,

Breaking News :

ဝက်လက်နယ် တိုက်ပွဲတွင် ၂ဖက်တပ် အကျအဆုံးများဟုဆို

ဒီပဲယင်းတွင် လေကြောင်းလိုင်းဖြင့် တိုက်ခိုက်ခံရမှုကြောင့် ကျေးရွာ ၂ခုထွက်ပြေးတိမ်းရှောင်နေရ

ဆားလင်းကြီးနယ်တွင် စစ်ကောင်စီတပ် သေနတ်လိုက်လံပစ်ခတ်မှုကြောင့် ပြည်သူ ၂ဦးထိမှန်

ဖမ်းဆီးခံထားရသည့် PDF တပ်သား ၄ ဦးအနက် ၂ ဦးကို ထောင်တွင်းသတ်ဖြတ်ခံရဟုဆို

ကသာတွင် ကျောင်းသားတစ်ဦးထံမှ ဆေးခြောက်တွေ့ရှိသဖြင့် ပြည်သူ ၁၃ဦးကို စစ်ကောင်စီဖမ်းဆီး

အင်းတော်နယ်တွင် ထောင်ထားသည့် မိုင်းကြိုးစဆွဲမိသဖြင့် အမျိုးသား၂ဦးသေဆုံး

ကသာတွင် စစ်ကောင်စီ သတင်းပေးသူဟု ဆိုရသော ရာအိမ်မှူးတစ်ဦးဖမ်းဆီးခံရ

ပရိသတ်စိတ်ဝင်စားမည့် သတင်းအမှား ခေါင်းစဉ်ဖြင့် ဝင်ငွေရှာနေသော YouTube ချန်နယ်များကို သတိပြုရန်

ကင်းပုန်းဝပ်ပြီးပြန်လာသည့် စစ်ကောင်စီတပ် မိုင်းဆွဲတိုက်ခိုက်ခံရပြီး ၅ဦးသေဆုံး

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

ဗန်းမော် စစ်ရှောင်စခန်းများတွင် အစားအသောက် ကူညီထောက်ပံ့မှု လိုအပ်နေ

Stay Home သတ်မှတ်ထားသည့် ဗန်းမော်မြို့တွင်းရှိ စစ်ရှောင်စခန်းများတွင် အစားသောက်ကူညီထောက်ပံ့မူများ အရေးကြီးလိုအပ်နေကြောင်း စစ်ရှောင်စခန်းတာဝန်ခံများထံမှ သိရသည်။

“ကျနော်တို့ Camp မှာ ထောက်ပံ့ကြေးမရတာ ၂လကျော်ရှိသွားပြီ။ ကိုဗစ်ဘေးကဖြစ်နေတာနဲ့ မြို့ပြင်ထွက်ပြီး ရှာဖွေစားသောက်ဖို့လည်း ဘယ်လိုမှမဖြစ်နိုင်ဘူး။ အရင်ကဆို နေ့စားတွေ ဘာတွေရှိရင် ထွက်ရှာလို့ရသေးတယ်။ ခုအခြေနေမှာက တစ်မြို့လုံး Stay at Home သတ်မှတ်ထားတော့ အပြင်ထွက်လို့လည်းမရ  အရမ်းကိုခက်ခဲဖြစ်နေပါတယ်” ဟု ရောဘတ်စစ်ရှောင်စခန်းတာဝန်ခံက ပြောသည်။

ရောဘတ်စစ်ရှောင်စခန်းသည် ဗန်းမော်ခရိုင်အတွင်းရှိ နမ့်လင်းပါ၊ ဒေါ့ဖုန်းယန်၊ နွမ်းလန် အစရှိသည့် ကျေးရွာပေါင်း ၁၀ ခုမှ ပြည်သူများလာရောက်ခိုလှုံနေကြသည့် စစ်ရှောင်စခန်းဖြစ်ပြီး လူဦးရေအားဖြင့် ၃၈၄၁ ဦး အိမ်ထောင်စုပေါင်း ၆၀၂ စု ရှိကြောင်း သိရသည်။

