,

Breaking News :

အသံတိတ်သပိတ်ပါဝင်မည့်သူများကို အရေးယူရန် မြစ်ကြီးနားမြို့နယ် ထွေအုပ်နှင့် ရဲများ ပြင်ဆင်နေ

အချိန်မှီတင်ပို့နိုင်ခြင်းမရှိသောကြောင့် တရုတ်နယ်စပ် မြန်မာကြံခင်းလုပ်ငန်းရှင်များ အခက်တွေ့နေ

“နယ်စပ်ဒေသနှင့် မြန်မာနိုင်ငံမှာ တိုက်ပွဲ မဖြစ်ပေးဖို့ တရုတ်အစိုးရဘက်က တောင်းဆိုတာရှိတယ်” မေးမြန်းချက်

ဖောင်းဆိုင်ဒေသအတွင်း စစ်ဘေးရှောင်ပြည်သူများ၏ စားနပ်ရိက္ခာ သယ်ယူခွင့်ပိတ်ပင်ခံနေရ

အင်းတော်မြို့နယ်တွင် စစ်ကောင်စီကား ၂ စီး မိုင်းဆွဲခံရပြီး သုံးပွင့်ဗိုလ်အပါ စုစုပေါင်း ၁၁ ဦးသေဆုံး

တနိုင်းတွင် ထောင်ဒဏ် ၂ နှစ်ချခံရသော လူငယ်များကို ရဟတ်ယာဉ်ဖြင့် မြစ်ကြီးနားသို့ပို့

ကသာမြို့နယ် နတ်လိုင်ကျေးရွာအနီး ABSDF နှင့် စစ်ကောင်စီတို့ တိုက်ပွဲပြင်းထန်နေ

စစ်တပ်ထုတ်ကုန်ပစ္စည်း ရောင်းချမှုတားမြစ်ချက် ထိရောက်ကြောင်း KIO ခရိုင်အုပ်ချုပ်ရေး တာဝန်ရှိသူများပြော

ကသာမြို့ ဖမ်းဆီးခံထားရသည့် ဦးစိုးတင့်၏ ရွှေဆိုင် ချိတ်ပိတ်ခံရ

အစာစနစ်ပျက်စီးမှုနှင့်ရင်ဆိုင်ရတော့မည့် ဆင်တွေရဲ့ဘဝ

စစ်အာဏာရှင်ကို အမြစ်ဖြတ်ချေမှုန်းရန် ဆုံးဖြတ်ထားဟု ကချင်အာဇာနည်နေ့ KIO ဥက္ကဋ္ဌ မိန့်ခွန်းတွင် ဖော်ပြ

ကချင်လွတ်လပ်ရေးအဖွဲ့ KIO ဥက္ကဋ္ဌ ဗိုလ်ချုပ်ကြီး အင်ဘန်လ

လူမျိုးကြီးဝါဒကျင့်သုံးပြီး အုပ်ချုပ်နေသော စစ်အာဏာရှင်စနစ်ကို အမြစ်ဖြတ် ချေမှုန်းသွားရန် KIO အနေဖြင့် ဗမာပြည်သူလူထု၊ အဖွဲ့အစည်းများဖြင့် လက်တွဲလုပ်ဆောင်နေကြောင်း ယနေ့ ကျရောက်သော ကချင်အာဇာနည်နေ့တွင် KIO ဥက္ကဋ္ဌ ဗိုလ်ချုပ်ကြီး အင်ဘန်လ ၏ မိန့်ခွန်းတွင် ပါရှိသည်။

“ကချင်လွတ်လပ်ရေးအဖွဲ့ KIO သည် ဗမာလူမျိုးကြီးဝါဒကျင့်သုံးပြီး စစ်အာဏာရှင်စနစ်ဖြင့် အုပ်ချုပ်နေသော စစ်တပ်ကို အမြစ်ပြတ်ချေမှုန်းသွားဖို့ ဆုံးဖြတ်ထားသည့်အတွက် တော်လှန်ရေးမဟာမိတ်အဖွဲ့၊ ဗမာ ပြည်သူလူထု၊ အဖွဲ့အစည်းများဖြင့် လက်တွဲကာ နိုင်ငံရေး၊ စစ်ရေးအရ ပူးပေါင်း တိုက်ခိုက်မှုများ အစီစဉ်တကျပြုလုပ်နေပါတယ်” ဟု KIO ဥက္ကဋ္ဌ ဗိုလ်ချုပ်ကြီးအင်ဘန်လ၏ မိန့်ခွန်းတွင် ဖော်ပြထားသည်။

