,

Breaking News :

ယုဇန ကုမ္ပဏီထွက်ခွာပြီးနောက် မြေယာ ဦးယူပိုင်ဆိုင်ထားမှုကို KIO ပြန်လည်သိမ်းယူမည်

မြန်မာ့ကြက်သွန်နီ ကားအစီး ၅၀၀ စာခန့် တရုတ်ဘက်ပို့မရလို့ ဆုံးရှုံးမှုဖြစ်ပေါ်နေ

သိန္နီ ပြည်သူ့ကာကွယ်ရေးတပ်ဖွဲ့ နေရာကို စစ်ကောင်စီက အင်အားအလုံးအရင်းနဲ့ ဝင်စီးကာ မီးရှို့ဖျက်ဆီး

မုံးကိုးမြို့နယ်မှာ စစ်ကောင်စီ နဲ့ ကိုးကန့် MNDAA တို့အကြား တိုက်ပွဲ ဆက်လက် ဖြစ်ပွား

မိုးညှင်း KIA တပ်ရင်း ၂၆ နယ်မြေသို့ ဝင်ရောက်လာသော စစ်ကောင်စီတပ်ကို KIA တိုက်ခိုက်

စစ်ကောင်စီယာဉ်တန်းကို မိုးညှင်းအနီးတွင် KIA မိုင်းခွဲ တိုက်ခိုက်

ဥယျာဉ်ထဲက ပန်းပွင့်များ

စစ်ကောင်စီတပ် လက်နက်ကြီးကြောင့် မိုးမောက်မြို့ ဘုရားကျောင်းနှင့် စစ်ရှောင်စခန်းတွင် လက်နက်ကြီးကျ

မြန်မာ – တရုတ် နယ်စပ် ကုန်သွယ်ရေး ဂိတ်ပေါက် ၂ ပေါက် စတင်ဖွင့်လှစ်

မုံးကိုးမြို့နယ်မှာ စစ်ကောင်စီက လက်နက်ကြီးဖြင့် ဆက်လက်ပစ်ခတ်နေ

ပန်ဆိုင်း ရဲစခန်းကို ကိုးကန့်တပ် တိုက်ခိုက်ပြီးနောက် မုံးကိုးဘက်လည်း တိုက်ပွဲ ဆက်လက်ဖြစ်ပွားခဲ့

ရှေ့တန်း MNDAA အစည်းအဝေးဓါတ်ပုံ (Photo-The Kokang)

ရှမ်းပြည်နယ်မြောက်ပိုင်း တရုတ်-မြန်မာနယ်စပ် ပန်ဆိုင်း (ကြူကုတ်) ရဲစခန်းကို ယနေ့ နေ့လယ်ပိုင်းက ကိုးကန့် MNDAA တပ် ထိုးစစ်ဆင်ခဲ့ပြီးနောက် မုံးကိုးဘက်မှာ စစ်ကောင်စီနဲ့ တိုက်ပွဲ ထပ်မံ ဖြစ်ပွားခဲ့ကြောင်း ဒေသခံတွေဆီက သိရပါတယ်။

နေ့လည် ၁၂ နာရီခွဲခန့်ကစတင်က ပန်ဆိုင်းမြို့ ရပ်ကွက် ၅ တွင် တိုက်ပွဲ ဖြစ်ပွားခဲ့ကြောင်း “ကျွန်မတို့ ရပ်ကွက် ၅ ဘက်မှာ ပစ်နေပြီ။ လက်နက်သေးတွေ ပစ်နေတယ်။ လက်နက်ကြီး လည်း ပစ်သံကြားရတယ်။ အခု ကတုတ်ကျင်းထဲ မှာ ပုန်းနေတယ်” လို့ ဒေသခံ အမျိုးသမီး တဦးက ပြောပါတယ်။

ပန်ဆိုင်းမြို့ ရဲစခန်းကို MNDAA တပ်က ထိုးစစ်ဆင်ပစ်ခတ်ခဲ့ပြီး မိနစ်အနည်းငယ်အကြာ မွန်းလွဲပိုင်းမှာပဲ တိုက်ပွဲ ပြန်လည် ငြိမ်သွားတယ်လို့ သူက ပြောပါတယ်။

လက်ရှိ ပန်ဆိုင်းမြို့တစ်ဝိုက်မှာ စစ်ကောင်စီတပ် ကိုးကန့် MNDAA တပ်အပြင် တအောင်း TNLA တပ်တို့ လှုပ်ရှားသွားလာနေတာလည်း မြင်ရတယ်လို့ ဒေသခံတွေက ပြောပါတယ်။

မွန်းလွဲပိုင်း ၃ နာရီကနေ ၅ နာရီ ကျော်ခန့်အထိ မုံးကိုးမြို့ ကောင်းဒပ်ဘက်မှာ လက်နက်ကြီး လက်နက်ငယ်များဖြင့် တိုက်ပွဲပြင်းထန်ခဲ့ကာ ညနေ ၆ နာရီအထိ ပစ်ခတ်သံအနည်းငယ်ကြားနေရဆဲဖြစ်တယ်လို့ မုံးကိုး ဒေသခံတစ်ဦးက ပြောပါတယ်။

စစ်ကောင်စီတပ်နဲ့ ကိုးကန့် (MNDAA) တို့အကြား မုံးကိုးဘက်မှာ ပြီးခဲ့တဲ့ ဇူလိုင်လ ဆန်းပိုင်းကစတင်ပြီး တိုက်ပွဲ ပြန်လည် ပြင်းထန်လာတာဖြစ်ပါတယ်။

တိုက်ပွဲကြောင့် မုံးကိုးနဲ့ ကြူကုတ် (ပန်ဆိုင်း) မြို့နယ်ခွဲမှာ စစ်ဘေးဒုက္ခသည် ၂၀၀၀ ကျော်ရှိလာပြီး လက်နက်ကြီးထိမှန်သေဆုံးသူ ၁၀ ဦး နှင့် ထိခိုက်ဒဏ်ရာ ရရှိသူ ၁၀ ဦးကျော်ရှိပြီဖြစ်ပါတယ်။

Bum Shep

Read Previous

ပန်ဆိုင်း (ကြူကုတ်) တိုက်ပွဲမှာ အရပ်သား ပြည်သူ ၃ ဦး သေဆုံး

Read Next

သတ်မှတ်ချိန်အတွင်း ဖြတ်မောင်းလာသည့် ဆီဘောက်ဆာကား မိုင်းဆွဲခံရ

Leave a Reply

Your email address will not be published. Required fields are marked *