,

Breaking News :

မမုံ သပိတ်ခေါင်းဆောင်နှင့် ဟိုပင်လွှတ်တော်ကိုယ်စားလှယ် ၂၁ မိုင် ဂိတ်တွင် ဖမ်းခံရ

စစ်ကောင်စီ၏ မြင်း ၉ကောင် သယ်ဆောင်လာသော ၁၂ ဘီးကားကို KIA မီးရှို့ ဖျက်ဆီး

ပြည်သူ့စစ်စခန်း KIA ပြန်တိုက်ခိုက်ပါက လူနေအိမ်များကို ငဲ့ညှာမည်မဟုတ်ကြောင်း မင်းဇင်သန့် ပြော

ဆယ်ဇင်းကျေးရွာ နေအိမ် ၄၀၀ ကျော်ကို KIA နှင့် PDF တို့ မီးရှို့ဖျက်ဆီးလိုက်သည်ဆိုသာ သတင်းအမှား

နောင်းမီတွင် KIA မိုင်းဆွဲတိုက်ခိုက်မှုကြောင့် စစ်ကောင်စီတပ်သား ၂ဦးထိခိုက်ဒဏ်ရာရရှိ

ကသာ ဒေသခံ ၃၀ ကျော်ကို စစ်ကြောင်းထိုးနေသည့် စစ်ကောင်စီတပ်က ဖမ်းခေါ်သွား

ဆယ်ဇင်းတွင် စစ်ကောင်စီ လက်နက်ကြီးပစ်ခတ်မှုကြောင့် ရွှေမှော်ကျေးရွာ ၂၀ မှ ပြည်သူများ ထွက်ပြေး တိမ်ရှောင်နေရ

ကသာနယ်အထက်ပိုင်းတွင် စစ်ကောင်စီတပ် ဂျက်လေယာဉ် ၂စီးဖြင့် ဗုံးကျဲတိုက်ခိုက်

ပေကုန်း ဇရပ်တွင်တပ်စွဲထားသော စစ်ကောင်စီတပ်ကို KIA နှင့် PDF ပူးပေါင်းတပ် သွားရောက်တိုက်ခိုက်

ပူတာအိုတွင် ကုန်စိမ်းနှင့် အသားစျေးနှုန်းများ အဆမတန် မြင့်တက်

ပန်ဆိုင်း (ကြူကုတ်) တိုက်ပွဲမှာ အရပ်သား ပြည်သူ ၃ ဦး သေဆုံး

ရှမ်းပြည်နယ်မြောက်ပိုင်း ပန်ဆိုင်းမြို့နယ်ခွဲမှာ အောက်တိုဘာ ၁၇ ရက်နေ့ စစ်ကောင်စီနဲ့ ကိုးကန့် MNDAA တို့ တိုက်ပွဲမှာ အရပ်သားပြည်သူ ၃ ဦး သေဆုံးခဲ့ကြောင်း ဒေသခံတွေဆီက သိရပါတယ်။

ပန်ဆိုင်းမြို့ ရပ်ကွက် ၅ က အသက် ၆၂ နှစ် အရွယ် အမျိုးသမီးတစ်ဦးရဲ့ နေအိမ်ထဲထိ လက်နက်ကြီးကျခဲ့တာကြောင်း သေဆုံးသွားတာဖြစ်တယ်လို့ ဒေသခံ တစ်ဦး က ပြောပါတယ်။

“တရုတ်အမျိုးသမီး။ အသက် ၆၂ နှစ်။ ကျည်ဆံ တိုက်ရိုက် အိမ်ထဲကိုဝင်တာ။ ရပ်ကွက် ၅ က။ မီးဖို ချောင်မှာ လက်နက်ကြီးလာကျတာ” လို့ လက်နက်ကြီး ကျည် ထိမှန် တာဖြစ်ကြောင်း သူက ရှင်းပြပါတယ်။

ဒါ့အပြင် ပန်ဆိုင်းမြို့အထွက် ရွှေညောင်ပင် ဆီဆိုင်အဟောင်း ညောင်ပင်ကုန်း၊ ပန်ဆိုင်း မုခ်ဦးဆိုင်းဘုတ်နားမှာလည်း ပစ်ခတ်မှုကြောင့် ဆိုင်ကယ်ဖြင့် အိမ်ပြန်လာသော တရုတ်မိန်းကလေး ၂ ဦး ထပ်မံ သေဆုံးခဲ့တယ်လို့ ပန်ဆိုင်းမြို့ခံ တစ်ဦးက ဆိုပါတယ်။

“တရုတ်မလေး ၂ ယောက် ညနေပိုင်း တိုက်ပွဲ ဖြစ်နေတဲ့အချိန် သွားခွင့် မပြုတာကို သွားလိုက်လို့ ကျည်ထိမှန်သွားတာ။ မိန်းခလေး ၂ ယောက်။ ဟိုဘက်ခြမ်း၊ ဒီ ဘက်ခြမ်း ပစ်နေတဲ့ အချိန်မှာ တရုတ်မ ၂ ယောက်က ကြောက်လို့လား၊ မသိလို့လား ဖြတ်သွားတဲ့အချိန် ကျည်ထိသွားတာ။ သေသွားတယ်။ ခုထိ အလောင်း မကောက်ရသေးဘူး။” လို့ ယမန်နေ့ အောက်တိုဘာလ ၁၈ ရက်နေ့ထိ အလောင်း မကောက်နိုင်ခဲ့ကြောင်း သူက ပြောပါတယ်။

သေဆုံးသွားတဲ့ လူငယ် အမျိုးသမီး ၂ ဦးသည်  ပန်ဆိုင်း မြို့နယ်ခွဲ၊ မိုင်ဖန်ကျေးရွာအုပ်စု၊ လုံဂျာရွာ လိပ်စာပါ မှတ်ပုံတင်ကိုင်ဆောင်ထားသူတွေ ဖြစ်ပြီး ကိုဗစ် ကာကွာကွယ်ဆေး ထိုးနှံထားတဲ့ လက်မှတ်ပါ ပါတယ်လို့ ဆိုပါတယ်။

တိုက်ပွဲ‌ကြောင့် ပန်ဆိုင်း (ကြူကုတ်) မြို့နယ်မှာ ဩဂုတ်လ ၃၀ ရက်နေ့ မှ အောက်တိုဘာလ ၁၇ ရက်နေ့အထိ လက်နက်ကျည် ထိမှန်သေဆုံးသူ အမျိုးသမီး ၅ ဦး၊ လက်နက်ကျည် ရှပ်ထိ ဒဏ်ရာရရှိသူ အမျိုးသား ၂ ဦး ရှိပြီ ဖြစ်ပါတယ်။

Bum Shep

Read Previous

မြစ်ကြီးနားအခြေစိုက် သတင်းထောက်အားလုံး လွတ်မြောက်

Read Next

ပန်ဆိုင်း ရဲစခန်းကို ကိုးကန့်တပ် တိုက်ခိုက်ပြီးနောက် မုံးကိုးဘက်လည်း တိုက်ပွဲ ဆက်လက်ဖြစ်ပွားခဲ့

Leave a Reply

Your email address will not be published.