,

Breaking News :

မြောင်တွင် စစ်ကောင်စီ နှင့် ပျူစောထီးအဖွဲ့များတိုက်ခိုက်ခံရပြီး ၂ဦး သေဆုံး

အင်းတော်တွင် ကလေးအပါအဝင် အရပ်သား ၁၀ ဦး စစ်ကောင်စီ က လူသားဒိုင်းအဖြစ် ဖမ်းဆီးခေါ်ဆောင်

KIO စစ်ရှောင်စခန်းတချို့တွင် ဝမ်းပျက်ရောဂါ ခံစားနေရ

ဗန်းမောက်နယ် ၄ ရက်ကြာတိုက်ပွဲ စစ်ကောင်စီဘက် မှ အကျအဆုံးများပြီး ၆ ဦး ကို အရှင်ဖမ်းမိ

ဗန်းမော်တွင် ဖမ်းဆီးခံရသည့် ပြည်သူ ၉ ဦးအနက် ၄ ဦးတရားစွဲဆိုခံရ

ကျဆုံး ဒဏ်ရာရသော PDF များကို NUG အစိုးရမှ ကျပ် သုံးသောင်း ထောက်ပံ့ရန် ညွန်ကြားသည့် ထုတ်ပြန်ချက်အတု ပြန့်နှံနေ

မိုးတား‌လေးအနီး စစ်သင်္ဘောတိုက်ခိုက်ခံရမှုတွင် စစ်ကောင်စီတပ် မှ ဒေသခံများကို ဖမ်းဆီးစစ်ဆေးနေ

ဗန်းမော်တွင် ရဲသား ၂ ဦးပစ်ခံရပြီးနောက် ပြည်သူ ၆ ဦးဖမ်းဆီးခံရ

မူဆယ်မြို့တွင် ၁ ရက်အတွင်း ပိုင်ရှင်မဲ့အလောင်း ၂ လောင်းတွေ့ရှိ

စစ်ကောင်စီ ဖမ်းဆီးသွားသည့် ဆားလင်းကြီး PDF ရဲဘော် ၂ဦး သတ်ဖြတ်ခံရ

ဝိုင်းမော် မဒိန်ကျေးရွာမှ ဖမ်းဆီးခံ လူငယ် ၃ ဦးကို မပခ သို့ ပို့

ဝိုင်းမော် အခြေစိုက် ခလရ ၅၈ တပ်ရင်းမှ ဖမ်းဆီးထားသော မဒိန်ကျေးရွာမှ  လူငယ် ၃ ဦးကို မြောက်ပိုင်းတိုင်းစစ်ဌာနချုပ် မပခ သို့ ပို့ဆောင်လိုက်ပြီဖြစ်ကြောင်း သိရပါသည်။

ဩဂုတ် ၂၈ ရက်နေ့ ဖမ်းဆီးခံရသည့် လူငယ် ၃ ဦး လွှတ်မြောက်ရေးအတွက် ဝိုင်းမော်အုပ်ချုပ်ရေးမှူးအဖွဲ့များနှင့် မိသားစုဝင်များ လုပ်ဆောင်နေသော်လည်း ဩဂုတ်လ ၃၁ရက်နေ့တွင် မြောက်တိုင်းစစ်ဌာနချုပ်သို့ ပို့ဆောင်လိုက်ကြောင်းကို သိရသည်ဟု ဖမ်းဆီးခံရသော မိသားစုဝင်တစ်ဦးက KNG သတင်းဌာနကို ပြောဆိုခဲ့သည်။

“သား ၃ ယောက်ပြန်လွှတ်လာဖို့ အုပ်ချုပ်ရေးမှူး အဖွဲ့တွေနဲ့ အကူအညီတောင်းပြီး ကြိုးစားနေတယ်ပေါ့လေ။ ဒါပေမယ့် မနေ့ညက အုပ်ချုပ်ရေးမှူးဖုန်းဆက်လာတယ်။ မြစ်ကြီးနား တိုင်းကို ပို့လိုက်ပြီလို့ပြောလာတယ်။ ဒီ ခလရ ၅၈ တပ်ရင်းမှာသာ ဆက်ထားရင် အရမ်းနှိပ်စက်ကြတယ်။ ဒါကြောင့်မို့လို့ တိုင်းကိုဘဲ ပို့လိုက်တယ်လို့ ပြောလာတယ်” ဟု ပြောဆိုသည်။

