,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

စစ်တပ်ကို ဆန့်ကျင်တော်လှန်ခြင်းမပြုရန် ပူတာအို ဘာသာရေးနှင့်ယဉ်ကျေးမှုအဖွဲ့များကို စည်းရုံး

ဦးခက်ထိန်နန်

အာဏာသိမ်းစစ်တပ်ကို ဆန့်ကျင်တော်လှန်ခြင်းမပြုလုပ်ရန် ကချင်ပြည်နယ် စစ်ကောင်စီ ဥက္ကဋ္ဌ က ပူတာအိုရှိ ဘာသာရေးနှင့် ယဉ်ကျေးမှုအဖွဲ့အစည်းများကို ငွေကြေးပေးကာ စည်းရုံးမှုပြုလုပ်ခဲ့ကြောင်း သိရသည်။

ဧပြီ ၂၆ ရက်နေ့ ညနေပိုင်း ကချင်ပြည်နယ် စစ်ကောင်စီ ဥက္ကဋ္ဌ ဦးခက်ထိန်နန် က ပူတာအိုမြို့သို့ ရောက်လာခဲ့ပြီး ယဥ်ကျေးမူအဖွဲ့အားလုံး နှင့် ဘာသာပေါင်းစုံ မှ တာဝန်ရှိသူများကို ခရိုင်စုပေါင်းရုံးတွင် ၁ နာရီကြာခေါ်ယူတွေ့ဆုံစဉ် ပြောဆိုခဲ့ခြင်းဖြစ်သည်။

အဆိုပါတွေ့ဆုံမူတွင် စစ်တပ်က ၂၀၀၈ ဖွဲ့စည်းပုံဥပဒေအတိုင်း အာဏာသိမ်းခြင်းမဟုတ်ဘဲ အာဏာထိန်းခြင်းသာဖြစ်ကြောင်းနှင့် စစ်တပ်ကို ဆူပူဆန့်ကျင်တော်လှန်မူများ မပြုလုပ်ရန် ပြောဆိုခဲ့သည်ဟု အဆိုပါတွေ့ဆုံမှုတွင် ပါဝင်တက်ရောက်ခဲ့သော အမည်မဖော်လိုသူတစ်ဦးက ကချင်သတင်းဌာန KNG ကို ယခုလိုပြောသည်။

“ကောင်စီ ဥက္ကဋ္ဌ လာပြောသွားတာက အာဏာသိမ်းတာမဟုတ်ဘူး။ အာဏာထိန်းတာတဲ့။ အရင်တုန်းက အာဏာသိမ်းတာက စစ်သားတွေအုပ်ချုပ်တာတဲ့။ အခုက သူတို့အရပ်သားတွေဘဲ အုပ်ချုပ်နေတယ်လို့ပြောသွားတယ်။ နောက်ပြီး တစ်နှစ်ပြည့်ရင် ရွေးကောက်ပွဲ ပြန်လုပ်ပေးမယ်လို့ပြောသွားတယ်။ အဲ့ကြောင့် ဘာမှဆန့်ကျင်စရာမလိုဘူးတဲ့။ သူတို့ပြောတာ ကြည့်ရင် လာစည်းရုံးတယ်လို့ဘဲမြင်တယ်” ဟု ပြောဆိုသည်။

ပြည်နယ် စစ်ကောင်စီ ဥက္ကဋ္ဌ ဦးခက်ထိန်နန်က ပူတာအိုရှိ ဘာသာပေါင်းစုံ ခွဲယူစေရန် ငွေကျပ် သိန်း၂၀ နှင့် ယဥ်ကျေးမူပေါင်းစုံအတွက် ငွေကျပ် ၁၅သိန်း ပေးသွားသည်ဟု ဆိုသည်။

အာဏာသိမ်းစစ်တပ်၏ ပြည်နယ်ကောင်စီဥက္ကဋ္ဌ ဦးခက်ထိန်နန်က ပူတာအိုမြို့သို့ ယခု ပထမအကြိမ် သွားရောက်ခြင်းဖြစ်သည်ဟု သိရသည်။

ပူတာအိုမြို့သည်လည်း အခြားမြို့များနည်းတူ စစ်အာဏာရှင်ကို ဆန့်ကျင်ဆန္ဒဖော်ထုတ်ခဲ့ကြပြီး ဖမ်းဆီးတရားစွဲခံထားရသူများရှိနေသည်။

Read Previous

CRPH အဖွဲ့ဝင်အဖြစ် ဦးလမာနော်အောင် ပါဝင်လာမှုသည် ကိုယ်ပိုင်ဆုံးဖြတ်ချက်သာဖြစ်

Read Next

PSI စလောင်းများဖြုတ်သိမ်းရန် နမ္မတီး အုပ်ချုပ်ရေးမှုးနှင့် ရဲများက လိုက်လံခြိမ်းခြောက်နေ