,

Breaking News :

စင်းခန်းကျေးတွင် တာဝန်ကျသည့် စစစ(စုံစမ်းစစ်ဆေးရေး) တစ်ဦး အသတ်ခံရ

မြစ်ကြီးနားမြို့အဝင် ဆီဘောက်ဆာယာဉ်တန်းပစ်ခတ်ခံရမှု ထိခိုက်မှုမရှိနိုင်ကြောင်း ဒေသခံများပြော

နောင်မွန် KBC ဘုရားကျောင်း KIA လက်နက်သိုလှောင်ရုံအဖြစ် USDP ပါတီဝင်များ စွပ်စွဲပြောဆို

ဖားကန့်တွင် လက်ဖက်ရည်ဆိုင် ပိုင်ရှင်အမျိုးသမီးကို ဖမ်းဆီးတရားစွဲ

နောင်ကွမ်ကျေးရွာအနီး အာဏာသိမ်းစစ်တပ်စခန်းဘက်တွင် KIA နှင့် ပစ်ခတ်မှုဖြစ်ပွားခဲ့

နမ္မတီးတွင် အကြမ်းဖက်စစ်တပ်၏ ရမ်းသမ်းပစ်ခတ်မှုကြောင့် ပြည်သူ ၁ ဦးသေ၊ ၃ ဦးထိခိုက်ဒဏ်ရာရ

ရွှေကူတွင် ပစ်ခံရသည့် စစ်တပ်ရိက္ခာသယ် သင်္ဘောတစ်စီး ဒုတိယမြစ်ကျဉ်းတွင် ထပ်မံ ပစ်ခတ်ခံရ

မံစီမြို့အနီးတဝိုက် အကြမ်းဖက်စစ်တပ်က လက်နက်ကြီးများဖြင့် ပစ်ခတ်နေ

အလော့ဘွမ်တောင်ခြေ ဒေါ့ဖုန်းယန်မြို့အနီးတွင် အာဏာသိမ်းစစ်တပ်နှင့် KIA တိုက်ပွဲဖြစ်ပွားခဲ့

မိုးညှင်းတွင် ဒလန်ဟု ယူဆရသူ ၂ ဦး ပစ်သတ်ခံရ

ဝိုင်းမော် ပညာရေးဝန်ထမ်းများ လုပ်ငန်းခွင်ပြန်ဝင်ရန် မြို့နယ်ပညာရေးမှူး ခြိမ်းခြောက်ခေါ်ယူနေ

ပြည်သူ့အာဏာဖီဆန်မှု CDM လှုပ်ရှားနေသော ဝိုင်းမော်မြို့နယ်မှ ပညာရေးဝန်ထမ်းများကို မေလ ၇ ရက်နေ့မှစတင်ပြီး လုပ်ငန်းခွင်ပြန်ဝင်ရန် မြို့နယ်ပညာရေးမှူးက ဖိအားပေးခြိမ်းခြောက်နေသည်ဟု သိရသည်။

မြို့နယ်ပညာရေးမှုး ဦးမွန်ကျော်မြင့်သည် CDM ပြုလုပ်သည့် ကျောင်းဆရာ၊ ဆရာမများကို ဖုန်းဖြင့်သော်လည်းကောင်း ခေါ်ယူတွေ့ဆုံမှုဖြင့်သော်လည်းကောင်း ဆက်သွယ်ကာ မလိုက်နာပါက ပုဒ်မ ၅၀၅(က)ဖြင့် တရားစွဲဆိုမှုပြုလုပ်မည်ဟု ခြိမ်းခြောက်ပြောဆိုခဲ့ကြောင်း ဝိုင်းမော်မြို့မှ အမည်မဖော်လိုသူ ဆရာမ တစ်ဦးထံမှ သိရသည်။

“ကျောင်းပြန်ဖွင့်ဖို့ ဆရာမတို့ CDM လုပ်တဲ့ ဆရာ/မ တွေအားလုံးကို ပြန်ခေါ်နေပြီလို့သိရတယ်။ တစ်ချို့ဆရာမတွေက ဖိအားပေးတော့ ပြန်ဝင်သွားတာတွေရှိတယ်။ ဆရာမကိုလည်း ဖုန်းဆက်ခေါ်တယ် အလုပ်ထဲ ပြန်ဝင်ဖို့ပေါ့။ လစာမရလည်း ဘာမဖြစ်ဘူး။ ပြီးရင် အလုပ်ထုတ်လည်းဘာမဖြစ်ဘူး။ CDM ဆက်လုပ်နေမှာဘဲ”ဟု ပြောဆိုသည်။

ဖိအားပေးခြိမ်းခြောက်ခံရသည့်အတွက် CDM ပြုလုပ်နေသည့် ဆရာ/မ အများစုက လုပ်ငန်းခွင်ထဲ ပြန်ဝင်သွားကြကြောင်း သူက ဆက်ဆိုသည်။

ပြီးခဲ့သည့်ဖေဖော်ဝါရီလက ဝိုင်းမော်မြို့တွင် စစ်အာဏာရှင်ကို ဆန့်ကျင်ဆန္ဒဖော်ထုတ်ရင်း ဖမ်းဆီးခံထားရသော ဆရာမများလည်း ရှိနေဆဲဖြစ်သည်။

အာဏာသိမ်းစစ်အုပ်စုက လာမည့်လတွင် ပညာရေးစာသင်ကျောင်းများ ပြန်လည်ဖွင့်လှစ်တော့မည်ဟု ကြေညာထားသည့်အတိုင်း ပြည်နယ်၊ မြို့နယ် ပညာရေးမှူးများမှတဆင့် ကျောင်းဆရာ၊ ဆရာမများကို လုပ်ငန်းခွင်ထဲ ပြန်ဝင်ရန် ဖိအားပေးခြိမ်းခြောက်နေသည်။

ဝိုင်းမော်မြို့နယ်တွင်သာမက မိုးညှင်းမြို့နယ် မြို့သစ်ကလေး အထက်တန်းကျောင်းမှ ကျောင်အုပ်ဆရာကြီး အောင်စိုးလင်းနှင့် စာရေးမအဆင့်ရှိသူ ဒေါ်သင်းသင်းအေးတို့ကလည်း CDM ပြုလုပ်နေသည့် ဆရာ၊ ဆရာမများကို ဖိအားပေးကာ ခေါ်ယူနေကြောင်း သိရသည်။

Read Previous

ကွတ်ခိုင်မြို့အနီး တိုက်ပွဲဖြစ်၊ ဒေသခံအချို့ ထွက်ပြေးတိမ်းရှောင်

Read Next

နမ္မတီးကျေးရွာအနီး အာဏာသိမ်းစစ်တပ်ယာဉ်တန်းကို KIA မိုင်းခွဲတိုက်ခိုက်

Leave a Reply

Your email address will not be published. Required fields are marked *