စစ်အာဏာသိမ်းပြီး တစ်လအကြာ ၂၀၂၁ မတ်လမှ စတင်ပြီး ကချင်ဒေသများတွင် စစ်တပ်ကို ခုခံတိုက်ခိုက်သည့် စစ်ပွဲများ တဖန်ဖြစ်ပေါ်လာချိန် အခြားပြည်သူများ၏ ကူညီထောက်ပံ့လာသော ဆေးဝါး၊ အစားအသောက်၊ အသုံးအဆောင်ပစ္စည်း နှင့် ငွေကြေးများကို ကချင်လွတ်လပ်ရေးအဖွဲ့ KIO က လက်ခံရရှိကြောင်း ဆိုထားသည်။

ထို့အပြင် ကျွမ်းကျင်သော ကျန်းမာရေးဝန်ထမ်းများ၏ နေ့ည မပြတ် ကူညီပေးနေမှုသည်လည်း ထူးခြားသည့် သမိုင်းမှတ်တမ်းတစ်ခုဖြစ်နေကြောင်း ကျေးဇူးတင်စကား ဖော်ပြထားသည်။

အာဏာသိမ်းစစ်အုပ်စုသည် ပြည်သူကို ရန်သူသဖွယ် ပစ်သတ်ခြင်း၊ ဖမ်းဆီးနှိပ်စက်ခြင်း၊ ပြည်သူလူထုနေအိမ်များကို မီးရှို့ခြင်း၊ ငွေကြေး ဥစ္စာ လုယက်ခြင်း စသည့်လုပ်ရပ်များသည် ၂၁ ရာစု မည်သည့်နေရာတွင်မျှ မရှိသော ဖက်ဆစ်စနစ်ကို ကျင့်သုံးနေခြင်း ဖြစ်သည်ဟု KIO ဥက္ကဋ္ဌ မိန့်ခွန်းတွင် သုံးသပ် ပြောဆိုထားသည်။ စစ်တပ်၏ အဆိုပါလုပ်ရပ်များကို ကချင်ဒေသတွင် ခံစားခဲ့ရသည်မှာ နှစ်ပေါင်း ၇၀ ကျော် ပြီဟု ဆိုထားသည်။

KIA ဝန်ထမ်းများအနေဖြင့်လည်း မြန်မာတစ်နိုင်ငံလုံးက အားပေးနေသည့်အတွက် တိုက်ပွဲတိုင်းအောင်မြင်မှုရအောင် အားစိုက်ထုတ်ကြရန်နှင့် လူ့အခွင့်အရေးချိုးဖောက်မှုဖြစ်စေနိုင်သော လုပ်ရပ်များကို အထူးရှောင်ရှားရန် တိုက်တွန်းထားသည်ကို တွေ့ရသည်။

ယနေ့ ကျရောက်သော ကချင် အာဇာနည်နေ့ကို Covid-19 အခြေအနေကြောင့် ယခင်နှစ်များလို လူစုလူဝေးဖြင့် ပြုလုပ်နိုင်ခြင်း မရှိကြောင်း သိရသည်။

ပထမဆုံးသော ကချင်လွတ်လပ်ရေးအဖွဲ့ KIO/KIA ဥက္ကဋ္ဌ GOC Lahtaw Zau Seng လုပ်ကြံသတ်ဖြတ်ခံရသော ၁၉၇၅ ဩဂုတ် ၁၀ ရက်နေ့ကို ကချင်အာဇာနည်နေ့အဖြစ် KIO က သတ်မှတ်ပြီး နှစ်စဉ် ပြုလုပ်ခဲ့ရာ ယနေ့သည် ၄၆ ကြိမ်မြောက်ရှိပြီ ဖြစ်သည်။

လက်ရှိတွင် ကချင်ပြည်နယ်အတွင်းနှင့် စစ်ကိုင်းတိုင်း အစပ် ၊ ရှမ်းမြောက်ဒေသများတွင် စစ်ကောင်စီတပ်များနှင့် ကချင်လွတ်လပ်ရေးတပ်မတော် KIA တို့ တိုက်ပွဲ ဖြစ်ပွားနေသော အချိန်ဖြစ်သည်။

Read Previous

ဘူးဂါးလျှပ်စစ်ဝန်ထမ်း ၆ ဦးကို စစ်ကောင်စီတပ် ဖမ်းဆီးခေါ်ဆောင်ပြီး ရဲစခန်းတွင် ထိန်းသိမ်းထား

Read Next

အာဏာသိမ်းစစ်တပ် ပစ်ခတ်မှုကြောင့် မိုင်းနောင် ပြည်သူ ၂ဦး ဒဏ်ရာရရှိပြီး လူနေအိမ်များ ပျက်စီး

Leave a Reply

Your email address will not be published.