,

Breaking News :

နောင်းနန် တိုက်နယ် ယာယီအုပ်ချုပ်ရေးမှူး သေနတ်ဖြင့် ပစ်သတ်ခံရ

စစ်ကောင်စီ တင့်ကား ၂ စီး၊ စစ်ကား ၃၀ ကျော် ၊ ခြေကျင်စစ်သား ၂၀၀ ကျော်ဖြင့် မုံးကိုး ဘက်သို့ ချီတက်လာ

ကုန်ကားအသွင်ဖြင့် စစ်အင်အားတိုးချဲ့လာသော စစ်ကောင်စီတပ်ကို KIA မိုင်းခွဲ တိုက်ခိုက်

စစ်ကောင်စီတပ် မှ လိုင်ဇာမြို့သို့ လက်နက်ကြီးဖြင့် တိုက်ခိုက်

မုံးကိုး စစ်ဘေးဒုက္ခသည် ၂၆ ဦး COVID-19 ပိုး ကူးစက်ခံထားရ

တနိုင်း စစ်ကောင်စီတပ်ကို KIA မိုင်းခွဲတိုက်ခိုက်

စစ်ကောင်စီလက်အောက် လောက်ကိုင် နယ်ခြားစောင့်တပ်များ ဒေသခံများ၏ လယ်ယာခြံမြေကို ဖျက်ဆီး

တရုန် ရောက် စစ်ကောင်စီတပ်ကို ပစ်ခတ်ခြင်းမပြုရန် KIA ထံ ဒေသခံများမှတဆင့် အကြောင်းကြားခိုင်း

နမ့်ခမ်း COVID -19 ပရဟိတအဖွဲ့ဝင်အချို့ ပိုးကူးစက်ခံထားရ

မြန်မာ နယ်နမိတ်အတွင်းထိ တရုတ်နယ်ကျွံ ခြံခတ်မှုကို ဒေသခံများ ဖျက်စီးပစ်

တရုတ်- မြန်မာ နယ်စပ် မုံးကိုးမြို့အနီး မှာ စစ်ကောင်စီနဲ့ MNDAA တို့အကြား တိုက်ပွဲပြင်းထန်

ရှမ်းပြည်နယ် မြောက်ပိုင်း၊ တရုတ်- မြန်မာ နယ်စပ် မုံးကိုးမြို့အနီးမှာ စစ်ကောင်စီနဲ့ ကိုးကန့် MNDAA တပ်ဖွဲ့တို့အကြား ဩဂုတ် ၂၆ ရက်ညနေပိုင်းက တိုက်ပွဲပြင်းထန်ခဲ့တယ်လို့ ဒေသခံတွေဆီက သိရပါတယ်။

“မုံးကိုးမှာ ဒီညနေ (ဩဂုတ် ၂၆ ရက်) ၆ နာရီ ၁၀ မိနစ် ခန့်ကစ စစ်ကောင်စီနဲ့ ကိုးကန့်တို့ မိနစ် ၃၀ လောက် ပြောင်းဖူးဖောက် စားနေကြတယ်။” လို့ ဒေသခံ တစ်ဦးက တိုက်ပွဲ ပြင်းထန်နေကြောင်း ပြောပါတယ်။

မုံးကိုးမြို့မှာ နေထိုင်တဲ့ ဒေသခံ လူငယ်တစ်ဦးကလည်း “မြို့ဘက်ကလူတွေတော့ ဘာမှ မဖြစ်ဘူး။ မန်ဂျေဘက် ဖြစ်တာ။ လက်ရှိတော့ မရှောင်ကြသေးဘူး။ ရွာမှာ နေပြီးမှလည်း ပစ်နေတယ်။ ထိခိုက်မှု ဘာတွေတော့ ဘာမှ မသိရသေးဘူး။” လို့ ရှောင်တိမ်းတာ မရှိသေးပေမယ့် တိုက်ပွဲ ပြင်းထန်နေတာကြောင့် ပစ္စည်းတွေ သိမ်းနေရကြောင်း ရှင်းပြပါတယ်။

