,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

တပ်ပျက်ကာ ထွက်ပြေးလာသော အာဏာသိမ်း စစ်သားများကို KIA ဖမ်းဆီး

ဒေါ့ဖုန်းယန် (Daw Hpum Yang) မြို့နယ်ခွဲရှိ ကချင်လွတ်လပ်ရေးတပ်မတော် KIA ၏ အလောဘွမ် (Alaw Bum) စခန်းကို ထိုးစစ်ဆင်သော အာဏာသိမ်းစစ်တပ်၏ တပ်ရင်းတစ်ခု ချေမှုန်းခံရပြီးနောက် တပ်သားအယောက် ၃၀ ကျော် တပ်ပျက်ကာ KIA နယ်မြေသို့ ရောက်လာကြောင်း သိရသည်။

အဆိုပါ တပ်ပျက်ပြီး ရောက်ရှိလာသူများကို KIA တပ်မဟာ ၅ တပ်ဖွဲ့က ပိတ်ဆို့ဖမ်းဆီးမှုများပြုလုပ်နေပြီး အချို့ကို ဆက်လက်ရှာဖွေနေဆဲ ဖြစ်ကြောင်း သိရသည်။

“အခုတစ်လော ၄ ရက်လောက် တိုက်ပွဲပြင်းထန်တော့ သူတို့ ပြန်နောက်ဆုတ်သွားတယ်။ နွမ်းလန်၊ မြို့သစ်ဘက်ကို ဆုတ်သွားတယ်။ အဲဒီအဖွဲ့ထဲက အယောက် ၃၀ လောက်က သူတို့တက်လာတဲ့အတိုင်း မဆုတ်ဘဲနဲ့ အရှေ့ကို ပြေးတော့ ကျနော်တို့ဘက်ကို ရောက်လာကြတယ်။” ဟု KIO ဗဟိုဌာနချုပ် ပြန်ကြားရေးတာဝန်ခံ ဗိုလ်မှူးကြီး နော်ဘူက က ပြောသည်။

တရုတ်နယ်စပ်အနီး မုန်းဆိုင်ယန် (Mung Seng Yang) ဘက်ကိုလည်း အာဏာသိမ်းစစ်တပ်သားတစ်ဦးက အရပ်ဝတ်ဖြင့် သေနတ်မပါဘဲ ထွက်လာစဉ် ဖမ်းမိထားကြောင်း ဆက်လက်ပြောဆိုသည်။

“တကယ်လို့ ကျနော်တို့ မမိဘူးဆိုရင်တော့ သူတို့က အရပ်ဝတ်နဲ့ တရုတ်ပြည်ဘက်ခြမ်းကို ဝင်းသွားဖို့ဖြစ်မယ်ထင်တယ်။” ဟု ဗိုလ်မှူးကြီး နော်ဘူက သုံးသပ်ပြောဆိုသည်။

KIA ၏ အလောဘွမ် (Alaw Bum) စခန်းကို အာဏာသိမ်းစစ်တပ်က ဧပြီလ ၁၁ ရက်နေ့ကစတင်ပြီး ဂျက်လေယာဉ် ၊ လက်နက်ကြီး အပြင် အင်အားကြီးမားသော စစ်ကြောင်း ၂ ခုဖြင့် ထိုးစစ်ဆင်ခဲ့ပြီးနောက် စစ်ကြောင်းတစ်ခုသည် ချေးမှုန်းခံရပြီး နောက်ထပ် တစ်ကြောင်းကို စောင့်ကြည့်နေကြောင်း ဆက်လက်ပြောဆိုသည်။

“စစ်ကြောင်း တစ်ခုကမြို့သစ် ကုန်းလော ဘက်ကနေ ဗျူဟာလမ်းမကနေ ပုံမှန်တက်လာတယ်။ တပ်ရင်းမှူးထိတဲ့အဖွဲ့ကတော့ နောက်ဆုတ်သွားပြီ။ အဲဘက်မှာ တစ်ကြောင်းကျန်သေးတယ်။ သူတို့ လှုပ်ရှားတာနဲ့ တိုက်ပွဲဖြစ်တယ်။ အဓိကစစ်ကြောင်းအကြီး ၂ ခုပေါ့။” ဟု ဗိုလ်မှူးကြီး နော်ဘူက က ပြောသည်။

ယခုရက်ပိုင်းအတွင်း ဗန်းမော် (Manmaw) ခရိုင်တိုက်ပွဲတွင် ထိခိုက်ကျဆုံးမှု များပြားနေသော အာဏာသိမ်းစစ်တပ်က အရပ်သားသုံးလေယာဉ်ဖြင့် ဗန်းမော် လေဆိပ်တွင် စစ်အင်အား ပို့ဆောင်မှုများ ပြုလုပ်နေကြောင်း ဗန်းမော် ဒေသခံများထံမှ သိရသည်။

Read Previous

ဖားကန့်လမ်းတွင် အာဏာသိမ်းစစ်တပ်နှင့် KIA တိုက်ပွဲဖြစ်ပွားခဲ့

Read Next

ဗန်းမော်လေဆိပ်တွင် နံနက်ပိုင်းအတွင်း လေယာဉ် ၇ ကြိမ်ဆင်းပြီး စစ်အင်အားတိုးချဲ့