ယင်းစစ်ရှောင်စခန်းများတွင် စစ်အာဏာသိမ်းမူမဖြစ်ခင်အချိန်များ၌ (WFP) မှ ကူညီထောက်ပံ့ပေးမူများပေးခဲ့ပြီး ပြီးခဲ့သည့် မေလကုန် ခန့်မှစကာ ထောက်ပံ့ကြေး မရရှိတော့ကြောင်း စခန်းတာဝန်ခံများက ပြောသည်။

“ထောက်ပံ့ကြေးရုတ်သိမ်းသွားတောတော့ မဟုတ်ဘူး။ ကျနော်တို့မေးကြည့်တော့ နိုင်ငံရေးမကောင်းလို့ ငွေလွှဲပေးဖို့ ခက်ခဲတယ်။ ဘယ်လိုမှအဆင်မပြေဘူးလို့ ပြောပါတယ်။ ဘယ်တော့လောက်ပြန်ရနိုင်မလဲဆိုတာလဲ မသိရသေးဘူး “ ဟု စခန်းတာဝန်ခံတစ်ဦးကပြောသည်။

ယခင်က စစ်ရှောင်တစ်ဦးလျှင် တစ်လ ငွေကျပ် ၁၂၀၀၀ ခန့်ရရှိပြီး ဆန် ၅ ပြည်ရရှိခဲ့သည်။

ထို့ပြင် စစ်ရှောင်စခန်းများတွင် အစားအသောက်များလိုအပ်နေသည့်အပြင်  ကျန်းမာရေးအတွက် ကာကွယ်ပစ္စည်းများလည်း အရေးတကြီးလိုအပ်နေကြောင်း ထွယ်ဆန် စစ်ရှောင်စခန်းတာဝန်ခံတစ်ဦးက ခုလိုပြောသည်။

“အဓိက ပထမ အစားသောက်လိုအပ်တယ်။ ပြီးတော့ ကျန်းမာရေးကာကွယ်ဖို့ လက်သန့်ဆေးရည်တွေလည်း လိုအပ်နေတယ်။ လက်ဆေးဖို့  ဆပ်ပြာတောင် မရှိကြတော့ဘူး။ ထောက်ပံ့ကြေးက နောက်လလည်း မသေချာသေးဘူးထင်တယ်။ ခုလောလောဆယ်တော့ အချင်းချင်း ချေးဌားပြီးမှ စားနေကြတယ်” ဟု ထွယ်ဆန်စစ်ရှောင်စခန်းတာဝန်ခံတစ်ဦးက ပြောသည်။

ထွယ်ဆန်စစ်ရှောင်စခန်းတွင် လူဦးရေ ( ၂၂၂) ဦးနှင့် အိမ်ထောင်စုပေါင်း (၃၇) စုနေထိုင်ကာ လက်ရှိတွင် ကိုဗစ်-၁၉ တတိယလှိုင်း ပြင်းထန်နေသည့်အတွက် စခန်းတွင်း ကျန်းမာရေးစောက်ရှောက်မူများလည်း လိုအပ်ကြောင်း သိရသည်။

စစ်အာဏာသိမ်းပြီးနောက် ကချင်ပြည်နယ်တွင် တိုက်ပွဲများပြင်းထန်လာသည့်အနက် ဗန်းမော်ခရိုင်သည် တိုက်ပွဲ ပြင်းထန်စွာ ဖြစ်ပွားနေသော နေရာဖြစ်ကာ စစ်ရှောင်အများအပြားလည်း ရှိနေဆဲ ဖြစ်သည်။

Read Previous

အဓမ္မပြုကျင့်သတ်ဖြတ်ခံရသော အမျိုးသမီး၏ မိသားစုကို စစ်ကောင်စီက ငွေကျပ် ၂၁ သိန်းဖြင့် တောင်းပန်

Read Next

မြစ်ကြီးနားတွင် တပတ်အတွင်း ကိုဗစ်-၁၉ ကူးစက်မှုကြောင့် သေဆုံးသူ ပိုများလာ

Leave a Reply

Your email address will not be published.