,

Breaking News :

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နာဂတောင်တန်း ကျေးရွာတစ်ခု ရွာလုံးကျွတ်နီးပါး မီးလောင်မှုဖြစ်ပွား

ရွှေဘိုတိုက်ပွဲတွင် ကာကွယ်ရေးတပ်ဖွဲ့ဝင် ၃ ဦးကျဆုံး

ဒီပဲယင်းတွင် တစ်ပတ်အတွင်းကျေးရွာ ၁၀ ရွာမှ နေအိမ်တစ်ထောင်ကျော် မီးရှို့ခံရ

ရွှေကူ ဆင်တပ်ရွာတွင် ဖမ်းဆီးထားသည့် ပြည်သူ ၁၄ ဦးအနက် ဆယ်ကျော်သက်လူငယ်တစ်ဦးကို ကလေးအကျဥ်ထောင်ပို့ရန် စီစဥ်နေ

မိုးညှင်း Silent strike နေ့တွင် အလယ်တန်းကျောင်းအတွင်း ဗုံးပေါက်ကွဲမှုဖြစ်ပွား

စစ်ဘေးရှောင်ကျေးရွာ ၁၂ ရွာမှ ဒေသခံတစ်သောင်းကျော်အတွက် ဆေးဝါးနှင့် စားနပ်ရိက္ခာအရေးပေါ်အကူညီများ လိုအပ်နေ

စစ်တပ်က ရိုက်နှက်ဖမ်းဆီးသွားသည့် ကားသမားတစ်ဦး နှင့် ဆယ်ကျော်သက် လူငယ်တစ်ဦးတို့ဖြင့် အဆက်အသွယ် မရသေး

အာဏာသိမ်းမှု ၂ နှစ်ပြည့် အသံတိတ်သပိတ် ပါဝင်ပေးကြဖို့ ကချင်ပြည်နယ်မှ တော်လှန်ရေးအင်အားစုများ တိုက်တွန်း

စစ်ကောင်စီနဲ့ ကိုးကန့် MNDAA တိုက်ပွဲကြောင့် ပန်ဆိုင်းမြို့ခံများ ကားနဲ့ နေအိမ်အချို့ ထိခိုက်ပျက်စီး

ပန်ဆိုင်းမြို့ပ​ေါ် လက်နက်ကြီးကြောင့် ပျက်စီးသွားသော ပြည်သူများ၏ နေအိမ်

ရှမ်းမြောက် ပန်ဆိုင်းမြို့မှာ ယမန်နေ့ည စစ်ကောင်စီနဲ့ ကိုးကန့် MNDAA တို့အကြား တိုက်ပွဲကြောင့် ပြည်သူတွေရဲ့ ကားနဲ့ နေအိမ်အချို့ ထိခိုက်ပျက်စီးခဲ့သွားတယ်လို့ သိရပါတယ်။

အောက်တိုဘာလ ၂၅ ရက် ည ၉ နာရီကျော်ကနေ ၁၀ နာရီခွဲဝန်းကျင်အထိ ပစ်ခတ်မှုကြား လက်နက်ကြီးကျရောက်မှုကြောင့် ပျက်စီးသွားတယ်ဖြစ်ကြောင်း ဒေသခံတစ်ဦးက ပြောပါတယ်။

“ကျွန်တော်တို့ အသင်းထောက်နေအိမ် ခြံဝင်းမှာ ကျတယ်။ ကားရော၊ မှန်တွေရော အကုန်ထိကုန်ပြီ။ လူတော့ ဘာမှ မဖြစ်ဘူး။ ထိသွားတဲ့အိမ်တွေ တော်တော်ရှိတယ်။ ထိသွားတဲ့ အိမ်အားလုံး လိုက်မကြည့်နိုင်သေးဘူး။ တရုတ်အိမ် ၂ အိမ် ၃ အိမ်ထိတယ်။ ကိုးကန့်တွေ ဟုတ်တယ်။ မနေ့ည ၉ နာရီ ၄၅ မိနစ် ဝန်းကျင်ကနေ စဖြစ်တာ ၁၀ နာရီခွဲ ဝန်းကျင်ထိ ဖြစ်တယ်။” လို့ မျက်မြင် ဒေသခံ ၁ ဦးက ပြောပါတယ်။

ယခုလအတွင်း ပန်ဆိုင်း (ကြူကုတ်) မြို့မှာ နေ့စဉ်နီးပါး စစ်ကောင်စီနဲ့ ကိုးကန့် MNDAA တို့အကြား တိုက်ပွဲဖြစ်ပွားနေကြောင်း “ဒီကြားထဲမှာ ပန်ဆိုင်းမှာ ဖြစ်တာ။ ရဲစခန်းလည်း လာပစ်တယ်။ ပြည်သူ့ကာကွယ်ရေးတပ်တွေလည်း လှုပ်ရှားသွားလာနေတာတွေ့ရတယ်။” လို့ နောက်ထပ် ဒေသခံ ၁ ဦးက ပြောပါတယ်။

ပန်ဆိုင်းမြို့နယ်ခွဲအတွင်း ဩဂုတ်လ ၄ ရက်နေ့မှ ယနေ့အထိ စစ်ကောင်စီနဲ့ ကိုးကန့် MNDAA တို့အကြား တိုက်ပွဲကြောင့် လက်နက်ထိမှန် သေဆုံးခဲ့သူ အမျိုးသမီး ၅ ဦး ရှိပြီး လက်နက်ထိမှန် ဒဏ်ရာပြင်းထန် ရရှိခဲ့သူ အမျိုးသမီး ၁ ဦးရှိကာ ကားနဲ့ ဘုရားကျောင်း အပါအဝင် အရပ်သားပြည်သူတွေရဲ့ နေအိမ် အချို့ ထိခိုက်ပျက်စီးခဲ့တာလည်း ဖြစ်ပါတယ်။

Bum Shep

Read Previous

စစ်ရေးတင်းမာမှုများကြောင့် ဖောင်းဆိုင်ဒေသခံများ စပါးရိတ်သိမ်းရန် အခက်အခဲဖြစ်နေ

Read Next

နောင်မွန်မြို့  Covid-19 လူများအတွက် အောက်စီဂျင်အိုးများ ထပ်မံ လိုအပ်နေ