,

Breaking News :

ပန်ဆိုင်း (ကြူကုတ်) တိုက်ပွဲမှာ အရပ်သား ပြည်သူ ၃ ဦး သေဆုံး

မြစ်ကြီးနားအခြေစိုက် သတင်းထောက်အားလုံး လွတ်မြောက်

နောင်မွန်မြို့မှ ဖမ်းဆီးခံရသည့် ဆရာတော် ၃ ဦး ပြန်လည် လွတ်မြောက်လာ

မြစ်ကြီးနား KBZ ဘဏ်ရှေ့ ဗုံးပေါက်ကွဲမှု ဗီဒီရိုက်ကူးခဲ့သည့် လူငယ် ပြန်လည်လွတ်မြောက်လာ

KNO ဥက္ကဋ္ဌ ဒူဝါဘောမ်ဝမ်လရော် ကွယ်လွန်

မချမ်းဘော့ဒေသခံများ၏ စိုက်ပျိုးမြေကို စစ်ကောင်စီအောက် ပြည်သူ့စစ်အဖွဲ့က ရွှေတူးရန် သတ်မှတ်ယူ

ရှမ်းမြောက်တွင် တိုက်ပွဲ ဆက်လက်ပြင်းထန်နေ

တရုတ်နယ်စပ်တိုက်ပွဲအတွင်း ဒေသခံတစ်ဦး လက်နက်ကြီးထိမှန် ဒဏ်ရာ ရ

မုံးကိုး နဲ့ တီးမ ကျေးရွာဘက် စစ်ကောင်စီ နဲ့ MNDAA ၊ KIA တို့ တိုက်ပွဲဖြစ်

အုပ်ချုပ်ရေးဒိုင်း ဘောလုံးပွဲကြောင့် နောင်မွန်တွင် Covid-19 ပိုးတွေ့ လူနာပိုများလာ

စစ်ကောင်စီ တင့်ကား ၂ စီး၊ စစ်ကား ၃၀ ကျော် ၊ ခြေကျင်စစ်သား ၂၀၀ ကျော်ဖြင့် မုံးကိုး ဘက်သို့ ချီတက်လာ

ရှမ်းပြည်နယ်မြောက်ပိုင်း မုံးကိုးမြို့ သို့ ဦးတည်ကာ တင့်ကား ၂ စီးအပါအဝင် စစ်ကားအစီး ၃၀ ကျော် ပါဝင်သောယာဉ်တန်းသည် စက်တင်ဘာ ၁၆ ရက်ည ပန်ဆိုင်း(ကြူကုတ်) မြို့တွင် ရောက်ရှိလာပြီဟု ဒေသခံများပြောသည်။

“ဘော်လုံးကွင်းမှာ စစ်ကားတွေ နားနေကြတယ်။ တင့်ကားတော့ စစ်တပ်ထဲမှာ။ စစ်ကား အစီး ၃၀ ကျော်။ ခု နောက်ထပ် Vego နဲ့ ၆ စီး။ Vego ထဲကစစ်သားတွေက အရက် အရမ်းမူးနေကြတယ်။” ဟု ပန်ဆိုင်း(ကြူကုတ်) ဒေသခံ တစ်ဦးပြောသည်။

ဒေသခံများ၏ သုံးသပ်ချက်အရ စစ်ကားများကို ပန်ဆိုင်းမြို့တွင်ချန်ထားခဲ့ပြီး တင့်ကား ၂ စီးဖြင့်သာ စစ်သားများ ခြေကျင်ဖြင့် မုံးကိုးအထိ သွားရန် ပြင်ဆင်နေကြောင်း ပြောဆိုနေကြသည်။

အဆိုပါ တင့်ကား ၂ စီးထားရန် မြေနေရာကို ဘူဒူဇာဖြင့် ပြင်ဆင်ထားကြောင်း ဖောင်းဆိုင်ဒေသခံတစ်ဦးက ပြောသည်။

“နေရာ ပြင်ထားပြီးသား။ ဖောင်းဆိုင်ဆုတောင်းတောင်ကို နှစ်ခါ လာတိုက်ပြီ။ မရလို့ ခု ဒါစောင့်နေတာထင်တယ်။” ဟု ဖောင်းဆိုင် ဒေသခံ တစ်ဦးက ပြောသည်။

အဆိုပါစစ်ကြောင်းတွင် စစ်ကောင်စီတပ်သား ၁၀၀ ကျော်ခန့်သာပါပြီး တာမိုးညဲပြည်သူ့စစ်၊ မြို့မပြည်သူ့စစ်၊ ပန်ဆေးပြည်သူ့စစ်၊ ကျင်းစန်းကျော့ ပြည်သူ့စစ်များပါဝင်ကြောင်း မူဆယ် ဒေသခံတစ်ဦးက ပြောသည်။

“မနေ့ ည ၁၀၅ မိုင်မှာ လာနားတဲ့သူတွေ မူဆယ် ဗိုလ်တည်းကုန်းနဲ့ စုပေါင်းရုံး အဲဘက်လာနားပြီး ဒီညနေ သုံးနာရီခွဲဝန်းကျင်ချိန်ခန့်က ၁၀၅ မိုင်ဘက် ချက်ချင်း ပြန်လှည့်သွားပြီ။ တင့်ကား နှစ်စီးပါတယ်။ မနေ့က ၁၀၅ မိုင်မှာ ဝင်တဲ့ စစ်ကားက ၄၄ စီး။” ဟု မူဆယ် ဒေသခံ တစ်ဦးက ပြောသည်။

ဇူလိုင်လ ၃ ရက်နေ့ကစ စက်တင်ဘာ လဆန်းပိုင်းအထိ ပန်ဆိုင်း(ကြူကုတ်) နှင့် မုံးကိုး ဖောင်းဆိုင်ဘက်တွင် စစ်ကောင်စီ နှင့် MNDAA တို့အကြား တိုက်ပွဲ ပြင်းထန်ခဲ့ပြီး စစ်ကောင်စီဘက်က အကျအဆုံးများခဲ့ကာ အရပ်သား ပြည်သူ ၆ ဦးလည်း သေဆုံးခဲ့သည်။

ထိုတိုက်ပွဲများကြောင့် ဒေသခံ ၂၀၀၀ ကျော်မှာ မြို့ပေါ်နှင့် တရုတ်နယ်စပ်တွင် မိုးကာတဲဖြင့် ခိုလှုံနေကြသည်။

Bum Shep

Read Previous

ကုန်ကားအသွင်ဖြင့် စစ်အင်အားတိုးချဲ့လာသော စစ်ကောင်စီတပ်ကို KIA မိုင်းခွဲ တိုက်ခိုက်

Read Next

နောင်းနန် တိုက်နယ် ယာယီအုပ်ချုပ်ရေးမှူး သေနတ်ဖြင့် ပစ်သတ်ခံရ

Leave a Reply

Your email address will not be published. Required fields are marked *