,

Breaking News :

ရေဦးတိုက်ပွဲတွင် စစ်ကောင်စီဘက်က ၁၅ ဦး ထိခိုက် သေဆုံးပြီး PDF ဘက်က ၃ ဦးကျဆုံးဟုဆို

ဖားကန့်တွင် လုပ်ကွက်ဟောင်းတွင်းထဲ ပြုတ်ကျသေဆုံးခဲ့သည့် မိသားစု ၃ ဦးအနက် အမျိုးသမီးဖြစ်သူ၏ ရုပ်အလောင်းပြန်တွေ့ရှိ

မြစ်ကြီးနားနဲ့ ဖားကန့် မြို့နေရာတွေမှာ စစ်ကောင်စီ စစ်ဆေးရေးပိုမိုတင်းကြပ်နေသည့်အတွက် သွားလာရေးအခက်တွေ့နေ

စစ်ကိုင်းနှင့် ထိစပ်သည့် KIA တပ်မဟာ ၈ ၊ ၉ ဒေသများတွင် တိုက်ပွဲ ဆက်လက်ပြင်းထန်လာနိုင်

အသည်းနှလုံးတွေကိုဖျက်စီးသွားစေတဲ့အရာ

ပြည်သူ့ စစ်စခန်းသို့ ဝင်ရောက်စီးနင်းချိန် TNLA တပ်ဖွဲ့က ဒေသခံများကို လူသားဒိုင်းအဖြစ် အသုံးပြုခဲ့

ကန့်ဘလူနယ်တွင် ကျေးရွာ ၅ခု မီးရှို့ဖျက်ဆီးခံရကာ ပြည်သူ ၈ ထောင်ကျော် ထွက်ပြေးနေရ

ရွှေကူနယ်တွင် စစ်ကောင်စီတပ် ထိုးစစ်ဆင်နေသဖြင့် တိုက်ပွဲဖြစ်ပွာလာမည်ကို ဒေသခံများစိုးရိမ်

စစ်တပ်ထုတ်ပြန်ထားတဲ့ မာရှယ်လောဟာ တော်လှန်ရေးအင်အားစုအတွက် ဘာမှအကျိုးသက်ရောက်မှုရှိမှာမဟုတ်ဘူးလို့ တော်လှန်ရေးအင်အားစုတွေပြော

အင်းတော် Silent Strike နေ့ ဖမ်းဆီးခံရသည့် အမျိုးသားလွတ်မြောက်လာခြင်းမရှိသေး

နောင်မွန်မြို့  Covid-19 လူများအတွက် အောက်စီဂျင်အိုးများ ထပ်မံ လိုအပ်နေ

နောင်မွန်မြို့

ပူတာအိုခရိုင် နောင်မွန်မြို့ရှိ Covid-19 လူနာများအတွက်အရေးတကြီးလိုအပ်နေသော အောက်ဆီဂျင်အိုးများ သယ်ယူဖို့ လိုအပ်နေသော်လည်း စစ်ကောင်စီက ခွင့်မပြုသဖြင့် အခက်ကြုံနေရကြောင်း သိရသည်။

လူဦးရေ နည်းပါးသော နောင်မွန်မြို့တွင် ကိုဗစ် ကူးစက်ခံရသူ အဆမတန်တိုးလာသောကြောင့် ဆေးဝါးပစ္စည်းများလည်း ကူညီထောက်ပံ့ပေးရန်လိုအပ်နေကြောင်း လူမှုကူညီရေးအဖွဲ့မှ တာဝန်ရှိသူတစ်ဦးက KNG သတင်းဌာနကို ပြောဆိုခဲ့သည်။

