,

Breaking News :

နောင်းနန် တိုက်နယ် ယာယီအုပ်ချုပ်ရေးမှူး သေနတ်ဖြင့် ပစ်သတ်ခံရ

စစ်ကောင်စီ တင့်ကား ၂ စီး၊ စစ်ကား ၃၀ ကျော် ၊ ခြေကျင်စစ်သား ၂၀၀ ကျော်ဖြင့် မုံးကိုး ဘက်သို့ ချီတက်လာ

ကုန်ကားအသွင်ဖြင့် စစ်အင်အားတိုးချဲ့လာသော စစ်ကောင်စီတပ်ကို KIA မိုင်းခွဲ တိုက်ခိုက်

စစ်ကောင်စီတပ် မှ လိုင်ဇာမြို့သို့ လက်နက်ကြီးဖြင့် တိုက်ခိုက်

မုံးကိုး စစ်ဘေးဒုက္ခသည် ၂၆ ဦး COVID-19 ပိုး ကူးစက်ခံထားရ

တနိုင်း စစ်ကောင်စီတပ်ကို KIA မိုင်းခွဲတိုက်ခိုက်

စစ်ကောင်စီလက်အောက် လောက်ကိုင် နယ်ခြားစောင့်တပ်များ ဒေသခံများ၏ လယ်ယာခြံမြေကို ဖျက်ဆီး

တရုန် ရောက် စစ်ကောင်စီတပ်ကို ပစ်ခတ်ခြင်းမပြုရန် KIA ထံ ဒေသခံများမှတဆင့် အကြောင်းကြားခိုင်း

နမ့်ခမ်း COVID -19 ပရဟိတအဖွဲ့ဝင်အချို့ ပိုးကူးစက်ခံထားရ

မြန်မာ နယ်နမိတ်အတွင်းထိ တရုတ်နယ်ကျွံ ခြံခတ်မှုကို ဒေသခံများ ဖျက်စီးပစ်

အာဏာသိမ်းစစ်တပ် ပစ်ခတ်မှုကြောင့် မိုင်းနောင် ပြည်သူ ၂ဦး ဒဏ်ရာရရှိပြီး လူနေအိမ်များ ပျက်စီး

အင်းတော်ကြီးမြို့ မမုန်ကိုင်အုပ်စု မိုင်းနောင်ကျေးရွာတွင် အာဏာသိမ်းစစ်တပ်မှ ကျေးရွာအတွင်း လက်နက်ငယ်များဖြင့် ပစ်ခတ်မှုကြောင့် ပြည်သူ ၂ဦး ထိခိုက်ဒဏ်ရာရရှိခဲ့ပြီး လူနေအိမ်များလည်း ပျက်စီးသွားကြောင်း သိရသည်။

ဩဂုတ် ၁၀ ရက်နေ့ ည ၁၀ နာရီဝန်းကျင်တွင် စစ်ကောင်စီတပ်မ ၃၃ ၊ ခလရ ၁၁ နှင့် ပြည်သူ့စစ်အဖွဲ့များပါဝင်သော အင်အား ၃၀ ကျော်ခန့်က မိုင်းနောင်ကျေးရွာ စုစည်းရပ်ကွက်ဘက်သို့ သေနတ် ရမ်းသမ်းပစ်ခတ်ခဲ့ကြောင်း အမည်မဖော်လို ဒေသခံတစ်ဦးက KNG သတင်းဌာနကို ပြောဆိုခဲ့သည်။

“မိုင်းနောင်ကျေးရွာရဲ့ ပတ်ပတ်လည်းမှာ တစ်ခြားလူမျိုးတွေလည်းရှိကြတယ်။ ဒါပေမယ့် အဲ့ဒီဘက်က မပစ်ဘူး။ စစ်သားတွေက ကချင်တွေနေတဲ့ ရပ်ကွက်ဘက်ဘဲ ပစ်သွားတယ်။ တစ်ချို့အိမ်တွေဆို ကျည်ထိအရာတွေကြီးဘဲ အပေါက်တွေဖြစ်ကုန်ပြီ။ အသက်ကြီးတဲ့ အမျိုး သမီး ၂ယောက်က ဒဏ်ရာ ရထားတယ်” ဟု ပြောဆိုသည်။

ပစ်ခတ်မှုကြောင့် အသက် ၄၀ အရွယ်ရှိ ဒေါ်ဒရှီလုတောင် (Jan Dashi Lu Tawng) ၏ လက်မောင်းတစ်ဖက်တွင် ကျည်ထိမှန်ထားပြီး အသက် ၅၂ အရွယ်ရှိ ဖကွန်ဘေက်ဂျာ ခါးနောက်ကျောတွင် ထိခိုက်ဒဏ်ရာရှိထားကြောင်း သိရသည်။

အာဏာသိမ်းစစ်တပ်အဖွဲ့ကည ၁၁ နာရီဝန်းကျင်အထိ ရွာထိပ်ပိုင်းမှ ရွာအောက်ပိုင်းအထိ ည ၁၁ နာရီဝန်းကျင်အထိ လာရောက် ပစ်ခတ်မှုပြုလုပ်သွားခဲ့သောကြောင့် စုစည်းရပ်ကွက်အတွင်း လူနေအိမ် ၅ အိမ်ထက် မနည်း လက်နက်ကျည်ထိကာ ပျက်စီးမှုရှိကြောင်း သိရသည်။

အဆိုပါ ပစ်ခတ်မှုမှာ တိုက်ပွဲ ဖြစ်ပွားခြင်းကြောင့် မဟုတ်ဘဲ စစ်ကောင်စီဘက်က တစ်ဖက်သတ် လာရောက်ပစ်ခတ်ခဲ့ခြင်းသာ ဖြစ်သည်ဟု ဒေသခံများက ဆိုပါသည်။

Read Previous

စစ်အာဏာရှင်ကို အမြစ်ဖြတ်ချေမှုန်းရန် ဆုံးဖြတ်ထားဟု ကချင်အာဇာနည်နေ့ KIO ဥက္ကဋ္ဌ မိန့်ခွန်းတွင် ဖော်ပြ

Read Next

ခလရ (၅၈) တပ်မှ မဒိန့်ကျေးရွာ ပြည်သူတစ်ဦးကို ဖမ်းဆီးသွား

Leave a Reply

Your email address will not be published. Required fields are marked *