,

Breaking News :

လုံးခင်းတွင် ဖုန်းဆိုင်တစ်ခု ဓါးပြတိုက်ခံရပြီး ငွေကျပ် သိန်း ၅၀ ဖိုးလုယူသွား

အင်ဂန်းကျေးရွာ နေအိမ်မီးလောင်ပြီး ကလေးငယ်နှင့် သက်ကြီးရွယ်အို စုစုပေါင်း ၇ ဦးသေဆုံး

ဖုန်အိန်ယာန်တွင် KIO ရွှေတူးဖော်မည့်အပေါ် ဒေသခံပြည်သူများ ကန့်ကွက်နေ

ဖားကန့်လမ်းတွင် ဒေသခံအမျိုးသား ၅၀ ဦးကို စစ်ကောင်စီဖမ်းဆီးထား

အွန်လိုင်း ငွေလိမ်လုပ်ငန်းမှာ လူကုန်ကူးခံနေရတဲ့ လူငယ်များ

နေအိမ် အလုံး ၅၀၀ ကျော်ကို KIA နှင့် PDF အဖွဲ့များ မီးရှို့ဖျက်ဆီးလိုက်သည်ဆိုသော သတင်းအမှား

အင်းတော် ရဲစခန်းရှေ့ဖြတ်သွားသည့် အသက် ၆၀ ကျော် ပြည်သူတစ်ဦး ပစ်ခတ်ဖမ်းဆီးခံရ

ရွှေဘိုတွင် တစ်ရက်အတွင်း ကျေးရွာ ၃ ရွာမှ လူနေအိမ် ၁၇၀ ခန့် မီးရှို့ခံရ

ကန့်ဘလူမြို့နယ်တွင် စစ်ဘေးရှောင်ရင်း မြွေကိုက်ခံရသူ ၃၉ ဦးရှိလာ

ဖားကန့်တွင် စစ်ဆေးရေးတင်းကြပ်နေသည့် စစ်ကေင်စီအဖွဲ့ ဒရုန်းဖြင့် ဗုံးကျဲတိုက်ခိုက်ခံရ

အင်းတော်ကြီး နန့်မွန်းတွင် အာဏာသိမ်းစစ်တပ်နှင့် KIA တိုက်ပွဲဖြစ်

ကချင်ပြည်နယ် အင်းတော်ကြီးဒေသ နန့်မွန်း (Na Mawn) ရှိ အာဏာသိမ်းစစ်တပ်အောက်စခန်း ၂ခုကို ကချင်လွတ်လပ်ရေးတပ်မတော် KIA က ဝင်ရောက်တိုက်ခိုက်ခဲ့ပြီးနောက် လက်နက်ကြီးကျည်ကြောင့် လူနေအိမ်တချို့ ပျက်ဆီးခဲ့ကြောင်း သိရသည်။

တိုက်ပွဲဖြစ်ပွားခဲ့သည့် ပြည်သူ့စစ်တပ်စခန်းအနောက်ဘက်ရပ်ကွက် လူနေအိမ်တစ်ခုတွင် လက်နက်ကြီး တစ်လုံးကျပေါက်ကွဲသွားသဖြင့် ထိုနေအိမ်အတွင်းမှ အိမ်ရှင် ၂ဦး ကျည်ထိမှန် ထိခိုက်ဒဏ်ရာ ရရှိထားသည်ဟု လုံခြုံရေးအရ အမည်မဖော်လိုသူ နန့်မွန်းဒေသခံတစ်ဦးက KNG သတင်းဌာနကို ပြောဆိုခဲ့သည်။

“အဲ့မှာတိုက်ပွဲဖြစ်တော့ အပြန်အလှန်လက်နက်ကြီးတွေနဲ့ပစ်ခတ်ကြတယ်။ အနီးမှာရှိတဲ့ လူနေအိမ်မှာသွားကျတယ်တဲ့။ အဲ့အိမ်က အိမ်သား ၂ ယောက်မှာ ကျည်စထိမှန်ထားတယ်လို့ သိရတယ်။ ဘယ်သူ့ဘက်က လက်နက်ကြီးမှန်းတော့ မသိရဘူး” ဟု ပြောဆိုသည်။

မေလ ၂၉ရက်ည သန်ခေါင်ယံ ၁၂နာရီဝန်းကျင်တွင် နန့်မွန် ပြည်သူ့စစ် တပ်စခန်းတွင် တပ်စွဲထားသော အာဏာသိမ်းစစ်တပ်ကို KIA က ဝင်ရောက်တိုက်ခိုက်ခဲ့ခြင်းဖြစ်ပြီး ၁နာရီခန့်အကြာ တိုက်ပွဲဖြစ်ပွားသည်ဟု ဒေသခံများ ပြောဆိုချက်မှသိရသည်။

ထိုသို့ ပြည်သူ့စစ်တပ်စခန်းတွင် တိုက်ပွဲဖြစ်ပွားနေချိန် နန့်မွန်းနှင့် ဟိုပင်ကြားရှိ ၁၄မိုင်တောင်ထိပ်စစ်တပ်ကုန်းမှ လက်နက်ကြီးများဖြင့် ပစ်ခတ်လာသည့်အတွက် KIA က ပြန်လည်ဆုတ်ခွာသွားကြောင်း နောက်ထပ် နန့်မွန်းဒေသခံတစ်ဦး၏ ပြောဆိုချက်မှ သိရသည်။

“သူတို့ အပြန်အလှန်တိုက်ပွဲဖြစ်နေတဲ့ချိန် နန့်မွန်း ၁၄မိုင်တောင်ထိပ်မှာရှိတဲ့ စစ်တပ်က လက်နက်ကြီးနဲ့ စစ်ကူပစ်ခတ်ပေးတယ်။ လက်နက်ကြီးတွေက အဲ့တိုက်ပွဲဖြစ်ပွားတဲ့နေရာမှာက မထိဘဲ ရွာအတွင်းမှာကျလာတယ်။ ရွာအတွင်းထိခိုက်လာနိုင်တဲ့အတွက် KIA က ပြန်ဆုတ်သွားတယ်လို့လည်း ကြားတယ်” ဟု ပြောဆိုသည်။

အဆိုနေရာများသည် ကချင်လွတ်လပ်ရေးတပ်မတော် KIA တပ်မဟာ ၈ နယ်မြေဖြစ်ကြောင်း သိရသည်။

Read Previous

အလော့ဘွမ်တောင်ခြေတွင် အာဏာသိမ်းစစ်တပ်၏ စစ်အင်အားပို့ မြင်းများ ရောက်ရှိနေ

Read Next

ဟိုကပ်အုပ်ချုပ်ရေးမှူးနှင့် ဇနီး၊ သာပဒေါင်း အုပ်ချုပ်ရေးမှူးဟောင်း စုစုပေါင်း ၃ ဦး ပစ်သတ်ခံရ