစ်တာဟုတ်တယ်။ ဖာဝါကျေးရွာမှာရှိတဲ့ ရဲတပ်ရင်းစခန်းကို KIA ဘက်က ဝင်တိုက်တာဖြစ်မယ်။ အထဲမှာက ရဲသား ၂၀လောက်ဘဲရှိမယ်ထင်ကြတယ်။ ဒါပေမယ့် အထဲမှာ ၃၀လောက်ရှိနေတယ်တဲ့။ ၂ယောက်တော့ လွတ်သွားတယ်တဲ့။ ကျန်တဲ့သူတေတွေအကုန်လုံးက အဲ့မှာ အကုန်လုံး ကျဆုံးသွားတယ်လို့ သတင်းကြားတယ်” ဟု ပြောဆိုသည်။

ဖာဝါကျေးရွာ ရဲတပ်ရင်းကို ဝင်ရောက်တိုက်ခိုက်​ပြီးနောက် ဖာဝါ ဆန်ခါ၊ ကထန်ယာန် စသောကျေးရွာအလယ်တွင်ရှိသည့် ကျောက်စိမ်းတူးဖော်သည့် တောက်ပကြယ်ကုမ္မဏီဝန်းအတွင်းရှိ ရဲကင်းများကိုလည်း ထပ်မံသွားရောက်တိုက်ခိုက်ခဲ့ကြောင်းသိရသည်။

ယနေ့ နံနက်တိုက်ပွဲကြောင့် ဒေသခံ အိမ်ထောင်စု ၃၀ ခန့်က ကျေးရွာ ကချင်နှစ်ခြင်းခရစ်ယာန်ဘုရားကျောင်းဝင်းအတွင်း ဝင်ရောက်တိမ်းရှောင်နေကြောင်းသိရသည်။

ထို့အပြင် ယနေ့ နံနက်တိုက်ပွဲကြောင့် ဆန်ခါ၊ ကဋေမှော်၊ ကထန်ယာန် ကျေးရွာအတွင်း လက်နက်ကြီးကျည်များကျရောက်ခဲ့သော်လည်း လက်ရှိအချိန်ထိ ထိခိုက်ဒဏ်ရာ ရသူများမရှိသေးကြောင်း သိရသည်။

ဖားကန့်မြို့တွင် အာဏာသိမ်းစစ်တပ်ကိုဆန့်ကျင်သော ပြည်သူလူထုကို ရဲနှင့် စစ်တပ်က ပစ်ခတ်သဖြင့် မတ်လ ၁၄ ရက်နေ့တွင် ၁ ဦးနှင့် မတ်လ ၂၇ ရက်နေ့တွင် ၁ ဦး စုစုပေါင်း ၂ ဦး ကျဆုံးသွားပြီဖြစ်သည်။

ကချင်ပြည်နယ်တွင် အာဏာသိမ်းစစ်တပ်ကို ကချင်လွတ်လပ်ရေးတပ်မတော် KIA က မတ်လ ၁၁ ရက်နေ့မှစတင်ပြီး တိုက်ခိုက်လာခြင်းဖြစ်သည်။

Read Previous

ကချင်ပြည်နယ်တွင် မတ် ၂၇ ရက်နေ့ ဆန္ဒပြ ပြည်သူ ၅ ဦး ပစ်သတ်ခံရ

Read Next

မြစ်ကြီးနားမြို့တွင် မိုင်းပေါက်ကွဲသံများ ကြားရ

Leave a Reply

Your email address will not be published. Required fields are marked *