,

Breaking News :

ဖားကန့်တွင် ဆယ်နှစ်အောက် ကလေး ၄ဦးအပါ ပြည်သူ ၂၀ ကျော်ဖမ်းဆီးခံထားရဆဲ

စစ်အာအားအပြည့်တင်ဆောင်လာသည့် ၁၂ ဘီးကားတစ်စီး မိုင်းဆွဲတိုက်ခိုက်ခံရ

မန်ခိန် အ.ထ.က ကျောင်းတွင် ဆိုင်ကယ်ခိုးမှု မကြာခဏကြုံတွေ့နေရ

မြောင်တွင် စစ်ကောင်စီ နှင့် ပျူစောထီးအဖွဲ့များတိုက်ခိုက်ခံရပြီး ၂ဦး သေဆုံး

အင်းတော်တွင် ကလေးအပါအဝင် အရပ်သား ၁၀ ဦး စစ်ကောင်စီ က လူသားဒိုင်းအဖြစ် ဖမ်းဆီးခေါ်ဆောင်

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ဟူးကောင်းဒေသ စစ်ကောင်စီတပ်ကို KIA ကြားဖြတ်တိုက်ခိုက်၊ စစ်ကောင်စီဘက် ထိခိုက်သေဆုံးမှုများပြား

KIA-soldiers-on-Seng-Ja-Bum

တနိုင်း ဟူးဟောင့်ချိုင့်ဝှမ်းဒေသ ကချင်လွတ်လပ်ရေးတပ်မတော် KIA တပ်ရင်း ၁၄ နယ်မြေသို့ ဝင်ရောက်လာသော အာဏာသိမ်းစစ်တပ်ကို KIA က တိုက်ခိုက်ခဲ့ရာ စစ်ကောင်စီဘက်က ထိခိုက်ကျဆုံးမှု များပြားခဲ့ကြောင်း သိရသည်။

ဩဂုတ်လ ၂၁ နေ့ KIA တပ်ရင်း ၁၄ နယ်မြေသို့ စစ်အင်အားတိုးချဲ့လာသည့် စစ်ကောင်စီအင်အား ၅၀ ခန့်ကို နန်ခမ့်ကျေးရွာအနီး ဒုန်ခွန်ကျေးရွာတွင် KIA က ကြားဖြတ်တိုက်ခိုက်ခဲ့ကြောင်း နန့်ခမ်ကျေးရွာ ဒေသခံတစ်ဦးက KNG သတင်းဌာနကို ပြောဆိုခဲ့သည်။

“တိုက်ပွဲဖြစ်တာမှန်ပါတယ်။ ဗမာစစ်သား (စစ်ကောင်စီ)တွေ တက်လာတာကို KIA က ဝင်တိုက်တာ ဟုတ်တယ်။ ဒီတပတ်အတွင်းမှာ တိုက်ပွဲဖြစ်တာ ၂ကြိမ်လောက်ရှိပြီ။ စနေနေ့ ဖြစ်တာက ပထမအကြိမ်ပေါ့။ အဲ့ဒီနေ့ ဗမာစစ်တပ်ဘက်ကတော့ ထိခိုက်မှုများတယ်လို့ ကြားရတယ်။ တိုက်ပွဲမှာ သေဆုံးသွားတဲ့သူတွေနဲ့ ထိခိုက်ဒဏ်ရာရတဲ့သူများကို တနိုင်းဘက်ကို သယ်ကြတယ်တဲ့” ဟု ပြောဆိုသည်။

ထို့အပြင် ဩဂုတ်လ ၂၃ ရက်နေ့ နံနက် ၈ နာရီခန့်ကလည်း နမ့်ခမ်ဘက်သို့ စစ်ကောင်စီ အင်အား ၅၀ ခန့်ဖြင့် ထပ်မံ တိုးချဲ့ဝင်ရောက်လာသောကြောင့် ဒုတိယအကြိမ် တိုက်ပွဲ ထပ်မံဖြစ်ပွားခဲ့ကြောင်း သိရသည်။