ပြီးခဲ့သော ဩဂုတ်လ ၂၈ ရက်နေ့က ခလရ ၅၈ တပ်ရင်းမှ ကျေးရွာအတွင်း လက်နက်ကြီး လက်နက်ငယ်များဖြင့် ရမ်းသမ်းပစ်ခတ်မှုပြုလုပ်နေစဉ် လူငယ် ၃ ဦး ဖမ်းဆီးခံရခြင်းဖြစ်ကာ ခလရ ၅၈ တပ်ရင်းအတွင်းသို့ ခေါ်ဆောင်သွားခြင်း ဖြစ်သည်။

ထိုလူငယ် ၃ ဦးမှာ အသက် ၂၉နှစ်အရွယ် ရှီကျန့်ဘောမ်ဇုန်း၊ အသက် ၂၀ ကျော် ဝန်းကျင်ရှိကြသော ယောခေါနှင့် ဇုန်းဆောလ် ညီအစ်ကိုယ်အရင်းတို့ ဖြစ်ကြသည်။

၎င်းတို့ကို စစ်တပ်က KIA ဟု ထင်မှတ်ကာ ဖမ်းဆီးသွားခြင်းဖြစ်သော်လည်း ထိုသူများမှာ ပတ်သက်ခြင်းမရှိသော​ကြောင့် အမြန်ဆုံးလွှတ်ပေးရန် မိသားစုဝင်များက တောင်းဆိုနေကြသည်။

ထိုသို့ ဩဂုတ်လ ၂၈ ရက်နေ့ တစ်ရက်တည်းအတွင်း ခလရ (၅၈)တပ်ရင်းမှ ပြည်သူများရှိသည့်ဘက် လက်နက်ကြီးများဖြင့် ရမ်းသမ်းပစ်ခတ်မှုကြောင့် အမျိုးသား ၃ ဦးဖမ်းဆီးခံရသည့်အပြင် မဒိန်ဒေသခံ ဦးလုံဘန်ခေါဇုံး ဆိုသူလည်း ပစ်သတ်ခံခဲ့ရခြင်း ဖြစ်သည်။

ဝိုင်းမော် ခလရ (၅၈)တပ်ရင်းကို ဇူလိုင်လ ၂၉ရက်ညက ကချင်လွတ်လပ်ရေးမတော် KIA ဝင်ရောက်စီးနင်းမှု ပြုလုပ်ခဲ့ ပြီးနောက် တိုက်ပွဲထပ်မံဖြစ်ပွားခြင်းမရှိသော်လည်း စစ်ကောင်စီဘက်က လက်နက်ကြီးများဖြင့် ပုံမှန်ပစ်ခတ်မှုများ ပြုလုပ်လျှက်ရှိနေသည်။

ထိုသို့ ခလရ (၅၈)တပ်ရင်းမှ ကျေးရွာအတွင်း လက်နက်ကြီး ရမ်းသမ်းပစ်ခတ်မှုကြောင့် လူနေအိမ်များ ပျက်စီးသွားပြီး ကျေးရွာတစ်ချို့မှာ စစ်ရှောင်အဖြစ် ဝိုင်းမော်မြို့တွင်းထဲသို့ ထွက်ပြေးတိမ်းရှောင်နေကြောင်း သိရသည်။

Read Previous

ကြူကုတ် (ပန်ဆိုင်း) အနီး စစ်ကောင်စီ MNDAA တိုက်ပွဲကြောင့် အရပ်သား ၂ ဦး လက်နက်ကြီး ထိမှန်သေဆုံး

Read Next

မုံးကိုး ဖောင်းဆိုင်တွင် စစ်ကောင်စီ က MNDAA တပ်စခန်းကို သွားရောက် ပစ်ခတ်ရာမှ တိုက်ပွဲဖြစ်ပွား

Leave a Reply

Your email address will not be published.