“ကျနော်တို့မှာ အောက်ဆီဂျင်ဗူးရရှိဖို့အဆင်မပြေဘူး။ လောလောဆယ်က အစိုးရလို့ခံယူထားတဲ့ အဖွဲ့တွေက သယ်ယူခွင့်ကိုမပေး ဘူး။ မန္တလေးမှာ အလှူရှင်ပေးတာဟုတ်တယ်။ သယ်ယူဖို့အကြိမ်ကြိမ်ကြိုးစားတယ်။ မရတော့ လှူတဲ့အဖွဲ့တွေကို ပြန်ငြင်းလိုက်ပြီး ပြန်အပ်ရတယ်။ ဒါပေမယ့် လျှပ်စစ်နဲ့သုံးလို့ရတဲ့ဟာက သယ်ယူခွင့်ပြုတယ်လို့တော့ ပြောတယ်။ ပြီးရင် ဆေးဝါးတွေလည်း လိုအပ်နေတယ်” ဟုပြောဆိုသည်။

နောင်မွန်မြို့ရှိ ကိုဗစ်-၁၉ လူနာများအတွက် တစ်ရက် အောက်ဆီဂျင် ၁၀ လုံးထက်မနည်းထုတ်လုပ်နိုင်ရန်အတွက် စက်မောင်းနှင်ရန် မီးစက်အကြီးတစ်လုံး လိုအပ်နေသည်ဟုလည်း ဆိုသည်။

“ကျနော်တို့ နောင်မွန်ဆေးရုံမှာက နဂိုကနေ အောက်ဆီဂျင် ၃၊ ၄လုံးလောက်တော့ရှိမယ်ထင်တယ်။ ဆေးရုံမှာက Honda မီးစက်အသေးတစ်ခုဘဲရှိတာ။ အဲ့စက်တစ်ခုထဲနဲ့ အများကြီး ထုတ်မပေးနိုင်ဘူး။ ပြီးတော့ ဒီဘက်က ဆီစျေးကြီးတော့ အလွန်ဆုံး ၃နာရီလောက်ဘဲစက်နိုး နိုင်တယ်။ အဲ့ကြောင့် ဖြစ်နိုင်ရင် ဗို့များတဲ့ စက်တစ်လုံးလည်း လိုအပ်တယ်” ဟု ပြောဆိုသည်။

ကချင်ပြည်နယ်မြောက်ပိုင်း နောင်မွန်မြို့တွင် အောက်တိုဘာလ ၁၅ရက်နေ့တွင် ၁၈ဦးစတင်တွေ့ရှိခဲ့ပြီးနောက် ယနေ့ အောက်တိုဘာလ ၂၆ရက်နေ့အထိ ပိုးကူးစက်ခံရသူ ၇၀ ကျော်ပြီဖြစ်သည်။

နောင်မွန်မြို့ပေါ်ရပ်ကွက် ၅ ခုရှိသည့်အနက် ရပ်ကွက် ၂ နှင့် ၃ တွင် ကူးစက်မှုအများဆုံးဖြစ်သောကြောင့် ဒေသခံတစ်ချို့မှာ နီးစပ်ရာ တောင်ယာအခင်းများသို့ သွားရောက်တိမ်းရှောင်နေရကြောင်း သိရသည်။

ပြီးခဲ့သော စက်တင်ဘာလကုန်ပိုင်း နောင်မွန်အုပ်ချုပ်ရေးမှူးအဖွဲ့များ ဦးဆောင်သော ဘောလုံးပွဲ လူစုလူဝေးများကြောင့် ရောဂါကူးစက်မှုနှုန်း ပိုမိုမြင့်တက်လာသည်ဟု ဒေသခံများ သုံးသပ်ပြောဆိုနေကြသည်။

Read Previous

စစ်ကောင်စီနဲ့ ကိုးကန့် MNDAA တိုက်ပွဲကြောင့် ပန်ဆိုင်းမြို့ခံများ ကားနဲ့ နေအိမ်အချို့ ထိခိုက်ပျက်စီး

Read Next

မူဆယ်မြို့နယ်မှာ တရုတ်ဘက် နယ်နမိတ်ကျူးကျော် သံဆူးကြိုးခတ်လာမှုကို ဒေသခံများ ပြန်လည်ဖျက်ဆီး