ပြီးခဲ့တဲ့ ဇူလိုင်လ ၃ ရက်နေ့က မုံးကိုး ဖောင်းဆိုင်ဘက်မှာ စစ်ကောင်စီနဲ့ MNDAA (မြန်မာအမျိုးသား ဒီမိုကရက်တစ် မဟာမိတ်တပ်မတော်) တို့အကြား တိုက်ပွဲပြင်းထန်လာခဲ့တာကြောင့် ဖောင်းဆိုင်၊ မန့်ယန် နဲ့ ဘန်မွေ့ ရွာတွေက ရွာခံ ၂၀၀ ခန့် တရုတ်-မြန်မာ နယ်ခြားစည်းမျဉ်းက တောင်ကမူမှာရှိတဲ့ လောက်တဲန့် ဆိုတဲ့ရွာမှာ ယာယီ ရှောင်တိမ်းနေရတာဖြစ်ပြီး စားနပ်ရိက္ခ သွားရောက် ပို့ဆောင်တာကို စစ်ကောင်စီဘက်က လမ်းကြောတွေပိတ်ဆို့ထားသဖြင့် အစားအသောက်၊ ဆေးဝါး၊ မိုးကာတွေ အရမ်းလိုအပ်နေတယ်လို့ ဖောင်းဆိုင်ဒေသခံ တစ်ဦးက ပြောပါတယ်။

အလားတူ ဩဂတ်လ ၄ ရက်နေ့ကလည်း စစ်ကောင်စီနဲ့ MNDAA တို့အကြား ကြူကုတ် (ပန်ဆိုင်း) နီးနားမှာ တိုက်ပွဲ ပြင်းထန်ခဲ့တာကြောင့် ရွာအချို့က နေအိမ်တွေ ကျည်ထိမှန် ပျက်စီးခဲ့ပြီး ကောင်းစထီး၊ ဖိုင်ကောင်း၊ ကောင်ရာ၊ ခါ့လျန်၊ မန်ဂျေ၊ နမ့်ဟူး၊ ကောင်းဝိုင်၊ ရေပူစမ်းစတဲ့ ရွာ ၈ ရွာက ဒေသခံ ၁၄၀၄ ဦးတို့လည်း မြန်မာ-တရုတ်နယ်စပ် ဝမ်တိန်ချောင်းစပ်နားမှာ ယာယီ တိမ်းရှောင်နေကြရတာ ဖြစ်ပါတယ်။

လက်ရှိ မုံးကိုးမြို့နယ်က ကျေးရွာအချို့ကို စစ်ကောင်စီက လမ်းကြောင်း ဖြတ်တောက်ထားတာကြောင့် စားနပ်ရိက္ခာတင်ပို့ဖို့ခက်ခဲတဲ့အခြေအနေကို MNDAA အဖွဲ့က စားနပ်ရိက္ခာလမ်းကြောင်းအတွက် ဖြေရှင်းပေးမှာဖြစ်တယ်လို့ ဩဂုတ်လ ၂၃ ရက်နေ့က ကိုးကန့် အထူးဒေသ ၁ ၊ မုံးကိုခရိုင်အဖွဲ့ ဒေသအတွင်း ကိုဗစ်ကာကွယ်ရေးနဲ့ မူးယစ်ဆေးဝါး ပပျောက်ရေး အစည်းအဝေးမှာ ဒေသခံတွေကို ပြောခဲ့ကြောင်း ကိုးကန့်သတင်း ထုတ်ပြန်ချက်အရ သိရပါတယ်။

Bum Shep

Read Previous

စစ်ကောင်စီနှင့် KIA တိုက်ပွဲကြောင့် တန်ဂျာ ဒေသခံ ၄၀၀ ကျော် လုံရှာယန်ကျေးရွာဘက်သို့ ထွက်ပြေးလာ

Read Next

တန်ဂျာကျေးရွာတွင် စစ်ကောင်စီတပ်စွဲထား၊ တိုက်ပွဲပြန်ဖြစ်နိုင်သောကြောင့် ဒေသခံများ ဆက်လက်တိမ်းရှောင်နေ

Leave a Reply

Your email address will not be published. Required fields are marked *