,

Breaking News :

အရာတော် ဘောင်းကျကျေးရွာအတွင်း အာဏာသိမ်းတပ် တပ်စွဲထားကာ ညမထွက်ရ အမိန့်ထုတ်ပြန်

တနိုင်း-ရှင်ဗွေယန်လမ်းမပေါ် KIA နှင့် စစ်ကောင်စီတပ် တိုက်ပွဲဖြစ်ပွား စစ်ကောင်စီဘက်မှ ထိခိုက်မှုများနိုင်

မုံးကိုးမှာ စစ်ကောင်စီနဲ့ ကိုးကန့် MNDAA တိုက်ပွဲ ဆက်လက် ဖြစ်ပွား

ကန်ရင်းကျေးရွာနှင့် PDF စခန်းတစ်ခုကို စစ်ကောင်စီတပ်မှ အင်အား ၂၀၀ခန့်ဖြင့် စီးနင်း

မိုးမောက်မြို့နယ် စစ်ကောင်စီ တပ်ကြပ်ကြီးတစ်ဦးအပါအဝင် ယောက်ဖဖြစ်သူကို အမည်မသိအဖွဲ့မှ ဖမ်းဆီးသွား

သတင်းပေးမူကြောင့် အရာတော် သစ်ကျင်းကြီးကျေးရွာ နေအိမ် ၅ လုံးကို စစ်ကောင်စီ မီးရှို့ဖျက်ဆီး

မြောက်ဖျားပိုင်း နောင်မွန်မြို့တွင် Covid-19 ပိုးကူးစက်မှု အလွန်များလာ

သတ်မှတ်ချိန်အတွင်း ဖြတ်မောင်းလာသည့် ဆီဘောက်ဆာကား မိုင်းဆွဲခံရ

ပန်ဆိုင်း ရဲစခန်းကို ကိုးကန့်တပ် တိုက်ခိုက်ပြီးနောက် မုံးကိုးဘက်လည်း တိုက်ပွဲ ဆက်လက်ဖြစ်ပွားခဲ့

ပန်ဆိုင်း (ကြူကုတ်) တိုက်ပွဲမှာ အရပ်သား ပြည်သူ ၃ ဦး သေဆုံး

မုံးကိုး ဗျူဟာကုန်းအနီး ပစ်ခတ်မှုကြောင့် ဒေသခံအများအပြား ထိခိုက်ဒဏ်ရာရ

ထွက်ပြေးနေရသော စစ်ရှောင်များ

မုံးကိုး မြို့  စစ်ဗျူဟာကုန်းအနီး ယနေ့ စစ်ကောင်စီနဲ့ ကိုးကန့် MNDAA တို့ တိုက်ပွဲကြောင့် ဒေသခံ ပြည်သူအများအပြား ဒဏ်ရာ ပြင်းထန်စွာ ရရှိကာ အများအပြား တရုတ်နယ်စပ်သို့ ထွက်ပြေးတိမ်းရှောင်နေရသည်ဟု သိရသည်။

“၆ ယောက်ထိတယ်။ နှစ်ဖက်လုံး လက်နက်ကြီး သုံးတယ်။ စစ်ကောင်စီ ဘက်က ပိုသုံးတယ်။ ရွာကလူတွေ မထွက်ပြေးနိုင်လို့ တော်တော် ဒုက္ခ ရောက်ရတယ်။” ဟု ဒေသခံတစ်ဦးက ပြောသည်။

ယနေ့ နေ့လည် ၁၂ နာရီခန့်တွင် ကိုးကန့် MNDAA တပ်ဖွဲ့နဲ့ စစ်ကောင်စီတပ်တို့ကြား မုံးကိုးမြို့ ဗျူဟာကုန်းနဲ့ အနီးတစ်ဝိုက်တွင် တိုက်ပွဲဖြစ်ပွားခဲ့စဉ် ဒေသခံ ၆ ဦး ထိခိုက်ဒဏ်ရာ ရခဲ့ခြင်း ဖြစ်သည်။ သို့သော်လည်း အခြား ထိခိုက်သူများလည်း ရှိနိုင်သေးကြောင်း သူက ဆက်ပြောသည်။

