,

Breaking News :

နောင်းနန် တိုက်နယ် ယာယီအုပ်ချုပ်ရေးမှူး သေနတ်ဖြင့် ပစ်သတ်ခံရ

စစ်ကောင်စီ တင့်ကား ၂ စီး၊ စစ်ကား ၃၀ ကျော် ၊ ခြေကျင်စစ်သား ၂၀၀ ကျော်ဖြင့် မုံးကိုး ဘက်သို့ ချီတက်လာ

ကုန်ကားအသွင်ဖြင့် စစ်အင်အားတိုးချဲ့လာသော စစ်ကောင်စီတပ်ကို KIA မိုင်းခွဲ တိုက်ခိုက်

စစ်ကောင်စီတပ် မှ လိုင်ဇာမြို့သို့ လက်နက်ကြီးဖြင့် တိုက်ခိုက်

မုံးကိုး စစ်ဘေးဒုက္ခသည် ၂၆ ဦး COVID-19 ပိုး ကူးစက်ခံထားရ

တနိုင်း စစ်ကောင်စီတပ်ကို KIA မိုင်းခွဲတိုက်ခိုက်

စစ်ကောင်စီလက်အောက် လောက်ကိုင် နယ်ခြားစောင့်တပ်များ ဒေသခံများ၏ လယ်ယာခြံမြေကို ဖျက်ဆီး

တရုန် ရောက် စစ်ကောင်စီတပ်ကို ပစ်ခတ်ခြင်းမပြုရန် KIA ထံ ဒေသခံများမှတဆင့် အကြောင်းကြားခိုင်း

နမ့်ခမ်း COVID -19 ပရဟိတအဖွဲ့ဝင်အချို့ ပိုးကူးစက်ခံထားရ

မြန်မာ နယ်နမိတ်အတွင်းထိ တရုတ်နယ်ကျွံ ခြံခတ်မှုကို ဒေသခံများ ဖျက်စီးပစ်

စစ်ကောင်စီနှင့် ကိုးကန့်တပ်ဖွဲ့ တိုက်ပွဲ ဆက်လက်ပြင်းထန်နိုင်သေးကြောင်း MNDAA ပြော

ရှမ်းပြည်နယ် မြောက်ပိုင်း မူဆယ်ခရိုင် မုံးကိုး မြို့နယ်ခွဲအတွင်း ဖောင်းဆိုင်ဒေသတွင် စစ်ကောင်စီ နှင့် တိုက်ပွဲ ပြင်းထန်နိုင်သေးကြောင်း ကိုးကန့်ဘက်မှ အရ သိရသည်။

“ဟုတ်ကဲ့ဗျ။ မနေ့ကညနေပိုင်း မှ ဒီနေ့မနက်အထိတော့ တိုက်ပွဲဖြစ်ပွားမှုမရှိခဲ့ပါဘူး။ သို့သော် တာဟိန်းတောင် ကုန်း နှင့် လုံခါဒေသမှာရှိတဲ့ စစ်ကောင်စီအမြောက်တပ်တွေက  မနေ့ည ၂၀ း ၀၀ နာရီကနေ ဒီနေ့မနက် ၀၅း ၀၀ နာရီအချိန်အထိ မိမိတို့ MNDAA တပ်ရှိရာဒေသများကို (၁၀၀)မမ၊ (၁၂၀)မမ နဲ့ (၁၂၂)မမ တို့နဲ့ အဆက်မပြတ်ပစ်ခတ် တိုက်ခိုက်ခဲ့ပါတယ်။ လက်နက်ကြီးကျည်ဆန်တွေကတော့ လူရင်းထန်တောင်ကုန်း နှင့် ရှီးကျန်တောင်ကုန်းတစ်ဝိုက်တွေ မှာ ကျရောက်ပေါက်ကွဲခဲ့ပြီး (၇)လုံးလောက်က လူရန်းထန်ကျေးရွာအတွင်းသို့ ကျရောက်ပေါက်ကွဲခဲ့ပါတယ်။” ဟု MNDAA ဘက်က အရာရှိတစ်ဦးက ပြောသည်။

လတ်တလော မုံးကိုး ဖောင်းဆိုင်ဒေသမှာ စစ်ကောင်စီဘက်က စစ်ကြောင်း ထိုးလာမယ့် အခြေအနေကြောင့် နှစ်ဖက် စစ်ရေးတင်းမာနေဆဲ ဖြစ်တာကြောင့် တိုက်ပွဲ ဆက်လက် ဖြစ်ပွားမှာဖြစ်ကြောင်း ဆိုသည်။

“လက်တလောမှာ စစ်ကောင်စီတပ်မှ စစ်ရေးလှုပ်ရှားမှုတွေပိုမိုများပြားလာတာကိုတွေ့ရပါတယ်။ မိမိတို့အပေါ် ထပ်မံထိုးစစ်ဆင်ရန် ပြင်ဆင်နေတယ်လို့ မြင်ပါတယ်။ အခု စစ်ကောင်စီတပ်ရဲ့စစ်ကြောင်း(၂)ကြောင်းက ဖောင်းဆိုင် ဘောလုံးကွင်း နှင့် နယ်စပ်ဒေသမှာ လှုပ်ရှားနေတာကို တွေ့ရပြီး စစ်ကြောင်း (၁) ကြောင်းမှာ လူအင်းအား (၃၀)မှ (၄၀)အထိရှိတယ်။ ဒီစစ်ကြောင်း (၂)ကြောင်းဟာ မိမိတို့ကို အလစ်တိုက်ရန် ကြံစည်နေတယ်လို့ သုံးသပ်မိပြီး မိမိတို့လည်း ပြန်လည်ခုခံတိုက်ခိုက်နိုင်ရန်အတွက် ပြင်ဆင်ထားပါတယ်။ အကယ်၍ စစ်ကောင်စီတပ်က ထပ်မံထိုးစစ်ဆင်လာရင်တော့ တိုက်ပွဲက ဆက်တိုက်ဖြစ်နေမှာပဲ။” ဟု သူက ရှင်းပြသည်။

ဇူလိုင်လဆန်းမှ စက်တင်ဘာ ၂ ရက်နေ့အထိ ရှမ်းမြောက် နယ်စပ်တိုက်ပွဲကြောင့် ကြူကုတ် (ပန်ဆိုင်း) နှင့် မုံးကိုး မြို့နယ်ခွဲ ရွာပေါင်း ၂၂ ရွာတွင် စစ်ဘေးဒုက္ခသည် ၂၀၀၀ ကျော်ခန့် ရှိပြီး လက်နက်ကြီးထိမှန် သေဆုံးသွားသည့် တအာင်း (ပလောင်) လူမျိုး အမျိုးသား ၂ ဦး၊ အမျိုးသမီး ၂ ဦး၊ ကြူကုတ် (ပန်ဆိုင်း)မြို့ ရပ်ကွက် ၄ မှ တရုတ်လူမျိုး အမျိုးသမီး ၂ ဦး စုစုပေါင်း ၆ ဦးရှိကြောင်း သိရသည်။

Bum Shep

Read Previous

ပြင်းထန် တိုက်ပွဲ ငြိမ်သက်လာသော မြို့သစ်၊ ကုန်းလော၊ နွမ်းလန့် ဒေသခံများ နေရပ်ပြန်

Read Next

မုံးကိုး ဖောင်းဆိုင်ဘက်က စစ်ရှောင်များ စားနပ်ရိက္ခာအတွက် ဘယ်လို ရုန်းကန်နေရသလဲ

Leave a Reply

Your email address will not be published. Required fields are marked *