“ပထမရက်မှာ ထိုးစစ်လာတဲ့ ဗမာစစ်သားဘက်က ထိခိုက်သေဆုံးမှုများတဲ့အတွက် စစ်အင်အား ၅၀ လောက်ပြန်တိုးပြီး ပြန်တက်လာတယ်။ မနေ့က ပြန်ဖြစ်ကြတယ်။ ဒါပေမယ့် အချိန်ထိတော့ KIA က ထိတယ်လို့တော့ မကြားမိသေးဘူး။ ဘာကြောင့်ဆိုတော့ KIA က လမ်းမှာစောင့်ကြိုပစ်တဲ့သဘောဆိုတော့လေ” ဟု နမ့်ခမ်ဒေသခံ တစ်ဦးက KNG ကို ပြောဆိုသည်။

ယနေ့ ဩဂုတ်လ ၂၄ရက်နေ့တွင်မူ တိုက်ပွဲ ဖြစ်ပွားသံများမကြားရသော်လည်း နှစ်ဖက်တပ်ကြား စစ်ရေးတင်းမာမှုရှိနေပြီး အာဏာသိမ်းစစ်တပ်ဘက်မှ စစ်အင်အား ၁၀၀ ကျော်ခန့် တိုးချဲ့ထားကြောင်း သိရသည်။

တိုက်ပွဲဖြစ်ပွားခဲ့သည့် ၂ ကြိမ်အနက် ဩဂုတ် ၂၁ ရက်နေ့ တိုက်ပွဲတွင် စစ်ကောင်စီ တပ်သား ၂ ဦးကို KIA က ဖမ်းဆီးခေါ်ဆောင်သွားကြောင်း ရှေ့တန်း KIA သတင်းများထံမှ သိရသည်။

ပြီးခဲ့သော ဧပြီလ ၁၅ရက်နေ့ကလည်း လက်ရှိတိုက်ပွဲဖြစ်ပွားခဲ့သည့် နေရာဖြင့်တစ်ဆက်တည်းရှိသော နမ့်ဗျူကျေးရွာနှင့် အင်ဂါးဂါး စသော နေရာများတွင် စစ်ကောင်စီနှင့် KIA တို့ကြား ၁ ပတ်ခန့်အကြာ တိုက်ပွဲပြင်းထန်စွာဖြစ်ပွားခဲ့ခြင်းဖြစ်ပါသည်။

ရွှေနှင့် ပယင်းအဓိကထွက်သော ဟူးကောင်းဒေသ နမ့်ဗျူ၊ နမ့်ခမ် စသောဒေသများတွင် စစ်ကောင်စီက ၂၀၁၇ ခုနှစ်ကစတင်ပြီး ဂျက်လေယာဉ်များအသုံးပြုကာ KIA ကို တိုက်ခိုက်ခဲ့သောကြောင့် ဒေသခံအများစုမှာ တနိုင်းမြို့သို့ စစ်ရှောင်အဖြစ် ထွက်ပြေးခဲ့ရခြင်း ဖြစ်သည်။

Read Previous

စစ်ပွဲထက် ပိုးကောင်းတဲ့နည်းလမ်းရှာမယ်လို့ ဩဂုတ် ၂၄ ရက်နေ့ ထုတ်ပြန်ချက်နှင့်ပတ်သက်ပြီး KIO ပြန်ကြားရေးတာဝန်ခံဖြင့် တွေ့ဆုံမေးမြန်းခြင်း

Read Next

အရပ်သားအသွင်ယူကာ စစ်ရိက္ခာနှင့် မူးယစ်ဆေးပြား သယ်ဆောင်လာသော စစ်ကောင်စီကားကို KIA မီးရှို့ ဖျက်ဆီး

Leave a Reply

Your email address will not be published.