,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

ပူတာအိုဒေသခံများ လူသားဒိုင်းအဖြစ် အသုံးပြုခံနေရ

ရှေ့တန်း တစ်နေရာတွင် စစ်ကောင်စီတပ်များ မြင်တွေ့ရပုံ

ပူတာအို ခရိုင် ရှေ့တန်းစစ်မျက်နှာများတွင် အာဏာသိမ်းစစ်တပ်က အရပ်သားများကို လူသားဒိုင်းအဖြစ် အသုံးပြုနေကြောင်း ဒေသခံများက ပြောဆိုသည်။

ဧပြီလ ၁၃ရက်နေ့ ဆွမ်ပရာဘွမ် နှင့် ပူတာအိုမြို့နယ်ကြားရှိ အင်ဆိုင်းယာန်နဲ့ ဆွမ်ပီယာန်ကြား၊ ခင်ဒူယာန်နဲ့ ဖုန်ကျန်းကျေးရွာ စသော နေရာ ၂ ခုတွင်  တိုက်ပွဲဖြစ်ပွားရာတွင် အာဏာသိမ်းစစ်တပ်ဘက်က ထိခိုက်ကျဆုံးမှု များခဲ့ပြီးနောက် ယခုလို ပြုလုပ်လာခြင်းဖြစ်သည်ဟု ဆိုသည်။

“စစ်သားတွေက ပြည်သူတွေကို ကာဗာယူပြီး ရှေ့ကသွားခိုင်းတယ်။ ပြီးရင်သူတို့က နောက်ကလိုက်တယ်။ အဲ့လိုလုပ်တော့ KIA အဖွဲ့က ပြန်တိုက်ရခက်သွားတယ်လို့သိရတယ်။”ဟု ပူတာအိုမှ ပြည်သူတစ်ဦးက ကချင်သတင်းဌာန KNG ကို ပြောသည်။

ဒေသခံများကို ဖမ်းဆီးပြီး ရှေ့မှသွားခိုင်းကာ စစ်သားများက နောက်မှလိုက်ခြင်း နှင့် စစ်တပ်ဘက် သေဆုံးသွားသော စစ်သားအလောင်းများကိုလည်း သယ်ခိုင်းကြောင်း သိရသည်။ ထိုအထဲတွင် အသက်မပြည့်သော လူငယ်များကိုပင် ဖမ်းဆီးအသုံးပြုနေကြောင်း သိရသည်။

ထို့ပြင် ဧပြီလ ၁၄ရက်နေ့ ပူတာအိုမြို့နယ် ဆွမ်ပီယာန်ကျေးရွာအထွက် ဝါဒတ်ယာန်ကျေးရွာတွင် တိုက်ပွဲဖြစ်ပွားခဲ့ပြီးနောက် အာဏာသိမ်းစစ်တပ် စစ်အင်အား ၅၀ခန့်က မြစ်ကြီးနားမှ တက်လာသော ခရီးသည်များ အကာအကွယ်ယူကာ ပူတာအိုအထိ တက်လာခဲ့သည်ဟု ခရီးသည်တစ်ဦးက ပြောသည်။

“စစ်သားတွေက ဘယ်ဘက်ကနေ တက်လာမှန်းတော့မသိရဘူး။ သူတို့နဲ့တွေ့တာက ဝဒတ်ယာန်ကျေးရွာမှာ ဟုတ်တယ်။ အဲ့မှာရောက်တော့ ခရီးသည်တွေကိုလည်း မဖြတ်ခိုင်းဘူး။ ကျနော်တို့ကို ရှေ့ကနေ သွားခိုင်းပြီး သူတို့က နောက်ကနေလိုက်လာကြတယ်။ ပြီးရင်သူတို့စီးတာက စစ်ကားလည်း မဟုတ်ဘူး။ ဆောက်လုပ်ရေးကားဟုတ်တယ်။ အတင်းအဓ္ဓမ လုပ်ခိုင်းတာမျိုးတော့ မရှိဘူး။ သူတို့ကို ကြည့်ရတာ တော်တော်ကြောက်နေတဲ့ပုံဘဲ။ လမ်းသွားရင်းနဲ့ သေနတ်တွေလည်းဖောက်တယ်” ဟု ပြောဆိုသည်။

ထိုသို့တိုက်ပွဲဖြစ်ပွားသည့်နေရာတွင် ပြည်သူများကို ရှေ့တန်း လူသားဒိုင်းအဖြစ် အသုံးပြု ခေါ်ဆောင်မှုများ ပြုလုပ်ခဲ့သောကြောင့် ဆွမ်ပရာဘွမ်ဒေသခံတစ်ချို့ ထိခိုက်ဒဏ်ရာ ရရှိထားကြောင်း သိရသည်။

Read Previous

တနိုင်း ရွှေမှော်တွင် အာဏာသိမ်းစစ်တပ် နှင့် KIA တိုက်ပွဲဖြစ်

Read Next

မိုးမောက်မြို့သို့ စစ်ရှောင်အသစ်များ ထပ်မံ ရောက်ရှိလာ