လက်ရှိအချိန်ထိ ရရှိထားသော ထိခိုက်သူစာရင်း ၆ ဦးတွင် အသက် ၂ နှစ်အရွယ်ကလေး ၂ ဦး၊ အသက် ၆၀ ကျော်အရွယ် သက်ကြီးရွယ်အို ၂ ဦး နှင့် လူငယ်အရွယ် ၂ ဦးပါဝင်သည်ဟု သိရပြီး ၎င်းတို့ နာမည်အသေးစိတ်ကို မသိရသေးပါ။

ကြံခင်းဘက်သို့ရှိနေသော ကိုးကန့်တပ်ဖွဲ့ကို စစ်ကောင်စီဘက်က လက်နက်ကြီးပစ်ခတ်ရာတွင် ကျေးရွာအတွင်း လက်နက်ကြီး ၃ လုံးထက် မနည်းကျရောက်ခဲ့သောကြောင့် ကျေးရွာအတွင်း ပျက်စီးမှုများရှိနေသည်ဟု ဒေသခံများပြောသည်။

အဆိုပါကျေးရွာများတွင် တိုက်ပွဲဖြစ်ပါက ရွာကို မီးရှိုမည်ဟု စစ်ကောင်စီက ခြိမ်းခြောက်ထားသောကြောင့် ဒေသခံများမှာ ကိုယ်လွတ်ပြေးထွက်လာခဲ့ကြောင်း ဆိုသည်။

“အကူအညီ အရမ်း လိုအပ်နေတယ်။ ရိတ်သိမ်းချိန် စပါးတွေ လည်းပစ်ထားခဲ့ရတယ်။ တချို့ ဆို လမ်းမှာဆိုင်ကယ်လည်း ပစ်ထားခဲ့ရတယ်။ ဆိုင်ကယ်စီး ရင်လိုက်ပစ်လို့။ တရုတ်နယ်စပ်မှာ ခု ည ၇ လောက်မှ တဲထိုးပြီး ချက်စားဖို့ လုပ်နေကြတာ။”

တရုတ်နယ်စပ်အနီး ထွက်ပြေးနေရသူများမှာ ဖော်ဂျုံးပါ နှင့် ဖော်ဂျုံးပါရွာသစ်မှ အိမ်ထောင်စု ၇၄ စုနှင့် လူဦးရေ ၄၁၁ တို့ဖြစ်သည်။ လက်ရှိ ၎င်းတို့ ထွက်ပြေးခိုလှုံနေသော နေရာမှာ မိုးရွာလျှင် ရေအိုင်သောကြောင့် အချိန်မရွေး ထပ်မံ ထွက်ပြေးရမည့် နေရာဖြစ်သည်ဟု သိရသည်။

မုံးကိုးမြို့တွင် လွန်ခဲ့သည့် ၂၀၁၆ ခုနှစ်ကလည်း မြောက်ပိုင်းမဟာမိတ်အဖွဲ့နဲ့ စစ်ကောင်စီတပ်ဖွဲ့တို့ကြား တိုက်ပွဲပြင်းထန်စွာဖြစ်ပွားခဲ့ပြီးနောက် စစ်ကောင်စီက မုံးကိုးမြို့ကို လေယာဉ်ဖြင့် ဗုံးကျဲကာ ဖျက်ဆီးခဲ့သည်။

Read Previous

မိုးမောက်တွင် စစ်ကောင်စီ ကား ၂ စီး မိုင်းခွဲ တိုက်ခိုက်ခံရ

Read Next

ပြည်သူ့စစ်အဖွဲ့ အကျိုးအမြတ်ရနေသော ရွှေမှော်များကို KIA ပိတ်သိမ်းခိုင်း

Leave a Reply

Your email address will not be published. Required fields are marked *