,

Breaking News :

နောင်းနန် တိုက်နယ် ယာယီအုပ်ချုပ်ရေးမှူး သေနတ်ဖြင့် ပစ်သတ်ခံရ

စစ်ကောင်စီ တင့်ကား ၂ စီး၊ စစ်ကား ၃၀ ကျော် ၊ ခြေကျင်စစ်သား ၂၀၀ ကျော်ဖြင့် မုံးကိုး ဘက်သို့ ချီတက်လာ

ကုန်ကားအသွင်ဖြင့် စစ်အင်အားတိုးချဲ့လာသော စစ်ကောင်စီတပ်ကို KIA မိုင်းခွဲ တိုက်ခိုက်

စစ်ကောင်စီတပ် မှ လိုင်ဇာမြို့သို့ လက်နက်ကြီးဖြင့် တိုက်ခိုက်

မုံးကိုး စစ်ဘေးဒုက္ခသည် ၂၆ ဦး COVID-19 ပိုး ကူးစက်ခံထားရ

တနိုင်း စစ်ကောင်စီတပ်ကို KIA မိုင်းခွဲတိုက်ခိုက်

စစ်ကောင်စီလက်အောက် လောက်ကိုင် နယ်ခြားစောင့်တပ်များ ဒေသခံများ၏ လယ်ယာခြံမြေကို ဖျက်ဆီး

တရုန် ရောက် စစ်ကောင်စီတပ်ကို ပစ်ခတ်ခြင်းမပြုရန် KIA ထံ ဒေသခံများမှတဆင့် အကြောင်းကြားခိုင်း

နမ့်ခမ်း COVID -19 ပရဟိတအဖွဲ့ဝင်အချို့ ပိုးကူးစက်ခံထားရ

မြန်မာ နယ်နမိတ်အတွင်းထိ တရုတ်နယ်ကျွံ ခြံခတ်မှုကို ဒေသခံများ ဖျက်စီးပစ်

ပူတာအို စစ်ကောင်စီ ဝန်ထမ်များက အခွန်မျိုးစုံ ခြိမ်းခြောက် ကောက်ခံနေ

ပူတာအိုမြို့ အာဏာသိမ်းစစ်ကောင်စီ လက်အောက် မြို့နယ်စည်ပင်သာယာရေးအဖွဲ့က ပြည်သူများကို အခွန်ထည့်ဆောင်ကြရန်နှင့် ပျက်ကွက်ပါက စည်ပင်ဥပဒေဖြင့် အရေးယူမည်ဟု ခြိမ်းခြောက်ကောက်ခံနေသည်ဟု သိရသည်။

ပြီးခဲ့သော ဩဂုတ်လ လဆန်းပိုင်းမှစတင်ကာ ပူတာအိုမြို့ပေါ်ရပ်ကွက်ရှိ ပြည်သူများထံ အိမ်ခွန်၊ အမှိုက်ခွန်နှင့် လုပ်ငန်းလိုင်စင်ခွန်မျိုးစုံကို မဖြစ်မနေပေးဆောင်ကြရန် အိမ်တိုင်ရာအရောက် လိုက်လံ ကောက်ခံနေသည်ဟု ပူတာအိုဒေသခံတစ်ဦးက KNG သတင်းဌာနကို ပြောဆိုခဲ့သည်။

“စည်ပင်အဖွဲ့က အိမ်အရောက် အခွန်ထည့်ရန် တောင်းဆိုတဲ့ စာရွက်ကို လိုက်ပေးတယ်။ အဲ့စာရွက်မှာက သူတို့ သတ်မှတ်ထားတဲ့ ရက်မှာ အမြန်လာထည့်ဖို့။ လာမထည့်ရင် စည်ပင်ဥပဒေအရ အရေးယူမယ်လို့ ပါတယ်။ သူတို့ရဲ့ ပုံစံက အတင်းအဓ္ဓမ ထည့်ခိုင်းတဲ့ ပုံစံဖြစ်နေတယ်။ အရင်တုန်းကတော့ အဲ့လိုတောင်းတာမရှိဘူး။ အခုနောက်ပိုင်းမှ ဖြစ်လာတာ” ဟု ပြောဆိုသည်။

နိုင်ငံရေးမတည်ငြိမ်မှုနှင့် ဒေသအတွင်း ကိုဗစ်-၁၉ ရောဂါကူးစက်ပျံနှံ့မှုများရှိနေသည့်အချိန် အတင်းအကြပ် အခွန်ကောက်နေခြင်းဖြစ်သောကြောင့် ပြည်သူ့တစ်ချို့မှာ စိတ်သောကရောက်ရနေကြောင်း သူကဆက်ဆိုထားသည်။

“အားလုံးသိတဲ့အတိုင်း အခုချိန်က လူတိုင်းခက်ခဲကြတယ်။ ဒါကိုအတင်းထည့်ခိုင်းတယ်။ တစ်ချို့ပြည်သူတွေဆိုရင် ဝင်ငွေမရှိ ခက်ခဲလို့ ၂ထောင် ၃ထောင်တောင်မတတ်နိုင်တဲ့ သူတွေရှိတယ်။ ဒါကို ဖိတင်းပြီး ထည့်ကြတဲ့သူတွေလည်းရှိတယ်။ ကျနော်တို့ ဒေသဆိုရင် တခြားဒေသတွေနဲ့ ယှဉ်ရင် ဝင်ငွေကမရှိဘူးလေ။ ဒီအပေါ်မှာ အခွန်ဆောင်ဖို့ဆိုတာက ပြည်သူတွေက စိတ်မသက်သာမှုတွေဖြစ်နေကြတယ်” ဟု ပြောဆိုသည်။

စစ်တပ် အာဏာသိမ်းမှုကို မလိုလားသော ပူတာအိုဒေသခံများသည်လည်း ၇လ ကြာမြင့်သည်အထိ အခွန်မဆောင်ဘဲရှိနေကြောင်း သိရသည်။

သို့သော် လက်ရှိအချိန်တွင် စစ်ကောင်စီလက်အောက်ခံ ဝန်ထမ်းများမှာ မြို့ပေါ် တနိုင်တပိုင် လုပ်ငန်းရှင်များအထိ အတင်းအကြပ် ငွေကြေးကောက်ခံလာနေသည်ဟု သိရသည်။

ပူတာအို ဒေသသည် ကချင်ပြည်နယ်မြောက်ပိုင်း လမ်းပန်းဆက်သွယ်ရေး ခက်ခဲနေဆဲဖြစ်သောကြောင့် စီးပွားရေးအတွက် ခက်ခဲသောနယ်မြေတစ်ခု ဖြစ်နေဆဲ ဖြစ်သည်။

Read Previous

ပြည်သူ့တော်လှန်ရေးစတင်ကြောင်း ကြေညာသည့်နေ့ည ယာယီသမ္မတနေအိမ်ကို စစ်ကောင်စီ ဝင်ရောက်စစ်ဆေး

Read Next

စစ်ကောင်စီ ရိက္ခာသယ် ကားတစ်စီး ဖောက်ခွဲ ဖျက်ဆီးခံရ

Leave a Reply

Your email address will not be published. Required fields are marked *